ນັກສຳຫລວດຄົນອັງກິດ, ເວີນຣ໌ ຮັນສ໌ເວີຣນ໌ ຮ່ວມພາລະກິດຄົ້ນຫາສະມາຊິກ 13 ຊີວິດຂອງທີມນັກເຕະບານທ້ອງຖີ່ນ ຫມູປ່າ Academy ກັບຕົວແທນນັກດຳນໍ້າ 3 ຄົນ ຈາກສະມາຄົມກູ້ຊີບຜູ້ຕິດຢູ່ພາຍໃນຖໍ້າບິຕິສ (BCRS) ອົງກອນອິດສະລະດ້ານການໃຫ້ຄວາມຊ່ວຍເຫລືອຜູ້ປະສົບໄພພາຍໃນຖໍ້າຂອງສະຫະລາຊາອານາຈັກ ທີ່ຕິດຢູ່ພາຍໃນຖໍ້າຫລວງຂຸນນໍ້ານາງນອນ ໃນແຂວງຊຽງລາຍ, ປະເທດໄທ ຕັ້ງແຕ່ວັນທີ 23 ມິຖຸນາ ທີ່ຜ່ານມາ ຕົວແທນນັກດຳນໍ້າກໍຄື ຣີຊາດສ໌ ສະແຕນຕັນສ, ຈອນ ໂວຣັນເທນ ແລະ ໂຣເບີດ ຮາເປີ ທີ່ຮ່ວມພາລະກິດຕັ້ງແຕ່ຕົ້ນເຊັ່ນກັນ ໃຫ້ສຳພາດພິເສດກັບ The New York times ເມື່ອວັນອັງຄານທີ່ຜ່ານມາກ່ຽວກັບຊ່ວງເວລາທີ່ທີມງານຈາກອັງກິດພົບກັບທັງ 13 ຊີວິດເທີງເນີນໃນຖໍ້າ ພາຍໃນຖໍ້າຫລວງ.
https://www.facebook.com/ThaiSEAL/videos/1631228493667210/?t=0
ຮັນເວີສຣ໌ໃຫ້ຂໍ້ມູນວ່າ ໂວຣັນເທນ ຊື່ງດຳນໍ້ານຳທາງມາກ່ອນ ກຳລັງຢູ່ລະຫວ່າງການວາງແນວເຊືອກຕາມແນວດິນຕົມຂອງຝາຖໍ້າ ເພື່ອໃຫ້ນັກດຳນໍ້ານຳມາ ຮວມທັງ ຣີຊາດສ໌ ສະແຕນຕັນສ໌ ແລະ ເຈົ້າຫນ້າທີ່ຫນ່ວຍ SEAL ໄທ ໃຊ້ເກາະເປັນເສັ້ນທາງລໍາລຽງເພື່ອບໍ່ໃຫ້ຫລົງທາງ ຫລື ຖືກກະແສນໍ້າພັດໄປ ແຕ່ທັນໃດນັ້ນໃນຊ່ວງເວລາທີ່ກຳລັງດຳເນີນພາລະກິດເຊືອກຂອງ ຈອນ ໂວຣັນເທນ ແມ່ນສຸດສາຍພໍດີ ສົ່ງຜົນເຮັດໃຫ້ເຂົາຕ້ອງຂື້ນມາຈາກຫນ້ານໍ້າ ແລະ ໃນວິນາທີນັ້ນເອງ ນັກດຳນໍ້າອັງກິດກໍພົບກັບທັງ 13 ຊີວິດ ໃນສະພາບທີ່ພວກເຂົາກຳລັງແນມມາທີ່ລາວ ແລະ ຄາດວ່າທັງ 13 ຄົນແມ່ນຫນ້າຈະຈັບຈ້ອງມາທີ່ ຈອນ ໂວຣັນເທນ ແລ້ວໄລຍະຫນື່ງ ໂດຍສັງເກດຈາກແສງໄຟທີ່ມັດຢູ່ເທີງຫົວ. ຈອນ ໂວຣັນເທນ ກ່າວດີໃຈເປັນຢ່າງຍີ່ງເຊັ່ນດຽວກັບທັງ 13 ຄົນ ທີ່ສະແດງຄວາມດີໃຈ ແລະ ຕື່ນເຕັ້ນອອກມາຢ່າງຊັດເຈນ.
https://www.facebook.com/ThaiSEAL/videos/1634041306719262/?t=34
ແຫລ່ງຂ່າວຕ່າງປະເທດ: TDN, Thai Navy SEAL