Homeຂ່າວຕ່າງປະເທດອາເມລິກາ ສັງຫານ ຫົວຫນ້າກຸ່ມຕາລີບັນປາກິດສະຖານ

ອາເມລິກາ ສັງຫານ ຫົວຫນ້າກຸ່ມຕາລີບັນປາກິດສະຖານ

Published on

ສຳນັກຂ່າວຕ່າງປະເທດລາຍງານຈາກເມືອງຄາບູລ ປະເທດອາຟະການິດສະຖານ ເມື່ອວັນທີ 16 ມິຖຸນາ ວ່າກອງກຳລັງສະຫະລັດ-ອາຟະການິດສະຖານ ອອກຖະແຫລງການວ່າໄດ້ປະຕິບັດການຕໍ່ຕ້ານກຸ່ມກໍ່ການຮ້າຍ ດ້ວຍການໂຈມຕີທາງອາກາດໂດຍນໍາໃຊ້ເຮືອບິນໂດຣນ ມີເປົ້າຫມາຍເປັນສະມາຊິກລະດັບແກນນຳຂອງກຸ່ມເຕຫ໌ລິກ-ອີ-ຕາລີບັນ (TTP) ຊື່ງເປັນສາຂາໃນປາກິດສະຖານຂອງກຸ່ມຕາລີບັນໃນເຂດທ້ອງຖີ່ນຂອງເມືອງກູນາຣ໌ ຢູ່ທາງຕາເວັນອອກສຽງເຫນືອຂອງອາຟະການິດສະຖານ ແລະ ມີຊາຍແດນຕິດກັບປາກິດສະຖານ, ໃນວັນສຸກທີ່ຜ່ານມາສາມາດສັງຫານຫົວຫນ້າ TTP ມຸລເລາະ ຟາສລຸດເລາະ ທີ່ກົບດານຢູ່ບໍລິເວນດັ່ງກ່າວໄດ້ສຳເລັດ.

ດ້ານປະທານາທິບໍດີອັສຣາຟ ການີ ຜູ້ນຳອາຟະການິດສະຖານ ກໍໄດ້ສະແດງຄວາມເຫັນຜ່ານທາງສື່ສັງຄົມອອນລາຍ Twitter ເຖີງການເສຍຊີວິດຂອງ ຟາສລຸດເລາະ ແລະ ເຜີຍວ່າໄດ້ສົນທະນາທາງໂທລະສັບຮ່ວມກັບຜູ້ບັນຊາການທະຫານຂອງປາກິດສະຖານ ໂດຍເຫັນພ້ອງກັນວ່າ ການເສຍຊີວິດຂອງຜູ້ນຳ TTP  ຈະຊ່ວຍຟື້ນຟູຄວາມໄວ້ວາງໃຈໃນລະດັບທະວີພາຄີ ເນື່ອງຈາກ ຟາສລຸດເລາະ ແມ່ນຜູ້ກໍ່ການຮ້າຍລະດັບບັນຊີດຳ ທີ່ຫນ່ວຍງານດ້ານຄວາມຫມັ້ນຄົງແຫ່ງຊາດຕ້ອງການໂຕຫລາຍທີ່ສຸດ. ຈາກການຢູ່ເບື້ອງຫລັງເຫດສັງຫານຫມູ່ນັກຮຽນ 132 ຄົນ ເມື່ອປີ 2014  ແລະ ກຸ່ມ TTP ຍັງພະຍາຍາມລອບສັງຫານ ມາລາລາ ຢູຊາຟໄຊ ເດັກຍິງນັກເຄື່ອນໄຫວຊື່ດັງຂອງປາກິດສະຖານ ໃນປີ 2012 ອີກດ້ວຍ.

 

 

 

ແຫລ່ງຂ່າວຕ່າງປະເທດ : TDN & TRT Word Now

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...