ຂະແໜງເກັບກູ້ລະເບີດບໍ່ທັນແຕກຕົກຄ້າງ ສະໄໝສົງຄາມອີນດູຈີນ ກໍາລັງເລັ່ງກວດກາ ເກັບກູ້ ຢູ່ເຂດບ້ານ ດົງບາກ, ປີງດົງ, ຕາມໍຍອດ, ແລະ ບ້ານດອນບົກ ເພື່ອກໍ່ສ້າງເຮືອນພັກຊົ່ວຄາວ ໃຫ້ກັບຜູ້ໄດ້ຮັບຜົນກະທົບໄພພິບັດ ເມືອງສະໜາມໄຊ ແຂວງອັດຕະປື.

ທ່ານ ສຸກກະສານ ວຽງຄໍາ ພະນັກງານຮັບຜິດຊອບວຽກເກັບກູ້ລະເບີດບໍ່ທັນແຕກຕົກຄ້າງ ໄດ້ໃຫ້ຮູ້ວ່າ: ທີມງານເກັບກູ້ ປະມານ 110 ຄົນ ແລະ ແບ່ງອອກເປັນ 11 ກຸ່ມ ກໍາລັງເລັ່ງກວດກາ ເກັບກູ້ລະເບີດ ບໍ່ທັນແຕກຕົກຄ້າງ ຢູ່ໃນເຂດບ້ານດັ່ງກ່າວ ເພື່ອກໍ່ສ້າງເຮືອນພັກຊົ່ວຄາວ ໃຫ້ກັບຜູ້ໄດ້ຮັບຜົນກະທົບໄພພິບັດທີ່ແຂວງອັດຕະປື.

ທ່ານ ສຸກກະສານ ຍັງກ່າວຕື່ມອີກວ່າ: ການກໍ່ສ້າງເຮືອນພັກຊົ່ວຄາວນີ້ຄາດວ່າ ຈະໃຫ້ສໍາເລັດໂດຍໄວ ເທົ່າທີ່ຈະໄວໄດ້ ເພື່ອຕອບສະໜອງຄວາມຮຽກຮ້ອງຕ້ອງການດ້ານທີ່ພັກພາອາໄສຜູ້ທີ່ໄດ້ຮັບຜົນກະທົບ.

ແຫລ່ງຂ່າວ: ສຳນັກຂ່າວສານປະເທດລາວ