ຊື່ເລື່ອງ: ເຈົ້າສາວແວມພາຍ…Love you forever
ປະເພດ: ນິຍາຍແຟນຕາຊີ, ນິຍາຍອິໂຣຕິກ
ຈຳນວນຕອນ:….. (ຢູ່ໃນຊ່ວງແຕ່ງ ແລະ ອັບເດດ)
ຜູ້ແຕ່ງ: ນາມປາກາ ບຸດສະດີ ສາຍນ້ຳມັດ
ຄຳນຳ
ນະວະນິຍາຍ “ເຈົ້າສາວແວມພາຍ…Love you forever” ເປັນເລື່ອງລາວທີ່ແຕ່ງຂຶ້ນຈາກຈິນຕະນາການຂອງຜູ້ແຕ່ງ ທັງຊື່ ,ສະຖານທີທີ່ ແລະ ຄຳທີ່ໃຊ້ໃນເນື້ອເລື່ອງແມ່ນສົມມຸດຂຶ້ນມາ ເປັນນິຍາຍອອກແນວແຟນຕາຊີປະສົມກິ່ນອາຍອິໂຣຕິກເລັກນ້ອຍ ສະນັ້ນເນື້ອໃນຂອງເລື່ອງໃນບາງຕອນຈະມີຄຳບັນຍາຍຕິດເຣດ 18+ ຜູ້ແຕ່ງຂໍແນະນຳວ່າຜູ້ທີ່ອ່ານຕ້ອງມີອາຍຸ 18 ປີຂຶ້ນໄປ ຫຼື ຖ້າອາຍຸ 18ປີລົງມາຄວນໃຊ້ວິຈາລະນະຍານໃນການອ່ານ, ນີ້ເປັນນິຍາຍແຟນຕາຊີ, ອິໂຣຕິກເລື່ອງທຳອິດທີ່ຜູ້ແຕ່ງລອງຂຽນຂຶ້ນ ປົກກະຕິຈະຂຽນແຕ່ແນວຮັກໃສໆ ຫາກທ່ານອ່ານພົບບາງຄຳທີ່ບໍ່ສອດຄ້ອງກັນ ຫຼື ອາດຕິດຂັດບາງຊ່ວງບາງຕອນກໍ່ຕ້ອງຂໍອະໄພຜູ້ອ່ານລ່ວງໜ້າ.
ເລື່ອງຫຍໍ້:
“ຣິສຊາສ໌” ແວມພາຍໜຸ່ມທີ່ມີຄວາມຫື່ນ ໂຫດ ດິບ ເຖື່ອນ ເຂົາເລີຍໄດ້ຂຶ້ນຮັບຕຳແໜ່ງຜູ້ນຳແວມພາຍຕໍ່ຈາກຜູ້ເປັນບິດາຕັ້ງແຕ່ຕອນທີ່ເຂົາມີອາຍຸ 300 ປີ,ເປັນເວລາ 400ປີແລ້ວທີ່ເຂົາປົກຄອງເຫຼົ່າແວມພາຍຢ່າງສັນຕິ, ຢູ່ມາວັນໜຶ່ງພໍ່ຂອງເຂົາຕ້ອງການໃຫ້ເຂົາມີຄູ່ຄອງ ແຕ່ໃນຊ່ວງດຽວກັນນັ້ນກໍ່ເກີດມີເຫດການແວມພາຍລັກພາຕົວມະນຸດ ເຂົາຕ້ອງການຢຸດມັນ ແລະ ຕ້ອງການຮູ້ຜູ້ບົງການຢູ່ເບື້ອຫຼັງພ້ອມແຮງຈູງໃຈໃນເລື່ອງນີ້ ໃນຂະນະທີ່ເຂົາເດີນທາງໄປດິນແດນມະນຸດເພື່ອສືບຫາຫຼັກຖານ ເຂົາກັບໄດ້ພົບຍິງສາວມະນຸດທີ່ມີກິ່ນກາຍຫອມບໍລິສຸດ ກິ່ນນັ້ນມັນນຳພາໃຫ້ເຂົາໄປຫານາງ ຍິງສາວມະນຸດທີ່ໜ້າຕາຄືກັບຄົນຮັກຂອງເຂົາທີ່ເສຍຊີວິດໄປເມື່ອ 600 ປີກ່ອນ ນາງມີນາມວ່າ “ອາຣິຊ່າ” ໄດ້ເຮັດໃຫ້ຄວາມຮູ້ສຶກທີ່ຕາຍດ້ານກັບຕື່ນຂຶ້ນມາອີກຄັ້ງ ເຂົາເລືອກນາງເປັນເຈົ້າສາວ ແຕ່ກັບມີອຸປະສັກກໍ່ຕົວຂຶ້ນເມື່ອນ້ອງຊາຍຕ່າງມານດາຂອງເຂົາມີນາມວ່າ “ໄຊມອນ” ກໍ່ມີໃຈໃຫ້ກັບ ອາຣິຊ່າ ແລະ ຢາກຄອບຄອງນາງ ນອກຈາກນີ້ຍັງມີ ແວມພາຍສາວນາມວ່າ “ຄຣິນຕິນ” ຍິງສາວທີ່ຕົກຫຼຸມຮັກ “ຣິສຊາສ໌” ທີ່ຕ້ອງການກຳຈັດນາງໄປໃຫ້ພົ້ນໜ້າ ເລື່ອງລາວຈະດຳເນີນໄປແນວໃດຕ້ອງຕິດຕາມອ່ານ