ສຳນັກຂ່າວຕ່າງປະເທດລາຍງານຈາກເມືອງ ຊິຄາໂກ ປະເທດສະຫະລັດອາເມລິກາ ເມື່ອວັນທີ 31 ມັງກອນ 2019 ວ່າ ສຳນັກງານອຸຕຸນິຍົມວິທະຍາແຫ່ງຊາດສະຫະລັດ ລາຍງານວ່າ ອິດທິພົນຈາກປະກົດການ ພາວະມວນອາກາດເຢັນຈັດຈາກຂົ້ວໂລກເໜືອເຄື່ອນຕົວລົງທາງຕອນໃຕ້ດ້ວຍຄວາມໄວ ແລະ ມີປະລິມານຫຼາຍກວ່າປົກກະຕິ ສົ່ງຜົນໃຫ້ພູມິພາກທີ່ຢູ່ໃກ້ກັບຂົ້ວໂລກເໜືອໄດ້ຮັບຜົນກະທົບຢ່າງໜັກ ໂດຍສະເພາະພາກເໜືອ ແລະ ພາກຕາເວັນອອກສຽງເໜືອຂອງສະຫະລັດ ສົ່ງຜົນໃຫ້ມີຜູ້ເສຍຊີວິດຈາກລົມໜາວຄັ້ງນີ້ຫຼາຍກວ່າ 21 ຄົນ.
The polar vortex is causing startling 'frost quakes.' Here's the science behind them https://t.co/La3vWCGSzm pic.twitter.com/c6tsJqoD1F
— TIME (@TIME) January 31, 2019
ໂຮງຮຽນຫຼາຍແຫ່ງໃນພູມິພາກມິດເວສ ແລະ ພາກຕາເວັນອອກຂອງສະຫະລັດສ່ວນໃຫຍ່ແມ່ນປິດການສອນໃນອາທິດນີ້, ໃນສ່ວນຂອງລັດອິລລິນອຍໄດ້ຮັບຜົນກະທົບຈາກປະກົດການຄັ້ງນີ້ຫຼາຍທີ່ສຸດ, ກົມອຸຕຸນິຍົມຄາດຄະເນສະພາບອາກາດອຸນຫະພູມສະເລ່ຍທົ່ວລັດໄວ້ທີ່ -36ອົງສາ, ໃກ້ຄຽງກັບສະຖິຕິ -37 ອົງສາ, ທີ່ເມືອງ ຄອງເກີວິລ ທາງຕອນກາງຂອງລັດອິລລິນອຍ ອຸນຫະພູມໃນໄລຍະອາທິດນີ້ຈະຢູ່ລະຫວ່າງ -29 ອົງສາ ເຖິງ -46 ອົງສາ.
ມີລາຍງານເພີ່ມເຕີມວ່າ ເຈົ້າໜ້າທີ່ທາງການລົດໄຟຂອງເມືອງ ຊິຄາໂກ ລັດອິລລິນອຍ ໄດ້ຈູດໄຟເຜົາລາງລົດໄຟເພື່ອລະລາຍນໍ້າກ້າມທີ່ເກາະຢູ່ຕາມລາງລົດໄຟ ໃຫ້ການສັບປ່ຽນລາງລົດໄຟສາມາດເຮັດໄດ້ປົກກະຕິ ເຊິ່ງການຈູດໄຟເຜົາລາງລົດໄຟໃນຄັ້ງນີ້ບໍ່ໄດ້ສົ່ງຜົນກະທົບໃດໆ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook, dailynews