ເປີດຢ່າງເປັນທາງການສຳລັບຫ້ອງວາງສະແດງຮູບພາບທີ່ສ່ອງແສງໃຫ້ເຫັນເຖິງສິລະປະວັດທະນະທຳທີ່ເກີດຈາກຈິນຕະນາການ ແລະ ຈິດວິນຍານ.
ທ່ານ ບຸນໂປນ ໂພທິສານ ນັກແຕ້ມຮູບອິດສະຫຼະ ກ່າວວ່າ ຮູບພາບທີ່ນຳມາສະແດງໃນຄັ້ງນີ້ແມ່ນມີແຮງບັນດານໃຈມາຈາກລາຍລາວທີ່ເນັ້ນສະເພາະຮູບພາບ ແລະ ຄວາມງາມຂອງແມ່ຍິງລາວໂດຍສະເພາະ ຊຶ່ງໃນຄໍເລັກເຊິນນີ້ແມ່ນໃຊ້ເວລາປະມານ 6 ເດືອນໃນການສ້າງສັນຮູບພາບປະມານ 40 ພາບທີ່ນຳມາສະແດງໃນຄັ້ງນີ້.
ບັນດາທ່ານທີ່ສົນໃຈກໍສາມາດເຂົ້າໄປຊົມໄດ້ທີ່ຫ້ອງສະແດງບ້ານເກົ້າຍອດ ເມືອງສີສັດຕະນາກ ນະຄອນຫຼວງວຽງຈັນ ຊຶ່ງງານຄັ້ງນີ້ເລີ່ມແຕ່ວັນທີ 17-25 ພຶດສະພາ 2019 ຫຼື ໂທສອບຖາມໄດ້ທີ່ໝາຍເລກໂທລະສັບ (020) 5809 6984 ຫຼື ທາງແຟນເພຊ Facebook/Eastern Art Gallery And Academy.
ໂດຍ: ສະຫະລັດ ວອນທິວົງໄຊ