ປະຊາຊົນເມືອງເຊໂປນ ແຂວງສະຫວັນນະເຂດ ໂວຍຜ່ານເຟສບຸກວ່າ ໂຮງງານຜະລິດເຈ້ຍທີ່ເປັນຂອງນັກລົງທຶນຈີນ ໄດ້ສົ່ງກິ່ນເໝັນຢ່າງແຮງໄປທົ່ວເມືອງເຊໂປນ ໄປໄກເຖິງ 10 ກິໂລແມັດ ເຮັດໃຫ້ປະຊາຊົນດຳລົງຊີວິດດ້ວຍຄວາມລຳຄານ ແລະຢ້ານວ່າຈະເກີດອັນຕະລາຍຕໍ່ສຸຂະພາບຢ່າງຮ້າຍແຮງ. ປະຊາຊົນບອກວ່າກິ່ນເໝັນແຮງຈົນຊິຢູ່ບໍ່ໄດ້ ບາງຄົນກໍໃຊ້ຜ້າອັດດັງອັດປາກ ບາງຄົນກໍເອົາຢາມ່ອງມາດົມເພື່ອດັບກິ່ນ ແຕ່ກໍບໍ່ໄຫວ ໂດຍສະເພາະແມ່ນຍາງກາງຄືນ ເດິກໆ ຍິ່ງເໝັນແຮງຈົນນອນບໍ່ຫຼັບ.
ຜູ້ໃຊ້ເຟສບຸກຊື່: ແຫຼ້ ສຸວັນນະລາດ ໄດ້ເຮັດຄລິບແລະໂພສຂໍ້ຄວາມລົງເຟສບຸກຂອງຕົນຫຼາຍຄັ້ງ ແລະມີຜູ້ອ່ານຖືກໃຈແລະແຊຕໍ່ຢ່າງຫຼວງຫຼາຍ ໂດຍຫວັງວ່າຈະເຖິງຫູເຖິງຕາຜູ້ທີ່ມີີອຳນາດໃນການແກ້ໄຂບັນຫາດັ່ງກ່າວ. ດັ່ງຂໍ້ຄວາມໃນໂພສມີຄື:
“ຖ້າເຈົ້າເປັນຄົນລາວທີຮັກຊາດຄົນໜຶ່ງເສຍເວລາພຽງເລັກນອ້ຍອ່ານເນື້ອໃນໃຈຄວາມແລ້ວກົດແຊ່ໃຫ້ເພື່ອນຮວ່ມຊາດດຽວກັນ
ໃນຍາມກາງຄືນເຊໂປນກາຍເປັນເມືອງເນົ່າ ເພາະໂຮງງານຈີນ ຊັນເປເປີ ໄດ້ປ່ອຍສາເຄມີທີ່ມີຄວາມເໝັນສູງ ປົກຄຸມໄປທົ່ວເມືອງເຊໂປນເຮັດໃຫ້ຊາວເມືອງຝັນຮ້າຍທຸກໆຄືນ ໄດ້ແຕ່ພາວະນາວ່າມື້ໃດຊີແຈ້ງ ເຮັດໃຫ້ຊາວເມືອງອົດຫຼັບອົດນອນ ເພາະກິ່ນເໝັນ.
+ຖ້າຈີນມີປັນຍາສ້າງໂຮງງານທີ່ໃຫ່ຍເປັນຫຍັງຄືບໍ່ມີປັນຍາປັບປຸງກິ່ນເໝັນ.
+ຖ້າຍັງເປັນແບບນີ້ຕໍ່ໄປລັດຖະບານລາວຄວນສັ່ງປິດໂຮງງານ ເພາະຜົນໄດ້ມັນໜ້ອຍ ຜົນເສຍມັນຫຼາຍເກີນໄປ.
+ຕ້ອງໃຫ້ຊາວເມືອງເຊໂປນຕາຍເມີດກ່ອນບໍ່ຈຶ່ງຈະມີການປັບປຸງ.
ຂໍຄົນລະແຊແນ່ຄົນລາວໃຈດີ ໃຫ້ຜູ້ໃຫ່ຍທີ່ເພິ່ນຍັງຫຼັບຫູຫຼັບຕາໄດ້ເຫັນແດ່ ວ່າຄວາມລຳບາກຂອງປະຊາຊົນເປັນແນວໃດ?
