spot_img
Homeຂ່າວພາຍ​ໃນ24 ​ເມສານີ້ ​ເມືອງ​ສີ​ໂຄດ ​ຈະ​ປິດ​ນໍ້າ​ປະປາ​ຊົ່ວຄາວ

24 ​ເມສານີ້ ​ເມືອງ​ສີ​ໂຄດ ​ຈະ​ປິດ​ນໍ້າ​ປະປາ​ຊົ່ວຄາວ

Published on

ລັດ​ວິ​ສະຫະ​ກິ​ດນໍ້າ​ປະປາ​ນະຄອນຫລວງ​ວຽງ​ຈັນ​ໄດ້​ແຈ້ງ​ໃຫ້​ພໍ່​ແມ່​ປະຊາຊົນ​ທີ່​ອາ​ໃສຢູ່​ເຂດ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ​ໃຫ້​ກະກຽມ​​ໂຕ່ງ​ນໍ້າ​ໄວ້​ເພື່ອ​ນໍາ​ໃຊ້​ຊົ່ວຄາວ ​ເພາະ​ໃນ​ວັນ​ທີ 24 ​ເມສາ​ນີ້ ຈະ​ໄດ້​ປິດ​ນໍ້າ​ເພື່ອ​ສ້ອມ​ແປງປະຕູ​ນໍ້າ ​ໂດຍ​ຈະ​ໃຊ້​ເວລາ​ປະມານ 5 ຊົ່ວ​ໂມງ.

​ອີງ​ຕາມ​ໃບ​ແຈ້ງ​ການ​ສະບັບ​ເລກທີ 0382 ລົງ​ວັນ​ທີ 22 ​ເມ​ສາ 2019 ວ່າ: ລັດ​ວິ​ສາ​ຫະກິດ​ນໍ້າ​ປະປາ​ນະ​ຄອນ​ຫລວງ​ວຽງ​ຈັນ​ຂໍ​ແຈ້ງ​​ເຖິງ ພະນັກງານ, ທະຫານ​ຕໍາຫລວດ, ພໍ່​ແມ່​ປະຊາ​ຊົນ, ຫົວໜ່ວຍ​ທຸລະ​ກິດ​ທີ່​ນໍາ​ໃຊ້​ນໍ້າ​ປະປາ​ຢູ່​ເຂດ​ເມືອງ​ສີ​ໂຄດ​ຕະບອງ ຮັບຮູ້​ວ່າ: ​ໃນ​ໄລຍະ​ທີ່ມີ​ການ​ດໍາ​ເນີນ​ການ​ສ້ອມ​​ແປງ​ປະຕູ​ນໍ້າ​ຂະ​ໜາດ 200 DIP ຢູ່ບ້ານດ່ານຄໍາ ເມືອງສີໂຄດຕະບອງ ນະຄອນຫລວງວຽງຈັນ ຈະສົ່ງຜົນເຮັດໃຫ້ແຮງດັນນໍ້າປະປາອອກຄ່ອຍຫາບໍ່ມີນໍ້າ ເຮັດໃຫ້ການບໍລິການ-ສະໜອງນໍ້າປະປາຈະບໍ່ໄດ້ຕາມຄາດໝາຍ ອາດຈະບໍ່ພຽງພໍໃນການຊົມໃຊ້ນໍ້າປະປາໃນບາງເຂດໂດຍສະເພາະບ້ານ: ດ່ານຄໍາ, ໜອງດາ, ໂນນຂີ້ເຫລັກ, ໂນນແກ້ວ, ຕາດທອງ, ໂນນສົມບູນ ເມືອງສີໂຄດຕະບອງ. ດັ່ງນັ້ນຈຶ່ງແຈ້ງມາຫຍັງພໍ່ແມ່ປະຊາຊົນທີ່ອາໃສ່ໃນຕົວເມືອງສີໂຄດຕະບອງຮັບຮູ້.

ສໍາລັບການສ້ອມແປງແມ່ນຈະເລີ່ມແຕ່ເວລາ 9:00 ໂມງເຊົ້າ- 14:00 ໂມງແລງ ຂອງວັນທີ 24 ເມສາ 2019 ໂດຍໃຊ້ເວລາ 5 ຊົ່ວໂມງ.

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...