Homeຂ່າວທ້ອງຖິ່ນຫຼາຍພາກສ່ວນຮ່ວມກັນ ເລັ່ງແກ້ໄຂສະພາບການສັນຈອນ

ຫຼາຍພາກສ່ວນຮ່ວມກັນ ເລັ່ງແກ້ໄຂສະພາບການສັນຈອນ

Published on

ກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງ ປກສ ຮ່ວມກັບກະຊວງສາທາລະນະສຸກ, ກະຊວງການເງິນ ແລະ ບໍລິສັດປະກັນໄພ ໄດ້ຈັດກອງປະຊຸມປຶກສາຫາລືຄົ້ນຄວ້າທິດທາງແກ້ໄຂສະພາບການສັດຈອນ, ແກ້ໄຂອຸບັດເຫດ ແລະ ວຽກງານໂຄສະນາ ໃນວັນທີ 26 ກຸມພາ 2019, ເປັນປະທານໂດຍທ່ານ ພັທ ກົງສີ ສຸວັນນະຕຸ້ມ ຫົວໜ້າກົມຕໍາຫຼວດຈະລາຈອນ, ມີຕາງໜ້າຈາກກົມກ່ຽວຂ້ອງກະຊວງການເງິນ, ກະຊວງສາທາລະນາສູກ ແລະ ບໍລິສັດປະກັນໄພເຂົ້າຮ່ວມ.

ໃນກອງປະຊຸມດັ່ງກ່າວ, ພັທ ຄໍາເຫຼັກ ໄຊຍະສິດ ຮອງຫົວໜ້າກົມຕໍາຫຼວດຈະລາຈອນກ່າວວ່າ: ການປຶກສາຫາລືຄັ້ງນີ້, ໄດ້ພ້ອມກັນຄົ້ນຄວ້າຫາວິທີແກ້ໄຂສະພາບການຈະລາຈອນ ແລະ ອຸບັດຕິເຫດໃຫ້ມີຄວາມວ່ອງໄວ, ນໍາສົ່ງຄົນເຈັບໄປໂຮງໝໍໃຫ້ທັນເວລາ, ມີການໄກ່ເກ່ຍຂອງ ບໍລິສັດປະກັນໄພ ຕໍ່ຄູ່ກໍລະນີມາເຖິງສະຖານທີ່ເກີດເຫດໃຫ້ມີຄວາມວ່ອງໄວ ແລະ ທັນເວລາເພື່ອຈະໄດ້ແກ້ໄຂ ແລະ ລະບາຍເສັ້ນທາງເທດສະບານທີ່ພາຫະນະແໜ້ນໜາ, ແອອັດ, ການສັນຈອນເຄື່ອນຕົວຊ້າ ໃນໂມງເຂົ້າການ-ເລີກການ, ງານບຸນປະເພນີ ແລະ ວັນສໍາຄັນຕ່າງໆ ຂອງຊາດ.

ນອກນັ້ນ, ຍັງຈະແກ້ໄຂບັນຫາຜູ້ໃຊ້ລົດ-ໃຊ້ຖະໜົນຈໍານວນໜຶ່ງທີ່ຂາດສະຕິ, ບໍ່ເຄົາກົດຈະລາຈອນ, ດື່ມສິ່ງມືນເມົາແລ້ວຂັບ, ຂັບຂີ່ລົດໄວ, ລ່ວງປ້າຍຫ້າມ, ລ່ວງໄຟອໍານາດ, ແລ່ນບໍ່ຖືກຊ່ອງຈະລາຈອນ, ຈອດລົດຊະຊາຍຕາມທ້ອງຖະໜົນຫຼວງ, ດັດແປງສະພາບເຕັກນິກລົດ ແລະ ອື່ນໆ ທີ່ເປັນສາເຫດໃນການຈະລາຈອນແອອັດ ແລະ ເກີດອຸບັດຕິເຫດໄດ້ງ່າຍ.

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: ໜັງສືພິມຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...