Homeຂ່າວທ້ອງຖິ່ນການເງິນ ແລະ ເສດຖະກິດຈີນລົງທຶນໃນລາວ ພຽງເຄິ່ງປີມີມູນຄ່າ 6 ພັນຕື້ກີບ

ຈີນລົງທຶນໃນລາວ ພຽງເຄິ່ງປີມີມູນຄ່າ 6 ພັນຕື້ກີບ

Published on

          ອີງຕາມຂໍ້ມູນລາຍງນໃນພິທີສະເຫຼີມສະຫຼອງ ສປ.ຈີນ ຄົບຮອບ 69 ປີ ທີ່ນະຄອນຫຼວງວຽງຈັນວ່າ: “ການຮ່ວມມືລະຫວ່າງລາວ-ຈີນ ໄດ້ບັນລຸຜົນສຳເລັດໃໝ່ ຄືໃນ 6 ເດືອນຕົ້ນປີ 2018 ການລົງທຶນບັນລຸ 6,32 ພັນຕື້ກີບ ແລະ ການຄ້າຂ້າເຂົ້າຂາອອກລະຫວ່າງຈີນ-ລາວໄດ້ບັນລຸ 13,6 ພັນຕື້ກີບ”.

          ປັດຈຸບັນ, ສປ.ຈີນ ເປັນປະເທດທີ່ລົງທຶນການຄ້າຫຼາຍທີ່ສຸດ ແລະ ຄູ່ການຄ້າອັນດັບສອງຕໍ່ປະເທດລາວ ເນື່ອງຈາກນັກທຸລະກິດໄດ້ເຫັນເຖິງທ່າແຮງຫຼາຍດ້ານໃນລາວ ໂຄງການທີ່ນັກທຸລະກິດຈີນລົງທຶນໃສ່ມີຫຼາຍຂະແໜງການ ໂດຍສະເພາະສູນການຄ້າ, ຫ້າງສັບພະສິນຄ້າ, ອະສັງຫາລິມະຊັບ, ເຂດເສດຖະກິດ, ໂຮງຈັກໂຮງງານ, ເຂື່ອນໄຟຟ້າ ແລະ ອື່ນໆອີກ ເຊິ່ງໃນ 6 ເດືອນຕົ້ນປີ 2018 ການລົງທຶນບັນລຸ 6,32 ພັນຕື້ກີບ ຫຼື ປະມານ 790 ລ້ານໂດລາ ແລະ ການຄ້າຂ້າເຂົ້າຂາອອກລະຫວ່າງຈີນ-ລາວໄດ້ບັນລຸ 13,6 ພັນຕື້ກີບ ຫຼື ປະມານ 1,7 ຕື້ໂດລາ.

          ສຳລັບການກໍ່ສ້າງທາງລົດໄຟລາວ-ຈີນ ໄດ້ສຳເລັດ 20% ຂອງມູນຄ່າການລົງທຶນ, ເຂື່ອນໄຟຟ້ານ້ຳຕົກທີ່ລົງທຶນຈາກວິສາຫະກິດຈີນໄດ້ສຳເລັດການກໍ່ສ້າງ ແລະ ເລີ່ມຜະລິດໄຟຟ້າຕາມລຳດັບ, ສາຍສົ່ງໄຟຟ້າຫຼາຍສາຍທີ່ລົງທຶນຈາກຈີນໄດ້ເລີ່ມນຳໃຊ້ ໃນພາກສ່ວນເສດຖະກິດລາວ-ຈີນໄດ້ດຳເນີນການກໍ່ສ້າງຢ່າງຕໍ່ເນື່ອງ ແລະ ການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງກໍໄດ້ປະກອບກຳລັງແຮງເຂົ້າໃນການຮ່ວມມືລາວ-ຈີນ. ອີກທັງໂຄງການຈີນຊ່ວຍເຫຼືອສ້າງຕຶກຮຽນສະຖາບັນຂົງຈື ຢູ່ມະຫາວິທະຍາໄລແຫ່ງຊາດ ກໍໄດ້ມີຄວາມຄືບໜ້າຕາມໝາຍ ແລະ ດ້ານອື່ນໆອີກດ້ວຍ.

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມເສັດຖະກິດ-ສັງຄົມ

ຮຸບພາບຈາກ: https://pixabay.com/en/afternoon-lao-cai-the-city-3291992/

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...