ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊ ປະເທດເກົາຫຼີໃຕ້ ເມື່ອວັນທີ 6 ພຶດສະພາ 2018 ວ່າ ກະຊວງການຕ່າງປະເທດເກົາຫຼີເໜືອເຜີຍແຜ່ຖະແຫຼງການຜ່ານສຳນັກຂ່າວກາງເກົາຫຼີ (ເຄຊີເອັນເອ) ວ່າກຳລັງມີ “ຄວາມພະຍາຍາມທີ່ອັນຕະລາຍ” ເພື່ອຮັກສາບັນຍາກາດທີ່ເຄັ່ງຮ້ອນໃນແຫຼມເກົາຫຼີເອົາໄວ້ ເນື່ອງຈາກການພົບປະຫາລືລະຫວ່າງທ່ານ ຄິມ ຈອງ ອຶນ ກັບປະທານາທິບໍດີ ມຸນ ແຈ ອິນ ທີ່ໝູ່ບ້ານປັນມຸມຈອມ ທີ່ເຂດປອດທະຫານ ເມື່ອວັນທີ 27 ເມສາ 2018ທີ່ຜ່ານມາ ນັ້ນປະສົບຄວາມສຳເລັດດ້ວຍດີ ໂດຍູ້ນຳສູງສຸດຂອງເກົາຫຼີເໜືອ ແລະ ປະທານາທິບໍດີເກົາຫຼີໃຕ້ເຫັນດີໃນການຟື້ນຟູຄວາມສຳພັນໃນລະດັບທະວີພາຄີໃນຫຼາຍໆດ້ານ ແລະ ການຫາລືປູທງສູ່ການປົດອາວຸດນິວເຄຣຍທີ່ແຫຼມເກົາຫຼີ
ຖະແຫຼງການຂອງກະຊວງການຕ່າງປະເທດສະບັບນີ້ຖືເປັນທ່າທີທຳອິດຢ່າງເປັນທາງການຂອງເກົາຫຼີເໜືອຕໍ່ສະຫະລັດ ນັບຕັ້ງແຕ່ການປະຊຸມຮ່ວມກັນລະຫວ່າງທ່ານ ຄິມ ຈອງ ອຶນ ກັບທ່ານ ມຸນ ແຈ ອິນ ເມື່ອທ້າຍເດືອນທີ່ຜ່ານມາ ແລະ ຫຼາຍຝ່າຍຄາດການກຳນົດການພົບປະຫາລືລະຫວ່າງຜູ້ນຳຂອງເກົາຫຼີເໜືອກັບປະທານາທິບໍດີໂດນັລ ທຣັມ ໜ້າຈະເກີດຂຶ້ນໃນທ້າຍເດືອນນີ້ ຫຼື ຢ່າງຊ້າສຸດບໍ່ເກີດຕົ້ນເດືອນມິຖຸນານີ້