ລົດແກ້ວ ອິນທະກຸມມານ ສາວນັກແລ່ນຕີນໄຟຈາກລາວໄດ້ສ້າງຜົນງານອີກຄັ້ງໂດຍຫຼ້າສຸດໄດ້ 1ຫຼຽນທອງ ແລະ 1ຫຼຽນເງິນຈາກການແຂ່ງຂັນ 10 Mile international Run 2018 ເຊິ່ງຈັດຂຶ້ນຢູ່ທີ່ນະຄອນຫຼວງບາງກອກ ປະເທດໄທ.
ການແຂ່ງຂັນໃນຄັ້ງນີ້ຈັດຂຶ້ນເມື່ອວັນອາທິດທີ່ຜ່ານມາ (13 ພຶດສະພາ 2018) ທີ່ບາງກອກ ປະເທດໄທ ໂດຍລົດແກ້ວສາມາດຄວ້າອັນດັບ 2 ປະເພດ Overall Female ແລະ ອັນດັບ 1 ປະເພດ Internaltional Female ຈາກຜູ້ເຂົ້າແຂ່ງຂັນເພດຍິງທັງໝົດຫຼາຍກວ່າ 1,200 ຄົນ.
ກ່ອນໜ້ານີ້ ລົດແກ້ວ ຫາກໍເຂົ້າຮ່ວມການແຂ່ງຂັນແລ່ນ-ລານ ໄທແລນ ໂອເພັນ 2018 ເມື່ອວັນທີ 4-7 ພຶດສະພາທີ່ຜ່ານມາ ເຊິ່ງສາມາດເກັບໄດ້ 1 ຫຼຽນທອງ ຈາກປະເພດແລ່ນ 800 ແມັດຍິງ, 1 ຫຼຽນທອງ ແລະ 1 ຫຼຽນເງິນ ຈາກປະເພດແລ່ນ 1,500 ແມັດຍິງ.
ແຫລ່ງຂ່າວ: Lodkeo Inthakoumman, @ມ່ວນ.