spot_img
Homeຂ່າວຕ່າງປະເທດມຽນມ້າອອກໃບ 5 ພັນຈ໊າດຮຸ່ນໃໝ່ທັນສະໄໝ ລາຍຊ້າງເຜືອກ

ມຽນມ້າອອກໃບ 5 ພັນຈ໊າດຮຸ່ນໃໝ່ທັນສະໄໝ ລາຍຊ້າງເຜືອກ

Published on

 

ທະນາຄານແຫ່ງຊາດມຽນມ້າ ອອກທະນາບັດຮຸ່ນໃໝ່ທີ່ມີຄຸນນະພາບຄວາມປອດໄພສູງ ຕາມມາດຕະຖານສາກົນ

ເພື່ອສົ່ງເສີມລະບົບການເງິນທີ່ທັນສະໄໝ ໃຫ້ສອດຄ່ອງກັບວັດຖຸປະສົງຂອງລັດ ທີ່ຈະພັດທະນາລະບົບເສດຖະກິດ

ຕະຫລາດ.

 

ສຳນັກຂ່າວຕ່າງປະເທດລາຍງານ ເມື່ອວັນທີ 19 ກັນຍາ 2014 ຜ່ານມານີ້ວ່າ ທະນາຄານແຫ່ງຊາດມຽນມ້າ ຈະເລີ່ມ

ນຳໃຊ້ທະນະບັດໃບ 5,000 ຈ໊າດ ຮຸ່ນໃໝ່ ໃນລະບົບການເງິນຂອງປະເທດ ນັບຕັ້ງແຕ່ວັນທີ 1 ຕຸລາ 2014 ເປັນຕົ້ນ

ໄປ ໃນຂະນະທີ່ທະນາບັດສະບັບລະ 5,000​ ຈ໊າດ ທີ່ຜະລິດຂຶ້ນເມື່ອປີ 2009 ນັ້ນ ຍັງຄົງສາມາດນຳໃຊ້ໄດ້ປົກກະຕິ.

 

ທະນາບັດໃບ 5,000 ຈ໊າດ ຮຸ່ນໃໝ່ນີ້ ມາພ້ອມກັບການຮັກສາຄວາມປອດໄພແບບໃໝ່ ໂດຍມີພາບລາຍນ້ຳໃໝ່

ແລະ ມີຊັ້ນປ້ອງກັນເຄືອບຢູ່ທັງສອງດ້ານຂອງທະນາບັດ ເພື່ອເສີມສະຖານະຄວາມປອດໄພ, ມີຄຸນນະພາບ ແລະ

ຍືດອາຍຸການນຳໃຊ້ ພ້ອມທັງປ້ອງກັນການປອມແປງ.

 

ແຖບສີໂລຫະໃນເນື້ອເຈ້ຍແບບສະຫລັບສີ ຍັງຖືກເພີ່ມເຂົ້າໄປໃນແນວຕັ້ງຂອງທະນາບັດ ແທນທີ່ແຖບສີໂລຫະ

ຕາມປົກກະຕິໃນໃບ 5,000 ຈ໊າດໃນເມື່ອກ່ອນ ໂດຍຈະມີຄວາມກວ້າງຂຶ້ນກ່ວາເກົ່າ ແລະ ມີສີສະຫລັບຈາກສີຄຳ

ໄປຫາສີຂຽວ ເມື່ອເບິ່ງທະນາບັດຈາກມູມທີ່ແຕກຕ່າງກັນ.

 

ຝັ່ງຂວາຂອງທະນາບັດ ແມ່ນມີຮູບລາຍນ້ຳຮູບຊ້າງເຜືອກ ທີ່ປະກົດຂຶ້ນເມື່ອນຳທະນາບັດມາສ່ອງຜ່ານແສງສະ

ຫວ່າງ ພ້ອມກັບມີການເຄືອບຊັ້ນທະນາບັດເພື່ອຊ່ວຍຍືດອາຍຸການໃຊ້ງານ, ປ້ອງກັນຈາກການເປື່ອຍຈາກ

ຄວາມຊື້ນ ແລະ ຂອງແຫລວອີກດ້ວຍ.

 

557000011132101
ດ້ານໜ້າ
557000011132102
ດ້ານຫລັງ

 

ບົດຄວາມຫຼ້າສຸດ

ເກືອບລ້ານເທື່ອຄົນ! ນັກທ່ອງທ່ຽວເຂົ້າມາທ່ຽວງຊົມແຂວງວຽງຈັນໃນ 3 ເດືອນຕົ້ນປີ 2025

3 ເດືອນຕົ້ນປີ 2025 ແຂວງວຽງຈັນສາມາດດຶງດູດນັກທ່ອງທ່ຽວເຂົ້າມາທ່ຽວຊົມໄດ້ 902.057 ເທື່ອຄົນ ແຫລ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ນັບແຕ່ເດືອນ ມັງກອນ ຫາ ເດືອນ ມີນາ 2025...

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...