ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດໃນໄລຍະວັນທີ 17-20 ມັງກອນ 2019 ຄວາມກົດດັນຂອງອາກາດເຢັນທີ່ປະເທດຈີນຈະເພີ່ມກຳລັງແຮງຂຶ້ນເລັກນ້ອຍແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ພ້ອມດຽວກັນກະແສລົມຕາເວັນອອກສຽງເໜືອພັດປົກຄຸມ, ເຊິ່ງເຮັດໃຫ້ອຸນຫະພູມອາກາດເຢັນລົງ 1 ຫາ 3 ອົງສາໃນຕອນເຊົ້າຢູ່ໃນແຕ່ລະພາກ. ສ່ວນຕອນບ່າຍອາກາດຈະຮ້ອນໂດຍສະເພາະຢູ່ແຂວງພາກກາງ ຫາ ພາກໃຕ້ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນ.
ພາກເໜືອດ້ານຕາເວັນອອກ: ໃນໄລຍະວັນທີ 17-20 ມັງກອນ 2019 ອຸນນະພູມອາກາດຈະເຢັນລົງ 1-3 ອົງສາ ພ້ອມມີໝອກໜາປົກຫຸ້ມໃນຕອນເຊົ້າ.
ພາກເໜືອດ້ານຕາເວັນຕົກ: ໃນໄລຍະວັນທີ 17-20 ມັງກອນ 2019 ອຸນຫະພູມອາກາດຈະໜາວເຢັນລົງ ພ້ອມມີໝອກໜາປົກຫຸ້ມຢູ່ບາງທ້ອງຖິ່ນເຂດພູສູງ ແລະ ຮ່ອມພູ.
ພາກກາງ: ໃນໄລຍະວັນທີ 17-20 ມັງກອນ 2019 ອຸນຫະພູມອາກາດຈະໜາວເຢັນລົງເລັກນ້ອຍພ້ອມມີລົມພັດແຮງເປັນບາງໂອກາດ ໂດຍສະເພາະຢູ່ທາງດ້ານຕາເວັນອອກ.
ສະເພາະແຂວງ ໄຊສົມບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ໃນໄລຍະວັນທີ 17-20 ມັງກອນ 2019 ອຸນນະພູມອາກາດຈະເຢັນລົງ 1-3 ອົງສາ.
ພາກໃຕ້: ໃນໄລຍະວັນທີ 14-20 ມັງກອນ 2019 ອາກາດຈະເຢັນໃນຕອນກາງຄືນ ຫາ ຕອນເຊົ້າ, ພ້ອມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ.
ສະເພາະເຂດພູພຽງບໍລະເວນ: ໃນໄລຍະວັນທີ 14-20 ມັງກອນ 2019 ອາກາດຈະໜາວເຢັນພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຂະມີລົມພັດແຮງຢູ່ບາງບໍລິເວນ.
ນະຄອນຫຼວງວຽງຈັນ: ໃນໄລຍະວັນທີ 17-20 ມັງກອນ 2019 ອາກາດຈະເຢັນລົງເລັກນ້ອຍພ້ອມມີລົມພັດແຮງຢູ່ບາງບໍລິເວນ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ