ເມື່ອເວລາ 18.48 ນາທີ ຂອງວັນທີ 10 ກໍລະກົດ 2018 ນັກຂ່າວລາຍງານວ່າ ສະມາຊິກທີມໝູປ່າຄົນທີ 12 ແລະ ໂຄ໊ຊເອກ ຖືກນຳຕົວອອກມາຈາກຖ້ຳຫຼວງແລ້ວ ແລະ ຫຼັງຈາກທີ່ກວດຮ່າງກາຍເບື້ອງຕົ້ນໂດຍແພດທີ່ໂຮງໝໍສະໜາມ ເຈົ້າໜ້າທີ່ໄດ້ນຳສົ່ງພວກເຂົາໄປຮັກສາຕົວທີ່ໂຮງໝໍຊຽງລາຍປະຊານຸເຄາະ

ໂດຍວິນາທີທີ່ທີມໝູປ່າຄົນທີ 12 ແລະ ໂຄ໊ຊເອກອອກມາຈາກຖ້ຳຫຼວງນັ້ນ ຄົນທີ່ປະຕິບັດພາລະກິດບໍລິເວນຖ້ຳຫຼວງ ຕ່າງພາກັນຕົບມືດ້ວຍຄວາມດີໃຈ

ຢ່າງໃດກໍ່ຕາມນອກຈາກ ທີມໝູປ່າ 5 ຄົນທີ່ຖືກນຳຕົວອອກຈາກຖ້ຳຫຼວງວັນນີ້ແລ້ວ ຍັງມີແພດອີກ 1 ຄົນນັ້ນຄື ໝໍພາກ ແລະ ເຈົ້າໜ້າທີ່ໜ່ວຍຊິລອີກ 3 ຄົນ ທີ່ຖືກນຳຕົວອອກມາຈາກຖ້ຳບໍລິເວນເນີນນົມສາວ ໂດຍທັງ 4 ຄາດວ່າຈະຕ້ອງຖືກນຳສົ່ງໄປທີ່ໂຮງໝໍ ເພື່ອກວດຫາເຊື້ອໃນຮ່າງກາຍ ຫຼັງຈາກເຂົ້າໄປປະຕິບັດພາລະກິດຢູ່ກັບພວກນ້ອງໆໃນຖ້ຳຕັ້ງແຕ່ມື້ທີ່ພົບຕົວໃນບໍລິເວນເນີນນົມສາວ