ສຳນັກຂ່າວຕ່າງປະເທດລາຍງານເມື່ອວັນທີ 9 ມິຖຸນາ 2018ວ່າ ທ່ານ ສີ ຈິ້ນຜິງ ຜູ້ນຳສູງສຸດຂອງຈີນ ໄດ້ມອບຫຼຽນໄຊມິດຕະພາບໃຫ້ແກ່ທ່ານ ປູຕິນ ຜູ້ນຳສູງສຸດຂອງຣັດເຊຍ ເຊິ່ງພິທີດັ່ງກ່າວໄດ້ຈັດຂຶ້ນຢູ່ທີ່ມະຫາສາລາປະຊາຊົນ ໃນນະຄອນຫຼວງປັກກິ່ງ ເມື່ອວັນສຸກທີ່ຜ່ານມາ ໂດຍຫຼຽນໄຊດັ່ງກ່າວເປັນເຄື່ອງໝາຍກຽດຕິຍົດສູງສຸດທີ່ລັດຖະບານຈີນສ້າງຂຶ້ນມາໃໝ່ ແລະ ທ່ານ ປູຕິນ ຖືເປັນປະມຸກແຫ່ງລັດຕ່າງປະເທດຄນທຳອິດທີ່ໄດ້ຮັບ
ເຊິ່ງຜູ້ນຳຈີນກ່າວເຖິງການມອບຫຼຽນໄຊດັ່ງກ່າວນີ້ໃຫ້ແກ່ທ່ານ ປູຕິນວ່າ: “ເພື່ອຍ້ອງຍໍການທຸ້ມເມອຸທິດຕົນອັນໂດດເດັ່ນ ຂອງປະທານາທິບໍດີຣັດເຊຍ ໃນດ້ານການພັດທະນາປະເທດໃຫ້ມີຄວາມຈະເລີນກ້າວໜ້າ ແລະ ມີການຮ່ວມມືກັບຂະບວນການຮັກສາສັນຕິພາບໂລກ” ໃນທາງດ້ານຂອງປູຕິນ ກ່າວເຖິງສາຍພົວພັນລະຫວ່າງຣັດເຊຍ-ຈີນວ່າ “ເປັນເພື່ອນມິດທີ່ດີ, ເປັນເພື່ອນບ້ານທີ່ດີ ແລະ ສາຍພົວພັນລະຫວ່າງການພັດທະນາໄປເກີນກວ່າການເປັນຮຸ້ນສ່ວນທາງຍຸດທະສາດແລ້ວ”
ແຫລ່ງຂ່າວ: ອິດສະຫຼະ