ປະຊາຊົນຍີ່ປຸ່ນ ປະມານ 70,000 ຄົນຮວມຕົວກັນປະທ້ວງທີ່ສວນສາທາລະນະໃນເມືອງ ນາຮາ, ແຂວງ ໂອກິນາວາ ຫມູ່ເກາະຕອນໃຕ້ຂອງປະເທດຍີ່ປຸ່ນ ເມື່ອວັນທີ 11 ສິງຫາ ທີ່ຜ່ານມາ ເພື່ອປະທ້ວງຕໍ່ແຜນການຂອງລັດຖະບານກາງຍີ່ປຸ່ນໃນການຍ້າຍຖານທັບອາກາດທະຫານເຮືອຟູນເທນມະສະຫະລັດ ອອກຈາກພື້ນທີ່ຊຸມຊົນໄປຍັງພື້ນທີ່ ທີ່ປະຊາກອນຫນາແຫນ້ນຫນ້ອຍກວ່າ ພ້ອມທັງຢືນຢັນຄວາມຕ້ອງການໃຫ້ຍ້າຍຖານທັບອອກຈາກເກາະໄປໂດຍເລີຍ.
ກິດຈະກຳປະທ້ວງຈັດຂື້ນທ່າມກາງສາຍຝົນ ໂດຍການຖືປ້າຍປະທ້ວງຕໍ່ຖານທັບສະຫະລັດ ແລະ ຢືນກົງແນບນີ້ງໄວ້ອາໄລໃຫ້ກັບ ທາເຄຊິ ໂອນາງະ, ເຈົ້າແຂວງ ແຂວງໂອກິນາວາ ທີ່ຫາກໍ່ເສຍຊີວິດໄປ ດ້ວຍໂລກມະເຮັງ, ເມື່ອວັນທີ 1 ສິງຫາ ທີ່ຜ່ານມາ.
ລາຍງານລະບຸວ່າ ໂອນາເງະ ຜູ້ໄດ້ຮັບເລືອກຕັ້ງສູ່ຕຳແຫນ່ງເຈັ້ົາແຂວງ ເມື່ອປີ 2014 ເປັນແກນນຳໃນການຕໍ່ຕ້ານຖານທັບສະຫະລັດເທີງເກາະໂອກິນາວາ ແລະ ມີແຜນທີ່ຈະດຳເນີນການຍົກເລີກເພື່ອບໍ່ໃຫ້ມີການຖົມອ່າວເຮໂນໂກະ ທີ່ຈະສ້າງເປັນຖານທັບແຫ່ງໃຫມ່ທີ່ຈະຍ້າຍໄປ.
ດ້ານຄິອິຊິໂຣະ ຈາຮານະ, ຮອງເຈົ້າແຂວງ ທີ່ມາໃນຖານະຕົວແທນໂອນາງະ ໃນການຊຸມນຸມດັ່ງກ່າວ ປະກາດວ່າຈະດຳເນີນຮອຍຕາມນະໂຍບາຍທີ່ຈະຖອນສິດໃນການດຳເນີນການຖົມອ່າວ ຕາມເຈດຕະນາຂອງໂອນາງະຕໍ່ໄປ. ຂະນະທີ່ກຸ່ມອະນຸລັກສີ່ງແວດລ້ອມລະບຸວ່າ ການກໍ່ສ້າງຖານທັບໃນພື້ນທີ່ໃຫມ່ຊື່ງຈະຕ້ອງຖົມພື້ນທີ່ໃຫມ່ ແລະ ຈະຕ້ອງຖົມພື້ນທີ່ອ່າວ ມັນຈະສົ່ງຜົນກະທົບກັບສີ່ງແວດລ້ອມໂດຍສະເພາະປະກາລັງ ແລະ ປາພະຍູນ.
ຕາມເຈດຕະນາຂອງໂອນາງະ ຕໍ່ໄປ ຂະນະທີ່ກຸ່ມອະນຸຮັກສີ່ງແວດລ້ອມລະບຸວ່າການກໍ່ສ້າງຖານທັບໃນພື້ນທີ່ໃຫມ່ ຈະຕ້ອງຖົມພື້ນທີ່ອ່າວ ແມ່ນສົ່ງຜົນກະທົບຕໍ່ກັບສີ່ງແວດລ້ອມໂດຍສະເພາະກປະກາລັງ ແລະ ປາພະຍູນ.
ທັງນີ້, ລັດຖະບານກາງຍີ່ປຸ່ນລະບຸວ່າແຜນການຍ້າຍຖານທັບອາກາດດັ່ງກ່າວເປັນຫົນທາງແກ້ບັນຫາພຽງທາງດຽວ ແຕ່ປະຊາຊົນໂອກິນາວານັ້ນຕ້ອງການໃຫ້ຖານທັບດັ່ງກ່າວທີ່ມີທະຫານອາເມລິກາປະຈຳການຢູ່ 50,000 ຄົນ ນັ້ນຍ້າຍອອກໄປຈາກເກາະ.
ແຫລ່ງຂ່າວຕ່າງປະເທດ: MTC