ສຳນັກຂ່າວຕ່າງປະເທດລາຍງານຈາກປະເທດ ສິງກະໂປ ເມື່ອວັນທີ 24 ມິຖຸນາ 2018ວ່າ ການພົບປະຫາລືກັນລະຫວ່າງ ປະທານາທິບໍດີ ໂດນັລ ທຣັມ ກັບ ທ່ານ ຄິມຈອງອຶນ ທີ່ສິງກະໂປເມື່ອວັນທີ 12 ມິຖຸນາ 2018ທີ່ຜ່ານມາ ເນື່ອງຈາກເປັນຕົວເລືອກທີ່ດີສຳລັບການປະຊຸມສຸດຍອດໃນຄັ້ງນີ້ ຈາກເຫດຜົນຄວາມສຳພັນທີ່ດີຕໍ່ສະຫະລັດ ແລະ ເກົາຫຼີເໜືອ ແລະ ມີຊື່ສຽງດ້ານກົດລະບຽບທີ່ເຄັ່ງຄັດ ໂດຍທ່ານ ລັດຖະມົນຕີ ຣີລີ ຊຽນ ລຸງ ຂອງສິງກະໂປ ປະເມີນຕົວເລກຄ່າໃຊ້ຈ່າຍທີ່ປະເທດຕ້ອງເສຍໄປເກືອບ 20 ລ້ານໂດລ້ານສິງກະໂປ ໃນການຈັດກອງປະຊຸມຄັ້ງນີ້

ເມື່ອວັນອາທິດທີ່ຜ່ານມາ ຖະແຫຼງການຂອງໂຄສົກກະຊວງການຕ່າງປະເທດ ສິງກະໂປ ລາຍງານວ່າ ລັດຖະບານໃຊ້ຈ່າຍເງິນສຳລັບກອງປະຊຸມສຸດຍອດໃນເທື່ອນີ້ 16.3 ລ້ານໂດລາສິງກະໂປ ສ່ວນໃຫຍ່ເປັນຄ່າໃຊ້ຈ່າຍກ່ຽວກັບການຮັກສາຄວາມປອດໄພ ເຊິ່ງຕ້ອງລະດົມກຳລັງເຈົ້າໜ້າທີ່ຫຼາຍພັນນາຍ ຮວມທງເຄື່ອງມືອຸປະກອນຕ່າງໆ ນອກຈາກນັ້ນຍັງມີຄ່າໃຊ້ຈ່າຍສຳລັບຄ່າທີ່ພັກຂອງທ່ານ ຄິມ ແລະ ຄະນະຜູ້ຕິດຕາມ ເຊິ່ງຜູ້ນຳເກົາຫຼີເໜືອເຂົ້າພັກໃນໂຮງແຮມຫຼູລະດັບ 5 ດາວ

ຖະແຫຼງການດັ່ງກ່າວຢ້ຳວ່າ ສິງກະໂປ ໄດ້ສະໜັບສະໜູນຄວາມພະຍາຍາມຂອງນານາຊາດທີ່ຈະບັນລຸສັນຕິພາບ ແລະ ສະຖຽນລະພາບໃນແຫຼມເກົາຫຼີ.