ພະ​ແນ​ກຊັບພະຍາກອນທໍາ​ມະ​ຊາດ ​ແລະ ສິ່ງ​​ແວດ​ລ້ອມ ນະຄອນຫຼວງ​ວຽງ​ຈັນ ​ໄດ້​ອອກ​ແຈ້ງ​ການ, ສະບັບເລກທີ 1634/ພຊສ.ນວ, ລົງວັນທີ 25 ກຸມພາ 2019 ​ໃຫ້​ໂຈະ​ການ​ຊື້​ຂາຍ, ການ​ມອບ​​ໂອນ, ຄໍ້າປະກັນກູ້ຢືມ ແລະ ການເຄື່ອນໄຫວຕ່າງໆກ່ຽວກັບທີ່ດິນ.

ເພື່ອຈັດຕັ້ງຜັນຂະຫຍາຍຕາມຂໍ້ຕົກລົງ ທ່ານລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ສະບັບເລກທີ 4403/ກຊສ ລົງວັນທີ 17 ສິງຫາ 2018 ໃຫ້ໄດ້ຖືກຈັດຕັ້ງປະຕິບັດ.

ພະ​ແນ​ກຊັບພະຍາກອນທໍາ​ມະ​ຊາດ ​ແລະ ສິ່ງ​​ແວດ​ລ້ອມ ນະຄອນຫຼວງ​ວຽງ​ຈັນ ອອກແຈ້ງການມາ​ຍັງ​ອົງການ​ຈັດ​ຕັ້ງ​ລັດ, ບຸກຄົນ, ນິຕິບຸກຄົນ, ພະນັກ​ງານ, ທະຫານ, ຕໍາ​ຫຼວດ ​ແລະ ປະຊາຊົນ ທີ່​ໄດ້​ຄຸ້ມ​ຄອງ​ນໍາ​ໃຊ້​ທີ່​ດິນ​ໃນ​ຂອບ​ເຂດ 5 ບ້ານ​ຄື: ບ້ານດົງໂດກ, ຕານມີໄຊ, ນາທົ່ມ, ສະພັງມຶກ ​ແລະ ບ້ານໜອງວຽງຄຳ ​ເມື​ອງ​ໄຊ​ທານີ ນະຄອນຫຼວງ​ວຽງ​ຈັນ ​ແມ່ນ​ໃຫ້​ໂຈະ​ການ​ຊື້​ຂາຍ, ການ​ມອບ​ໂອນ, ​ເອົາ​ໄປ​ຄໍ້າປະກັນ ​ແລະ ​ເຄື່ອ​ນ​ໄຫວ​ຕ່າ​ງໆ​ກ່ຽວ​ກັບ​ທີ່​ດິນ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ພະ​ແນ​ກຊັບພະຍາກອນທໍາ​ມະ​ຊາດ ​ແລະ ສິ່ງ​​ແວດ​ລ້ອມ ນະຄອນຫຼວງ​ວຽງ​ຈັນ