- ຖົ່ວເຫລືອງ
ເປັນພືດທີ່ມີສານອາຫານສູງທີ່ສຸດໃນບັນດາເມັດພັນທັງໝົດ ແລະ ສາມາດນຳມາຮັບປະທານໄດ້ຫລາກຫລາຍຮູບແບບ ບໍ່ວ່າຈະເປັນຖົ່ວງອກ ເຕົ້າຮູ້ ໂຍເກິດ ແປ້ງ ນົມ ແລະອື່ນໆ ຖົ່ວເຫລືອງຊ່ວຍຄວບຄຸມອາການທີ່ກ່ຽວເນື່ອງກັບການໝົດປະຈຳເດືອນ ແລະຍັງປ້ອງກັນ ມະເຮັງ ໃນຖົ່ວເຫລືອງຍັງອຸດົມດ້ວຍວິຕາມິນອີ ທີ່ຄອຍຖ້າຕ້ານອານຸມູນອິດສະຫລະ ແລະ ວິຕາມິນບີ ທີ່ມີບົດບາດໃນການບຳລຸງລະບົບປະສາດ ແລະ ຊ່ວຍຮ່າງກາຍຕໍ່ສູ້ກັບຄວາມຄຽດ - ຖົ່ວລັນເຕົາ
ເປັນຖົ່ວທີ່ມີຫລາຍດ້ວຍປະລິມານວິຕາມິນບີ ຊ່ວຍປິ່ນປົວລະດັບພະລັງງານ ແລະ ສ້າງເນື້ອເຍື່ອປະສາດ ແລະ ກ້າມ ເນື້ອໃຍອາຫານສູງຊ່ວຍຫລຸດລະດັບ ຄໍເລສເຕີລໍ ແລະ ການຍ່ອຍມີປະສິດທິພາບ ອີກທັງຍັງມີວິຕາມິນບີ 5 ທີ່ຊ່ວຍກະຕຸ້ນພູມຄຸ້ມກັນ ແລະ ວິຕາມິນຊີຕ້ານອານຸມູນອິດຫລະ - ເມັດໝາກມ່ວງຫີນມະພານ
ເປັນແຫລ່ງຂອງວິຕາມິນບີ ທີ່ຊ່ວຍປິ່ນປົວເສັ້ນປະສາດ ແລະ ເນື້ອເຍື່ອກ້າມຊີ້ນຂອງຮ່າງກາຍ ຕະຫລອດຈົນເສີມຄວາມຕ້ານທານຕໍ່ຄວາມຄຽດ ແລະ ຍັງມີແຮ່ທາດສຳຄັນສຳລັບສຸຂະພາບພູມຄຸ້ມກັນ ລວມທັງສານຕ້ານອານຸມູນອິດສະຫລະ ຊີລີນຽມ ທີ່ຈຳເປັນຕໍ່ການຜະລິດ ແອນຕິບໍດີ ແລະ ສັງກະສີ ເຊິ່ງໃຊ້ຕໍ່ສູ້ກັບ ໄວຣັສ ຍັບຍັ້ງເຊລມະເຮັງ ແຖມຍັງຊ່ວຍຫລຸດຄໍເລດເຕີລໍໄດ້ນໍາອີກ
- ຖົ່ວມີຜົນດີີຕໍ່ພະຍາດຫົວໃຈ
ພະຍາດຫລອດເລືອດຫົວໃຈຕີບ ມີສາເຫດຈາກກໍາມະພັນ ແລະ ພຶດຕິກຳທີ່ສຳຄັນໄດ້ແກ່ ການອອກກຳລັງກາຍ ຕຸ້ຍ ແລະ ການຮັບປະທານອາຫານ ໂດຍສະເພາະອາຫານຫວານ ມັນ ເຄັມ ແຕ່ອາຫານທີ່ສາມາດປ້ອງກັນພະຍາດຫົວໃຈໂດຍສະເພາະຖົ່ວ ເຊັ່ນ ຖົ່ວ almonds, walnuts, hazelnuts ແລະ macadamias ຫາກຮັບປະທານປະຈຳຈະຫລຸດ ຂອງພະຍາດຫົວໃຈໄດ້ຮ້ອຍລະ 30-50 - ຖົ່ວກັບໂລຄ້ອວນ
ເຖິງວ່າຖົ່ວຈະມີສ່ວນປະກອບສຳຄັນຄື ໄຂມັນ ແຕ່ການຮັບປະທານຖົ່ວໂດຍຢຶດຫລັກການຮັບປະທານອາຫານໃຫ້ຄົບ 5 ຫມູ່ ແລະ ກຳນົດ ໃຫ້ໄດ້ຮັບພະລັງງານເກີນຄວາມຈຳເປັນ ທັງນີ້ ປະລິມານໄຂມັນທີ່ມີໃນຖົ່ວ fiber ທີ່ຢູ່ໃນຖົ່ວຈະເຮັດໃຫ້ຄົົນທີ່ຮັບກິນອາຫານອີ່ມ ບໍ່ຢາກຮັບປະທານອາຫານອື່ນ ໂດຍມີການສຶກສາເຖິງຜົນການຮັບປະທານຖົ່ວ Almond ພົບວ່າ ການກິນຖົ່ວນີ້ ບໍ່ເຮັດໃຫ້ນ້ຳໜັກ ຫລື ລະດັບຄໍເລສເຕີລໍໃນເລືອດເພີ່ມຂຶ້ນ ເນື່ອງຈາກໄຂມັນບາງສ່ວນບໍ່ຖືກດູດຊຶມ - ເຮົາຈະເພີ່ມການກິນຖົ່ວໄດ້ແບບໃດ
ການກິນຖົ່ວຫລາຍພໍປະມານຈະຊ່ວຍປ້ອງກັນພະຍາດດັ່ງກ່າວ ດັ່ງນັ້ນການວາງແຜນຮັບປະທານອາຫານຈຳພວກຖົ່ວ ຈຶ່ງມີຄວາມຈຳເປັນທັງນີ້ ເພື່ອປ້ອງກັນບໍ່ໃຫ້ຕຸ້ຍ ໂດຍເຮົາອາດຈະກິນຖົ່ວເປັນອາຫານວ່າງ ເຮົາຈັດຖົ່ວເປັນອາຫານໝວດທີ່ໃຫ້ໂປຕີນ ດັ່ງນັ້ນຖ້າຫາກຮັບປະທານອາຫານພວກຖົ່ວຈະຕ້ອງຫລຸດພວກເນື້ອສັດລົງຕາມສັດສ່ວນ ຫລຸດໄຂມັນອື່ນທີ່ບໍ່ຈຳເປັນ ເຊັ່ນ ນ້ຳສະຫລັດໃຊ້ແບບໃສທີ່ມີໄຂມັນຕ່ຳ ຫລີກລ້ຽງຂອງຈືນ ຫລີກລ້ຽງກະທິ
ນັ້ນກໍໝາຍຄວາມວ່າ ການກິນຖົ່ວ? ຫລືແມ່ນແຕ່ການກິນທຸກຢ່າງ ຢູ່ທີ່ຄວາມພໍດີຂອງການກິນ ກິນໃນປະລິມານທີ່ເໝາະສົມໃຫ້ເກີດປະໂຫຍດສູງສຸດ ແຕ່ຖ້າຫາກກິນຫລາຍເກີນໄປກໍຈະກາຍເປັນໂທດນັ້ນເອງ