ເມື່ອວັນທີ 8 ພຶດສະພາຜ່ານມາ ທີ່ໂຮງແຮມຄຣາວພລາຊາ ນະຄອນຫລວງວຽງຈັນ ໄດ້ຈັດພິທີເຊັນບົດບັນທຶກຄວາມເຂົ້າໃຈລະ ຫວ່າງລັດຖະບານແຫ່ງ ສປປ ລາວ ແລະ ບໍລິສັດນະຄອນຫຼວງ ຈຳກັດ ແລະ ບໍລິສັດນ້ຳມັນເຊື້ອໄຟໝາກເກົາລາວ ຈຳກັດ ຕາງ ໜ້າຝ່າຍລັດຖະບານໂດຍ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ບຸນຈັນ ໄຊເກີຢາຈົງຕົວ ຜູ້ອຳນວຍການບໍລິສັດນ້ຳມັນເຊື້ອໄຟໝາກເກົາລາວ ຈຳກັດ ມີບັນດາພາກສ່ວນກ່ຽວຂ້ອງ ແລະພະນັກງານວິຊາການເຂົ້າ ຮ່ວມເປັນສັກຂີພິຍານ.
ໂດຍເນື້ອໃນຂອງສັນຍາດັ່ງກ່າວແມ່ນອະນຸຍາດໃຫ້ບໍລິສັດເຂົ້າໄປສຶກສາ ແລະ ສຳຫຼວດຄວາມເປັນໄປໄດ້ໃນການສ້າງໂຮງກັ່ນນ້ຳມັນ ໄບໂອດີເຊລຈາກໝາກເກົາ ຊຶ່ງພືດທີ່ໃຫ້ນໍ້າມັນ ແລະ ໂຮງກັ່ນນ້ຳມັນກາຊວນ ແລະ ແອັດຊັງ ທີ່ຕັ້ງຢູ່ບ້ານດົງນາຄວາຍ ເມືອງໄຊທານີ ນະຄອນຫລວງວຽງຈັນ.
ທັງນີ້ ຕາມບົດບັນທຶກສັນຍາແມ່ນຈະມີໄລຍະເວລາການສຶກສາສຳ ແລະ ສຳຫຼວດ 18 ເດືອນ ໂດຍໂຄງການດັ່ງກ່າວໄດ້ຜ່ານການຄົ້ນຄວ້າ ແລະ ໄດ້ລາຍງານຕໍ່ກອງປະຊຸມຄະນະກຳມະການສົ່ງເສີມ ແລະ ຄຸ້ມຄອງການລົງທຶນຂັ້ນສູນກາງ ໂດຍໄດ້ມີແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ.
ໂດຍ: ສະຫະລັດ ວອນທິວົງໄຊ