ກຸ່ມນາຍທຶນຈີນ ທຸ້ມງົບນັບໝື່ນລ້ານຢວນ ປັ້ນເມືອງໃໝ່ຊາຍແດນລາວ ຕົ້ນທາງ R3a ຈຸດເຊື່ອມຕໍ່ລົດໄຟຈີນ-ລາວ ຈະສ້າງສຳເລັດໃນປີ 2020 ພ້ອມເປີດຕະຫຼາດເຊິນເຈິ້ນ-ກວາງໂຈວ ດຶງດູດນັກທ່ອງທ່ຽວ.
ຮອງປະທານອຸດສາຫະກຳ-ການຄ້າຈັງຫວັດຊຽງລາຍ, ປະເທດໄທ ເປີດເຜີຍວ່າ ກຸ່ມນາຍທຶນຈີນ “ໄຫ່ເຊິງ” ໄດ້ສຳປະທານຈາກທາງລັດຖະບານ ສປປ ລາວ ພັດທະນາໂຄງການເສດຖະກິດພິເສດບໍ່ເຕັນ ທີ່ຢູ່ຫ່າງຈາກອຳເພີ ຊຽງຂອງ, ຈັງຫວັດຊຽງລາຍ ໄປຕາມທາງຖະໜົນ R3a ປະມານ 254 ກິໂລແມັດ ເປັນໄລຍະເວລາ 90 ປີ ໃນພື້ນທີ່ຂະໜາດ 34.2 ຕາລາງກິໂລແມັດ ຫຼື 21.375 ໄຮ່, ໃຊ້ງົບປະມານ 10.000 ລ້ານຢວນ.
ໂດຍພື້ນທີ່ສຳປະທານຈະຖືກພັດທະນາເປັນ ສູນການຄ້າສິນຄ້າອາຊຽນ, ສູນການຄ້າປອດພາສີ, ສູນສິນຄ້າໂອທ໊ອບ, ສູນການຄ້າຂາຍເຄື່ອງຍ່ອຍ-ຂາຍສົ່ງ, ທີ່ພັກອາໃສ, ຣີສອດ ແລະ ສະໜາມກ໊ອຟ, ສະຖານີລົດໄຟຄວາມໄວສູງ, ສູນຊ້າງ, ສູນແປຮູບສິນຄ້າ-ນະວັດຕະກຳ, ສະຖານີເອັນເຕີເທນເມັນ, ສ້າງຖະໜົນຊຸບເປີໄຮເວຈາກບໍ່ເຕັມ-ສະໜາມບິນຫຼວງນ້ຳທາ ໂດຍໂຄງການມີແຜນຈະສ້າງສຳເລັດສົມບູນພາຍໃນ 10 ປີ ເຊິ່ງໃນຂະນະນີ້ໂຄງການໄດ້ດຳເນີນງານມາເປັນເວລາ 2 ປີແລ້ວ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: thaiquote.org, today.line.me