spot_img
Homeຂ່າວພາຍ​ໃນປີທ່ອງທ່ຽວລາວ-ຈີນ 2019 ຈະເປີດຂຶ້ນທ້າຍເດືອນ ມັງກອນ ນີ້!

ປີທ່ອງທ່ຽວລາວ-ຈີນ 2019 ຈະເປີດຂຶ້ນທ້າຍເດືອນ ມັງກອນ ນີ້!

Published on

ສປປ ລາວ ແລະ ສປ ຈີນ ໄດ້ຕົກລົງຮ່ວມມືກັນຈັດປີທ່ອງທ່ຽວລາວ-ຈີນ 2019 ເຊິ່ງຈະເລີ່ມເປີດນັບແຕ່ທ້າຍເດືອນມັງກອນເປັນຕົ້ນໄປ ໂດຍມີຫຼາກຫຼາຍກິດຈະກໍາທີ່ຈັດຂຶ້ນໃນ ສປປ ລາວ ແລະ ສປ ຈີນ ເພື່ອຫວັງດຶງດູດເອົານັກທ່ອງທ່ຽວເຂົ້າມາທ່ຽວ ລາວ ໃຫ້ຫຼາຍກວ່າ 4,5 ລ້ານຄົນ.

ເພື່ອຈັດຕັ້ງປະຕິບັດຕາມການຕົກລົງເຫັນດີຂອງສອງລັດຖະບານ ລາວ-ຈີນ ໃນປີທ່ອງທ່ຽວລາວ-ຈີນ 2019, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ໃນນາມກະຊວງເປັນເຈົ້າການໄດ້ປະສານງານກັບສະຖານທູດຈີນ ປະຈໍາລາວ ແລະ ໄດ້ປຶກສາຫາລືກ່ຽວກັບການສ້າງແຜນການຈັດຕັ້ງປະຕິບັດບັນດາກິດຈະກໍາຕ່າງໆຢູ່ໃນສອງປະເທດ. ຂະນະດຽວກັນ, ວັນທີ 13 ມັງກອນ 2018 ຜ່ານມາ, ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ຽວທ່ຽວ ພ້ອມດ້ວຍຄະນະ ໄດ້ມີໂອກາດເດີນທາງເຂົ້າຮ່ວມກອງປະຊຸມເວທີປຶກສາຫາລືດ້ານທ່ອງທ່ຽວສາກົນ ທີ່ຮົງກົງ ສປ ຈີນ ແລະ ພົບປະກັບທ່ານ ຍຸກຸນ ຮອງລັດຖະມົນຕີ ກະຊວງວັດທະນະທໍາ ແລະ ທ່ອງທ່ຽວຈີນໃນການກຽມແຜນການຈັດກິດຈະກໍາຕ່າງໆ ໂດຍໄດ້ເຫັນດີເປັນເອກະພາບກັນໃນດ້ານຫຼັກການກັບແຜນກິດຈະກໍາເບື້ອງຕົ້ນຄື:

  1. ກໍານົດພິທີເປິດປີທ່ອງທ່ຽວລາວ-ຈີນ 2019 ໃນໄລຍະສະເຫຼີມສະຫຼອງບຸນກຸດຈີນ (ປີໃໝ່ຈີນ) ໂດຍກໍານົດເອົາວັນທີ 25 ມັງກອນ 2019, ທີ່ຫໍວັດທະນະທໍາແຫ່ງຊາດລາວ ດ້ວຍການສະແດງສິລະປະ ປະສົມລາວ-ຈີນ, ວາງສະແດງຮູບພາບ ແລະ ງານເທສະການອາຫານລາວ-ຈີນ.
  2. ພິທີປິດປີທ່ອງທ່ຽວລາວ-ຈີນ 2019 ຈະຈັດຂຶ້ນທີ່ນະຄອນຫຼວງປັກກິ່ງ ສປ ຈີນ ໃນທ້າຍປີ 2019 ໃນໄລຍະທີ່ໃກ້ຄຽງກັບການສະເຫຼີມສະຫຼອງວັນຊາດ ສປປ ລາວ. ພ້ອມນັ້ນ, ກໍຈະມີກິດຈະກໍາປິ່ນອ້ອມທີ່ຫຼາກຫຼາຍ ເພື່ອສົ່ງເສີມປີທ່ອງທ່ຽວລາວ-ຈີນ ເຊິ່ງທັງສອງຝ່າຍຈະກໍານົດໃນການຈັດຕັ້ງປະຕິບັດໃນໂອກາດວັນສໍາຄັນຕ່າງໆ ຂອງ ສປປ ລາວ ແລະ ສປ ຈີນ.
  3. ເດືອນ ເມສາ 2019 ເນື່ອງໃນໂອກາດຄົບຮອບ 58 ປີ ຂອງສາຍພົວພັນການທູດລາວ-ຈີນ ຈະມີການຈັດງານສັບປະດາວັດທະນະທໍາຈີນ ຢູ່ທີ່ນະຄອນຫຼວງວຽງຈັນ ໂດຍຈະມີການສະແດງສິລະປະຈາກ ສປ ຈີນ.
  4. ເດືອນ ມິຖຸນາ-ກໍລະກົດ 2019 ຈັດກອງປະຊຸມລະດັບວິຊາການ ກ່ຽວກັບວຽກງານຄຸ້ມຄອງການທ່ອງທ່ຽວລາວ-ຈີນ ທີ່ແຂວງ ຈໍາປາສັກ ສປປ ລາວ.
  5. ເດືອນ ກັນຍາ 2019 ຈັດງານບຸນໄຫວ້ພະຈັນຢູ່ທີ່ແຂວງ ຫຼວງພະບາງ ແລະ ນະຄອນຫຼວງວຽງຈັນ ດ້ວຍການສະແດງສິລະປະຈາກແຂວງ ຫູເປີຍ ສປ ຈີນ.
  6. ມີການຈັດຕັ້ງງານສັບປະດາວັດທະນະທໍາລາວ ຢູ່ທີ່ນະຄອນຊາງຊາ ແຂວງ ຫູໜານ ສປ ຈີນ ໃນນັ້ນ, ຈະມີການສະແດງສິນລະປະ, ງານເທສະການອາຫານລາວ, ງານວາງສະແດງທ່ອງທ່ຽວ ແລະ ກອງປະຊຸມສົ່ງເສີມການທ່ອງທ່ຽວລາວ-ຈີນ.
  7. ມີການຈັດຕັ້ງງານສັບປະດາວັດທະນະທໍາລາວ ຢູ່ທີ່ນະຄອນເຊີນຕູ ແຂວງ ເສສວນ ສປ ຈີນ ດ້ວຍຮູບແບບຄ້າຍຄືກັນກັບຢູ່ແຂວງ ຫູໜານ.

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມປະຊາຊົນ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...