ສາວທີ່ກຳລັງປະສົບບັນຫາຮີມສົບດຳກ່ຳບໍ່ວ່າຈະດ້ວຍເພາະຖືກແສງແດດ ຫລື ບັງເອີນໄປໃຊ້ຜະລິດຕະພັນທີ່ບໍ່ຖືກກັບຮີມສົບກໍຕາມ ທາງອອກນັ້ນເຮັດໄດ້ບໍ່ຍາກ ພຽງແຕ່ໃສ່ໃຈກັບຮີມສົບຫລາຍຂຶ້ນ ແລະ ປະຕິບັດຕາມຂັ້ນຕອນຕໍ່ໄປນີ້
- ສູດຄວາມງາມແບບງ່າຍໆ ໃຊ້ໝາກນາວ ແລະ ນໍ້າເຜິ້ງແນວລະເຄິ່ງບ່ວງກະເຟ ປະສົມໃຫ້ເຂົ້າກັນແລ້ວທາບໍລິເວນຮີມສົບ ສາມາດເຮັດໃຫ້ຮີມສົບຂອງທ່ານຄ່ອຍໆປ່ຽນກັບມາເປັນສີເກົ່າໄດ້ ແຕ່ຕ້ອງເຮັດທຸກມື້
- ທາລິບກ໋ອດຕະຫລອດ ເພື່ອເພີ່ມຄວາມຊຸ່ມຊື້ນໃຫ້ຮີມສົບ ໂດຍຍທ່ານອາດຈະໃຊ້ລິບກ໋ອດທີ່ປະສົມສີໜ້ອຍໜື່ງ ເພື່ອເພີ່ມສີສັນຂອງລິບກ໋ອດຢ່າລືມທາລິບລິບກ໋ອດ ກ່ອນນອນ ແລະ ຢ່າປ່ອຍໃຫ້ຮີມສົບ ຂາດການເບິ່ງແຍງ
- ຢຸດໃຊ້ຜະລິດຕະພັນທີ່ເປັນສາເຫດເຮັດໃຫ້ຮີມສົບດຳໂດຍເດັດຂາດ ບໍ່ວ່າລິປຕິກແທ່ງ ເຖິງສີນັ້ນສີຈະງາມຊໍ່າໃດກໍ່ຕາມ ເພາະມັນບໍ່ຄຸ້ມຫາກທ່ານ ຈະໃຊ້ມັນຕໍ່ໄປເພື່ອຄວາມງາມລະຫວ່າງມື້ ແຕ່ກັບມາເຮືອນລ້າງໜ້າອອກ ກໍ່ກາຍເປັນສາວປາກກ່ຳດຳ
- ບໍ່ວ່າທ່ານຈະບຳລຸງຮີມສົບດ້ວຍວິທີໃດ ເມື່ອອອກແດດແລ້ວ ຢ່າລືມທາລິບທີ່ມີສ່ວນປະສົມຂອງສານປ້ອງກັນແດດ ເພາະແສງແດດນີ້ແຫລະ ເປັນອີກສາເຫດໜຶ່ງ ທີ່ເຮັດໃຫ້ຮີມສົບຂອງທ່ານດຳຄ້ຳໄດ້
- ນວດຮີມສົບດ້ວຍແປງສີແຂ້ວຂົນນຸ່ມ ເຜື່ອເປັນໃຫ້ຮີມສົບ ມີການຜັດປ່ຽນເຊນລ໌ຜິວທີ່ຕາຍແລ້ວອອກໄປ ເຜີຍຜິວຮີມສົບໃໝ່ທີ່ສົດໃສນຸ່ມນວນກວ່າເກົ່າ
- ຢຸດທຳຮ້າຍສົບເຊັ່ນ ການສູບຢາ, ຊາ, ກາແຟ , ພຶດຕິກຳເຫລົ່ານີ້ແຫລະຕົວການເຮັດໃຫ້ຮີມສົບດຳໄດ້