ອີງຕາມແຈ້ງການເລກທີ 2009/ຫອຄ.ກທຄວ ຈາກຫ້ອງການ ກະຊວງອຸດສາຫະກຳ ແລະ ການຄ້າ, ລົງວັນທີ 22 ສິງຫາ 2018 ເລື່ອງການເລື່ອນການຂື້ນທະບຽນສ້າງຕັ້ງວິສາຫະກິດ ແລະ ການອອກອະນຸຍາດລົງທຶນ ຫລື ອະນຸຍາດດຳເນີນທຸລະກິດ ຕາມຄຳສັ່ງເລກທີ 02/ນຍ ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດຢູ່ ສປປ ລາວ, ລົງວັນທີ 01 ກຸມພາ 2018.

ເລີ່ມແຕ່ປະຈຸບັນຫາວັນທີ 01 ມັງກອນ 2019 ແມ່ນໃຫ້ແຕ່ລະພາກສ່ວນຈັດຕັ້ງປະຕິບັດວຽກງານການໃຫ້ບໍລິການ ທີ່ຕິດພັນກັບການເລີ່ມຕົ້ນທຸລະກິດ ຕາມລະບົບທີ່ເຄີຍປະຕິບັດມາໃຫ້ມີຄວາມສະດວກ, ວ່ອງໄວຂື້ນກວ່າທີ່ຜ່ານມາ ເພື່ອໃຫ້ບັນລຸຕາມກົດຫມາຍທີ່ວາງໄວ້.

ແຫລ່ງຂ່າວ: ໜັງສືພິມເສດຖະກິດການຄ້າ, ຮູບພາກ: ຄິດອອກ