ເຈົ້າໜ້າທີ່ ປສກ ເມືອງໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກຜູ້ເສຍຫາຍຢູ່ບ້ານທາດ

ຫລວງໃຕ້ ເມືອງໄຊເສດຖາ ເມື່ອວັນທີ 21 ກໍລະກົດ 2014 ວ່າ: ໄດ້ມີຄົນຮ້າຍງັດຮ້ານຂາຍເຄື່ອງອາໄຫລ່ຂອງຕົນ ແລະ

ກວາດເງິນໃນຕູ້ເຊັບໄປຫລາຍກວ່າ 30 ລ້ານກີບກັບ 500 ໂດລາສະຫະລັດ, ຈຶ່ງໄດ້ຈັດກຳລັງຕິດຕາມຄັດຈ້ອນເປົ້າໝາຍ

ແລະ ຕົກມາຮອດວັນທີ 18 ກັນຍາ 2014 ຈຶ່ງສາມາດຈັບຄົນຮ້າຍ ທີ່ລົງມືກໍ່ເຫດໄດ້ຄື: ທ້າວ ສອນທະວີ ຫລື ນົກ (ສາວປະ

ເພດສອງ) ອາຍຸ 25 ປີຢູ່ບ້ານທາດຫລວງໃຕ້ ເມືອງໄຊເສດຖາ. ຜ່ານການສືບສວນ-ສອບສວນ ຜູ້ກ່ຽວຮັບສາລະພາບຕໍ່

ເຈົ້າໜ້າທີ່ວ່າ: ເວລາປະມານ 18:00 ໂມງ, ຕົນໄດ້ງັດເຂົ້າເຮືອນໃກ້ຄຽງຫລັງໜຶ່ງ ແລ້ວໄຕ່ໄປຕາມຫລັງຄາຮ້ານ ເປົ້າ

ໝາຍແລ້ວງັດກະເບື້ອງອອກ ແລະ ເຈາະເພດານລົງແລ້ວໃຊ້ເຊືອກທີ່ກຽມມາມັດໃສ່ຂື່ຢ່ອນລົງໄປຮື້ຄົ້ນເອົາຊັບສີນ ແລະ

ເງິນໃນຕູ້ເຊັບພາຍໃນຮ້ານດັ່ງກ່າວຈຳນວນ 30 ລ້ານກີບ ແລະ 500 ໂດລາສະຫະລັດ, ຫລັງຈາກນັ້ນກໍໄດ້ອອກມາທາງ

ເກົ່າ ແລະ ເອົາຕົວຫລົບໜີໄປເຊົ່າເຮືອນຢູ່ບ່ອນໃໝ່ໄດ້ໄລຍະໜຶ່ງ, ພໍກັບມາເຮືອນຈຶ່ງຖືກເຈົ້າໜ້າທີ່ຈັບຕົວມາດຳເນີນ

ຄະດີ.

ເຈົ້າໜ້າທີ່ໃຫ້ຮູ້ວ່າ: ຜູ້ກ່ຽວເຄີຍຕ້ອງໂທດມາແລ້ວເປັນເວລາ 1 ປີເມື່ອປີ 2007 ແລະ 2 ປີ ໃນປີ 2009 ຍ້ອນລັກຊັບພົນ

ລະເມືອງ.

ແຫລ່ງຂ່າວ: ລາວພັດທະນາ