spot_img
Homeຂ່າວພາຍ​ໃນ144 ຄົນເຂົ້າຮ່ວມສອບເສັງລະດັບຊາດປະຈໍາສົກຮຽນ 2018- 2019

144 ຄົນເຂົ້າຮ່ວມສອບເສັງລະດັບຊາດປະຈໍາສົກຮຽນ 2018- 2019

Published on

ວັນທີ 26 ມີນາ 2019 ກະຊວງສຶກສາທິການ ແລະ ກິລາ ໄດ້ຈັດສອບເສັງແຂ່ງຂັນນັກຮຽນເກັ່ງຂັ້ນມັດທະຍົມສຶກສາລະດັບຊາດ ຊັ້ນມໍ4 ແລະ ມໍ7 ປະຈຳສົກຮຽນ 2018-2019 ຂຶ້ນທີ່ສະໂມສອນໃຫຍ່ມະຫາວິທະຍາໄລແຫ່ງຊາດ ໂດຍມີນັກສອບເສັງເຂົ້າຮ່ວມທັງໝົດ144 ຄົນໃນນັ້ນ ມ 4 ມີ72 ຄົນ, ມ 7 ມີ 72 ຄົນ.

ທ່ານ ນາງ ປອ.ສີສຸກ ວົງວິຈິດ ຫົວໜ້າກົມສາມັນສຶກສາ ຮອງປະທານການສອບເສັງແຂ່ງຂັນນັກຮຽນເກັ່ງລະດັບຊາດ ປະຈຳສົກຮຽນ 2018-2019 ກ່າວໃຫ້ຮູ້ວ່າ: ການສອບເສັງແຂ່ງຂັນນັກຮຽນເກັ່ງລະດັບຊາດຂັ້ນມັດທະຍົມສຶກສາ ເປັນໜຶ່ງກິດຈະກຳບູລິມະສິດທີ່ສຳຄັນຂອງກະຊວງສຶກສາທິການ ແລະ ກິລາ ທີ່ໄດ້ຈັດຂຶ້ນເປັນປະຈຳທຸກໆປີ ໃນນັ້ນຊັ້ນມໍ4 ໄດ້ຈັດສອບເສັງເປັນປີທີ 10 ແລະ ມໍ7 ເປັນປີທີ 9 ເພື່ອສົ່ງເສີມ ແລະ ຊຸກຍູ້ຂະບວນການສອນດີ-ຮຽນເກັ່ງຢູ່ໂຮງຮຽນມັດທະຍົມສຶກສາໃນຂອບເຂດທົ່ວປະເທດໃຫ້ມີບັນຍາກາດຟົດຟື້ນ ແລະ ມີລັກສະນະແຂ່ງຂັນ, ສ້າງໂອກາດໃຫ້ນັກຮຽນໄດ້ສະແດງອອກດ້ານຄວາມຮູ້-ຄວາມສາມາດ, ດ້ານພອນສະຫວັນ ແລະ ຫົວຄິດປະດິດສ້າງຂອງນັກຮຽນ.

ສຳລັບການສອບເສັງໃນຄັ້ງນີ້ ມີນັກຮຽນເກັ່ງທີ່ເປັນຕົວແທນຂອງນະຄອນຫຼວງວຽງຈັນ ແລະ 17 ແຂວງເຂົ້າຮ່ວມ ວິຊາລະ 1ຄົນ, ໃນນັ້ນຊັ້ນມໍ4 ມີທັງໝົດ 72 ຄົນ ຍິງ 32 ຄົນ, ຊັ້ນມໍ7 ມີ 72 ຄົນ ຍິງ 23 ຄົນ ສອບເສັງໃນ 4 ວິຊາຄື: ວິຊາພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະ ເຄມີສາດ ໃຊ້ເວລາ 120 ນາທີ ສ່ວນມາດຖານການຕັດສິນຜົນການສອບເສັງ ນັກສອບເສັງຕ້ອງຍາດໄດ້ຄະແນນ 7 ຂຶ້ນໄປຈຶ່ງຈະຖືກຮອງຮັບເປັນນັກຮຽນເກັ່ງລະດັບຊາດໄດ້ ຂະນະທີ່ ການປະກາດຜົນການສອບເສັງ ຈະມີຂຶ້ນໃນຕອນບ່າຍວັນສຸກ ວັນທີ 29 ມີນາ 2019 ທີ່ສະໂມສອນໃຫຍ່ມະຫາວິທະຍາໄລແຫ່ງຊາດ.

 

 

 

 

 

 

 

ຂຽນຂ່າວໂດຍ: ແຟນຊິສ ສະຫວັນຄຳ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...