ຫ້ອງວ່າການປົກຄອງເມືອງ ຫີນບູນ ແຈ້ງການສະບັບເລກທີ 22/ຫວມ.ຫບ, ລົງວັນທີ 27 ມີນາ 2019 ວ່າດ້ວຍການປິດເພື່ອປັບປຸງຊົ່ວຄາວຢູ່ແຫຼ່ງທ່ອງທ່ຽວຂຸນກອງແລງ.
ຫ້ອງວ່າການປົກຄອງເມືອງຂໍຖືເປັນກຽດແຈ້ງມາຍັງບັນດາບ້ານທີ່ຢູ່ອ້ອມຂ້າງແຫຼ່ງທ່ອງທ່ຽວຂຸນກອງແລງ ບ້ານ ນາຄີ ແລະ ກຸ່ມນາໂພ ເພື່ອຮັບຊາບ ໃນການປິດເພື່ອປັບປຸງແຫຼ່ງທ່ອງທ່ຽວຂຸນກອງແລງໄວ້ຊົ່ວຄາວ ເພື່ອມີການພັດທະນາປັບປຸງກໍ່ສ້າງໃຫ້ສຳເລັດ, ຈຶ່ງໃຫ້ມີການບໍລິການຕໍ່ ແລະ ຂໍອະໄພໃນຄວາມບໍ່ສະດວກພ້ອມທັງຂໍຄວາມຮ່ວມມືຈາກພາກສ່ວນໃນການຈັດຕັ້ງປະຕິບັດ.
ອີງຕາມຂໍ້ຕົກລົງຂອງເຈົ້າແຂວງ ແຂວງຄຳມ່ວນວ່າດ້ວຍການອະນຸມັດເຊັນສັນຍາສຳປະທານ ເພື່ອພັດທະນາແຫຼ່ງທ່ອງທ່ຽວ ແລະ ກະສິກຳແບບອະນຸລັກທຳມະຊາດ, ຍືນຍົງ ແລະ ສີຂຽວ ໂດຍຮ່ວມມືກັບປະຊາຊົນໃນໂຄງການ The Green World @khammouane.
ໃນຂອບເຂດ ຂຸນກອງແລງ, ຂຸນແຂ້, ວັງນໍ້າຕົກ (ຖໍ້າຫຼວງ), ຂຸນນໍ້າປະກັນ, ຕາດຄອນແກ້ວ, ພູຜາດ້າງ,ສາຍນໍ້າຂຸນກອງແລງ, ສາຍນໍ້າເຢັນ ແລະ ສາຍນໍ້າປະກັນ ທີ່ເມືອງ ຫີນບູນ ແຂວງ ຄຳມ່ວນ ຂອງ ບໍລິສັດ ອິນທຣາ ໂຄໂປເຣຊັ່ນ ຈຳກັດຜູ້ດຽວ ສະບັບເລກທີ 08/ຄລທ.ຂ, ລົງວັນທີ 18 ມີນາ 2019.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ຫ້ອງວ່າການປົກຄອງເມືອງ ຫີນບູນ