ຕຸຣະກີ ສົ່ງລັດຕັງນັບສິບຄັນປະຊິດຊາຍແດນຊີເຣຍ ຫລັງມີກະສຸນປືນໃຫຍ່ລອຍມາຕົກໃນດິນແດນຂອງຕຸຣະກີ
ຫລາຍຄັ້ງໃນຊ່ວງທີ່ຜ່ານມາ.
ສຳນັກຂ່າວຕ່າງປະເທດລາຍງານ ໃນວັນທີ 30 ກັນຍານີ້ວ່າ ຕຸຣະກີໄດ້ສົ່ງລົດຕັງ 15 ຄັນ ໄປປະຈຳການເທິງເນີນພູ
ທີ່ເມືອງຊູຣຸດ ບໍລິເວນຊາຍແດນ ໂດຍຫັນປາຍກະບອກປືນໄປທາງເມືອງ ໄອ ອັນ-ອາຫລັບ ຫລື ເມືອງ ໂຄບານີ ໃນ
ປະເທດຊີເຣຍ ເຊິ່ງຄະນະນີ້ກຳລັງຖືກກຸ່ມຕິດອາວຸດລັດອິດສະລາມ ຫລື ກຸ່ມ IS ປິດລ້ອມ ເຊິ່ງຄວາມເຄື່ອນໄຫວລ່າ
ສຸດຂອງຕຸຣະກີ ແມ່ນເກີດຂຶ້ນຫລັງຈາກກຸ່ມ IS ໄດ້ຍິງປືນໃຫຍ່ມາຕົກຢູ່ໃກ້ກັບຄ້າຍຜູ້ອົບພະຍົບໃນດິນແດນຂອງ
ຕຸຣະກີ.
ຜູ້ສື່ຂ່າວຂອງຕ່າງປະເທດ ລາຍງານຈາກປະເທດຕຸຣະກີວ່າ ມີລູກກະສຸນປືນໃຫຍ່ 3 ລູກ ຕົກຢູ່ໃນດິນແດນຂອງ
ຕຸຣະກີ ໃນບໍລິເວນໃກ້ກັບຄ້າຍຜູ້ອົບພະຍົບ ລວມເຖິງກຸ່ມຜູ້ຊຸມນຸມທີ່ອອກມາສະແດງຄວາມບໍ່ພໍໃຈທີ່ລັດຖະບານ
ຕຸຣະກີ ຈຳກັດການສະໜັບສະໜູນກອງກຳລັງຊາວເຄີດ ທີ່ກຳລັງຕໍ່ສູ້ກັບກຸ່ມ IS, ແຕ່ຈົນເຖິງຂະນະນີ້ ທາງຝ່າຍຕຸ
ຣະກີ ກໍຍັງບໍ່ທັນມີການຍິງໂຕ້ຕອບໃດໆ.
ທັງນີ້ ມີຜູ້ລີ້ໄພຊາວເຄີດໃນຊີເຣຍ ຫລາຍກ່ວາ 150,000 ຄົນ ອົບພະຍົບເຂົ້າມາສູ່ດິນແດນຕຸຣະກີ ເມື່ອອາທິດກ່ອນ
ຫລັງຈາກທີ່ກຸ່ມ IS ບຸກໂຈມຕີເມືອງໂຄບານີ.
