ໃນວັນທີ 22 ເມສາ 2019 ທີ່ນະຄອນຫລວງວຽງຈັນ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ນາງ ອາມິດາ ຊໍເຊຍ ອາລີສຈາບານາ ຜູ້ຊ່ວຍເລຂາທິການໃຫຍ່ ອົງການສະຫະປະຊາຊາດ (ສປຊ), ເລຂາບໍລິຫານງານຂອງຄະນະກຳມາທິການເສດຖະກິດ-ສັງຄົມ ສປຊ ປະຈຳພາກພື້ນອາຊີ-ປາຊີຟິກ (UNESCAP) ພ້ອມດ້ວຍຄະນະ ທີ່ເດີນທາງມາເຮັດວຽກ ແລະ ຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງວັນທີ 21-23 ເມສາ 2019 ນີ້.
ໃນໂອກາດດັ່ງກ່າວ, ທ່ານ ສະເຫລີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບ ທ່ານ ນາງ ອາມິດາ ຊໍເຊຍ ອາລີສຈາບານາ ພ້ອມດ້ວຍຄະນະ ທີ່ເດີນທາງມາຢ້ຽມຢາມ ສປປ ລາວ ໃນຄັ້ງນີ້, ເຊິ່ງເປັນຂີດໝາຍສຳຄັນ ເພື່ອເປັນການຮັດແໜ້ນສາຍພົວພັນການຮ່ວມມືລະຫວ່າງ ສປປ ລາວ ແລະ UNESCAP ໃຫ້ແໜ້ນແຟ້ນຂຶ້ນກວ່າເກົ່າ.
ພ້ອມດຽວກັນນີ້, ນາງ ອາມິດາ ຊໍເຊຍ ອາລີສຈາບານາ ໄດ້ສະແດງຄວາມຂອບໃຈ ຕໍ່ທ່ານລັດ ຖະມົນຕີ ກະຊວງການຕ່າງປະເທດ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມຈະສືບຕໍ່ຮ່ວມມືໃນວຽກງານຕ່າງໆ ຕໍ່ໄປອີກໃນອະນາຄົດ.
ຂຽນໂດຍ: ສະຫະລັດ ວອນທິວົງໄຊ