ສຳນັກຂ່າວຕ່າງປະເທດລາຍງານເມື່ອວັນທີ 5 ເມສາ ວ່າສະຖາບັນຊັ້ນສູງວິທະຍາສາດ ແລະ ເຕັກໂນໂລຊີເກົາຫລີ (KAIST) ສະຖານບັນລະດັບອຸດົມສຶກສາໃນເມືອງແທຈອນ, ປະເທດເກົາຫລີໃຕ້ ອອກມາປະຕິເສດວ່າພວກເຂົາບໍ່ໄດ້ກຳລັງສ້າງເຄື່ອງຈັກສັງຫານ ຫລັງຈາກມີຂ່າວວ່າສູນວິໄຈທີ່ພວກເຂົາເປີດຮ່ວມກັບບໍລິສັດບໍລິສັດ ຮັນວາ ຊິດເຕັມ (Hanwha Systems) ເມື່ອບໍ່ດົນມານີ້ກຳລັງສ້າງເຄື່ອງຈັກສົງຄາມທີ່ເຮັດວຽກໄດ້ດ້ວຍຕົນເອງ.

ເລື່ອງດັ່ງກ່າວນີ້ເຮັດໃຫ້ຜູ້ຊ່ຽວຊານດ້ານປັດສະຍາການປະດິດ (AI) ຫລາຍກວ່າ 50ຄົນ ຈາກ 30ປະເທດ ສົ່ງຈົດຫມາຍປະທ້ວງ ແລະ ຂູ່ຈະບໍ່ເຮັດວຽກຮ່ວມກັບ (KAIST). ເພາະຖ້າຫາກເປີດນຳໃຊ້ເຄື່ອງຈັກສັງຫານນີ້ແລ້ວກໍຍາກທີ່ຈະປິດລົງໄດ້ ເຊັ່ນດຽວກັບເຕັກໂນໂລຊີທີ່ຖືກອອກແບບໃນອະດີດເຊັ່ນກັນ ອາວຸດເລເຊີທີ່ເຮັດໃຫ້ສັດຕູຕາບອດ ຊື່ງເຮົາສາມາດຕັດສິນໄດ້ງ່າຍໆ ວ່າຈະພັດທະນາມັນ ຫລື ບໍ?. ເຮົາຂໍຮຽກຮ້ອງໃຫ້ KAIST ເດີນສາຍຕາມເສັ້ນທາງນີ້ ແລະ ໃຊ້ AI ເພື່ອພັດທະນາແທນທີ່ຈະໃຊ້ເພື່ອທຳຮ້າຍຊີວິດມະນຸດ.

ລ່າສຸດ ປະທານຂອງ KAIST ຊິນ ສອງ ສູລ ອອກມາຢືນຢັນວ່າ ພວກເຂົາບໍ່ມີຄວາມຕັ້ງໃຈທີ່ຈະພັດທະນາລະບົບອາວຸດອັດຕະໂນມັດທີ່ຮ້າຍແຮງເຖີງຕາຍ ຫລື ຫຸ່ນສັງຫານ, ຂ້າພະເຈົ້າຂໍຢັ້ງຢືນອີກຄັ້ງວ່າ KAIST ບໍ່ໄດ້ເຮັດການວິໄຈໃດໆ ທີ່ກົງຂ້າມກັບສັກສີຂອງມະນຸດ ທັງນີ້ບັນດານັກວິໄຈເລີ່ມສະແດງຄວາມວິຕົກກັງວົນ ຫລັງສູນວິໄຈໃຫມ່ແຫ່ງນີ້ປະກາດເມື່ອເດືອນກຸມພາວ່າ ພວກເຂົາຈະນຳໃຊ້ປັດສະຍາການປະດິດ ໄປໃຊ້ກັບຮາດແວຂອງກອງທັບ ໂດຍວາງແຜນຈະສຶກສາວ່າ ເຕັກໂນໂລຊີ AI ຊື່ງກ້າວຫນ້າເຖີງຂັ້ນໃຫ້ຄອມພຶວເຕີ້ສາມາດຕັດສິນໃຈໄດ້ດ້ວຍຕົນເອງ ສາມາດນໍາໃຊ້ຈະຫລວດມິດໄຊສ໌, ເຮືອດຳນໍ້າ ຫລື ຍົນໂດຣນໄຮ້ຄົນຂັບໄດ້ຫລືບໍ?

ແຫລ່ງຂ່າວຕ່າງປະເທດ: TRN