ຖ້າເວົ້າເລື່ອງກນກິນບຸບເຟ້ແລ້ວ ແນ່ນອນວ່າຖ້າໄປກິນບຸບເຟ້ຫລາຍໆຄົນກໍ່ຕ້ອງກິນຫລາຍ ກິ່ນຈົນອິ່ມ ກິນໃຫ້ຄຸ້ມຄ່າກັບເງີນທີ່ຈ່າຍໄປ ຢ່າງໃດ ກໍຢ່າລືມເບິ່ງແຍງສຸກຂະພາບ ແລະ ຄວບຄຸມນ້ຳໜັກກັນ ດັ່ນັ້ນຈຶ່ງຂໍສະເໜີວິທີການກິນບຸບເຟ້ແບບສະຫລາດ ໃຫ້ໄດ້ທັງຄວາມແຊບ ແລະສຸກຂະພາບດີ
1, ການຕັກອາຫານ ຕັກອາຫານໃນປະລິມານເໝາະສົມ ຢ່າຕັກມາຫລາຍເກີນໄປ ບາງທ່ານອາດຈະຢ້ານອາຫານໝົດ ຫລື ຕັກເຜື່ອໝູເພື່ອນ ການຕັກອາຫານມາຫລາຍເກີນໄປ ເມື່ອຮັບປະທານບໍ່ໝົດກໍຢ້ານວ່າຈະຖືກປັບໄໝ ກໍຕ້ອງກິນເຂົ້າໄປໃນປະລິມານຫລາຍທັງທີ່ອິ່ມແລ້ວ
2, ຮັບປະທານອາຫານໃຫ້ຫລາກຫລາຍ ຢ່າເລືອກກິນສະເພາະອາຫານທີ່ມັກພຽງຊະນິດດຽວ ເພາະອາຫານທີ່ຫລາກຫລາຍຈະຊ່ວຍໃຫ້ຮ່າງກາຍບໍ່ໄດ້ຮັບສານອາຫານຊ້ຳໆ ຊຶ່ງຈະກໍ່ໃຫ້ເກີດພະຍາດຕຸ້ຍ ແລະ ພະຍາດອື່ນໆ ຕາມມາໃນພາຍຫລັງ
3, ຢ່າເບິ່ງຂ້າມໄຂມັນແອບແຝງ ເຊັ່ນ ພວກນ້ຳສະຫລັດຄີມ ຫລື ອາຫານທີ່ມີສ່ວນປະສົມຂອງເນີຍ, ນົມ ຖ້າເຮົາບໍ່ທັນລະວັງ ກໍອາດຈະຮັບປະທານໄຂມັນກຸ່ມນີ້ເຂົ້າໄປໃນປະລິມານຫລາຍເກີນໄປ
4, ເລືອກດື່ມເຄື່ອງດື່ມແຄລໍລີ່ໜ້ອຍ ເຊັ່ນ: ນ້ຳດື່ມ ນ້ຳອັດລົມ ທີ່ມີແຄລໍລີຕ່ຳ, ຊາ, ນ້ຳຫມາກໄມ້ ແທນການດື່ມເຄື່ອງດື່ມແອນກໍຮອລ໌ ເພາະມີແຄລໍລີສູງກວ່າ
5, ໃຊ້ຈານໃບນ້ອຍໃສ່ອາຫານ ຈາກການສຶກສາພົບວ່າການຮັບປະທານອາຫານດ້ວຍຈານໃບນ້ອຍຈະຊ່ວຍໃຫ້ເຮົາຮັບປະທານອາຫານໄດ້ນ້ອຍລົງກວ່າການໃສ່ຈານໃຫຍ່
6, ລຸກໄປຕັກອາຫານເລື້ອຍໆ ເພາະ ຄວາມຂີ້ຄ້ານລຸກຂອງເຮົາຈະເຮັດໃຫ້ເຮົາຕັກອາຫານມາຈຳນວນຫລາຍ ນອກຈາກນັ້ນການຍ່າງຍັງຊ່ວຍເຜົາຜານອີກດ້ວຍ
7, ຢ່າເສຍດາຍ ຢ່າ ຫ່ວງຄວາມຄຸ້ມ ຢ່າເລັ່ງກິນອາຫານໃຫ້ໄດ້ປະລິມານຫລາຍໆເພາະຢ້ານວ່າຈະບໍ່ຄຸ້ມ ຫລື ເສຍດາຍອາຫານດີໆ ທີ່ຢູ່ຕໍ່ໜ້າ ເພາະຂອງດີຈຳນວນຫລາຍເກີນໄປກໍອາດກາຍເປັນສິ່ງທີ່ທຳລາຍຮູບຮ່າງ ຂອງເຈົ້າ ແລະ ເຮັດຮ້າຍຮ່າງກາຍເຮັດໃຫ້ເຈັບປ່ວຍໄດ