ເມື່ອວັນທີ 16 ພຶດສະພາຜ່ານມາ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ບໍລິສັດ ລາວຟອດ ຊີຕີ ໄດ້ຈັດພິທີເປີດໂຕລົດລຸ້ນໃໝ່ ຟອດທຣານຊິດ (Transit) ຢ່າງເປັນທາງການ ເຂົ້າຮ່ວມພາຍໃນງານມີຕາງໜ້າຝ່າຍຂາຍ ແລະ ພາກສ່ວນກ່ຽວຂ້ອງຂອງບໍລິສັດ ລາວຟອດ ຊີຕີ ມີບັນດາແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ຟອດທຣານຊິດ ເປັນລົດລຸ້ນໃໝ່ຫຼ້າສຸດທີ່ມາພ້ອມຄວາມທັນສະໄໝ ມີ 15 ບ່ອນນັ່ງ ຊຶ່ງມາພ້ອມເກຍກະປຸກ 6 ສະປີດ ມີລະບົບການຊົງຕົວທີ່ປອດໄພໃນເວລາເຂົ້າໂຄ້ງ ບ່ອນນັ່ງຂອງຜູ້ໂດຍສານມີເນື້ອທີ່ກວ້າງຂວາງ ພ້ອມນີ້ ກໍມີລະບົບແອທີ່ມີສະເພາະແຕ່ລະບ່ອນນັ່ງ ລວມເຖິງກ້ອງເຊັນເຊີ້ໜ້າ-ຫຼັງ ແລະ ລະບົບຄວາມປອດໄພອີກຫຼາຍຢ່າງທີ່ມີລວມຢູ່ໃນລົດລຸ້ນ ຟອດທຣານຊິດ ສຳລັບລາຄາເລີ່ມຕົ້ນແມ່ນຢູ່ທີ່ 45.000 ໂດລາ ພິເສດ ສະເພາະເດືອນພຶດສະພາ 2019 ນີ້ ລາວຟອດໄດ້ຈັດໂປຣໂມເຊິນເປີດໂຕດ້ວຍລາຄາ 42.000 ໂດລາ.
ບັນດາທ່ານທີ່ສົນໃຈຢາກສຳຜັດ ຫຼື ເປັນເຈົ້າຂອງ ຟອດທຣານຊິດ ກໍສາມາດຕິດຕໍ່ສອບຖາມລາຍລະອຽດໄດ້ທີ່ສູນຈຳໜ່າຍຟອດທຸກສາຂາທົ່ວປະເທດ ສະເພາະນະຄອນຫຼວງວຽງຈັນສາມາດສອບຖາມໄດ້ທີ່ໝາຍເລກໂທສະລັບ (021) 241 108.
ໂດຍ: ສະຫະລັດ ວອນທິວົງໄຊ