ອຸນຫະພູມທີ່ຮ້ອນຈັດເຮັດໃຫ້ທະເລສາບນໍ້າເຄັມອາຍຸພັນປີ ເກີດປະກົດການນໍ້່າໃນທະເລສາບປ່ຽນສີໃນຊ່ວງບໍ່ເທົ່າໃດມື້ທີ່ຜ່ານມານີ້ ໃນເມືອງ ຫຍຸນເຈິງ, ມົນທົນ ຊານຊີ ທາງຕອນເໜືອຂອງປະເທດຈີນ. ໂດຍນໍ້າໃຕ້ທະເລສາບ ບໍ່ໄດ້ເປັນສີເກົ່າຂອງມັນ. ເຫດການຂອງປະກົດການທະເລສາບນໍ້າເຄັມຫຼາຍສີໃນຊ່ວງທີ່ຜ່ານມານີ້ ເກີດຂື້ນມາຈາກໄຄນໍ້າມີປະລິມານຫຼາຍ ລວມກັບກຸ້ງຝອຍນໍ້າເຄັມທີ່ຂະຫຍາຍພັນເພີ່ມຈໍານວນຂຶ້ນຢ່າງວ່ອງໄວ ພາຍໃຕ້ສະພາບອາກາດຮ້ອນຈັດ ເຮັດໃຫ້ໄຄນໍ້າຫຼາກຫຼາຍຊະນິດໃນທະເລສາບແຫ່ງນີ້ເກີດມີສີທີ່ແຕກຕ່າງກັນອອກໄປ ສີທີ່ເກີດຂຶ້ນກໍເກີດຈາກຄວາມໜາແໜ້ນຂອງໄຄນໍ້າທີ່ແສງແດດຕົກລົງມາກະທົບ ແລະ ເກີດການສະທ້ອນ ເຮັດໃຫ້ທະເລສາບນໍ້າເຄັມກາຍເປັນສີທີ່ງົດງາມຊັດເຈນ ຍິ່ງໄປກວ່ານັ້ນ ອຸນຫະພູມທີ່ເພີ່ມຂຶ້ນຢ່າງຕໍ່ເນື່ອງ ແມ່ນຈະເຮັດໃຫ້ສີຕ່າງໆ ກາຍເປັນເງົາງາມ ສົດໄສມີຊີວິດຊີວາຫຼາຍຂຶ້ນເລື້ອຍໆເຊັ່ນກັນ.
ທະເລສາບນໍ້າເຄັມແຫ່ງນີ້ຕັ້ງຢູ່ທີ່ລະດັບຄວາມສູງ 324,5 ແມັດ ແລະ ຄວບຄຸມພື້ນທີ່ 132 ຕາລາງກິໂລແມັດ ຈັດເປັນ 1 ໃນ 3 ທະເລສາບນໍ້າເຄັມທີ່ໃຫຍ່ທີ່ສຸດໃນໂລກ.
ແຫລ່ງຂ່າວຕ່າງປະເທດ: News TV