spot_img
Homeຂ່າວ​ໄອ​ທີ16 ຄວາມລັບຂອງ Google ທີ່ຫຼາຍຄົນອາດຍັງບໍ່ຮູ້

16 ຄວາມລັບຂອງ Google ທີ່ຫຼາຍຄົນອາດຍັງບໍ່ຮູ້

Published on

ຖ້າຖາມຄົນໃຊ້ອິນເຕີເນັດກັນແລ້ວບໍ່ມີວ່າຈະບໍ່ຮູ້ຈັກກັບອັດສະລິຍະການຄົ້ນຫາ Google Search ແນ່ນອນ ເພາະເປັນສິ່ງໜຶ່ງຫຼືໜ້າເວັບໜຶ່ງທີ່ຜູ້ໃຊ້ອິນເຕີເນັດຫຼາຍຄົນກົດເຂົ້າດຸທີ່ສູດເພື່ອທີ່ຈະຄົ້ນຫາສິ່ງທີ່ຕົນເອງຕ້ອງການ, ຢາກຮູ້ ຫຼືສົງໄສ. ໂດຍສິ່ງສຳຄັນຫຼັກໆຂອງການຄົ້ນຫາກໍຄື: Keyword ແລະມື້ນີ້ເອງເຮົາຈະມານຳສະເໜີ 16 ຄວາມລັບທີ່ຫຼາຍຄົນອາດຈະຍັງບໍ່ຮູ້ກ່ຽວກັບລະບົບຄົ້ນຫານີ້

 

1. ຖ້າຄົ້ນຫາດ້ວຍຄຳວ່າ solitaire ກໍຈະມີເກມໄພ້ຫຼິ້ນຄົນດຽວ ປະກົດປຸ່ມກົດຫຼິ້ນຂຶ້ນມາໃຫ້ຫຼິ້ນ

 

2. ຄົ້ນຫາດ້ວຍຄຳວ່າ “tic tac toe” ຈະມີເກມ XO ແບບ 9 ຊ່ອງປະກົດມາໃຫ້ໄດ້ຫຼິ້ນກັນ ແຖມຍັງມີລະດັບຄວາມຍາກໃຫ້ເລືອກຫຼິ້ນນຳ ຫຼືຈະຫຼິ້ນກັບໝູ່ທີ່ນັ່ງຂ້າງໆກະໄດ້. 

 

3. ສຳລັບໃຜທີ່ມັກການສ່ຽງດວງ ທາງ Google ກໍໄດ້ເຮັດເກມພະນັນຂອງສາສໜາຢິວໄວ້ ພຽງພິມຄຳວ່າ play dreidel (Dreidel ແມ່ນເກມພະນັນໃນມື້ພັກຢິວທີ່ປັ່ນໜ້າ 4 ດ້ານທີ່ມີໂຕລະຄອນຮິບຣູທີ່ຕ່າງກັນອອກໄປ)

 

4. ຢາກໂຍນຫຼຽນກັບໝູ່ແຕ່ບໍ່ມີຫຼຽນແມ່ນບໍ່? ບໍ່ມີບັນຫາເພາະພຽງພິມຄຳວ່າ flip a coin ກໍຈະມີຫຼຽນໝຸນຫົວກ້ອຍອອກມາໃຫ້ເຮົາແລ້ວ. 

 

5. ລູກເຕົ໋ານັ້ນເປັນໄອເທັມຈຳເປັນໃນການຫຼິ້ນເກມບອຣ໌ດຫຼາຍເກມ ແຕ່ຖ້າບໍ່ມີກໍບໍ່ຕ້ອງອອກໄປຫາຊື້ກະໄດ້ພຽງແຕ່ພິມ roll a die ຫຼື roll a dice ກະຈະໄດ້ລູກເຕົ໋າ ແລະມີແຕ້ມທີ່ສຸມໄດ້ຂຶ້ນມາໃຫ້ເຫັນກັນ. 

 

6. ຖ້າພິມຄຳວ່າ askew ໜ້າ Google ຈະມີລັກສະນະອຽງໆໃຫ້ເຮົາຮູ້ສຶກແປກໆ.

 

7. ພິມຄຳວ່າ Anagram (ຄຳທີ່ໄດ້ຈາກການສະຫຼັບໂຕອັກສອນ) ລົງໄປແລ້ວ Google ຈະຖາມເຮົາວ່າແມ່ນ nag a ram ຫຼືບໍ່

 

8. ພິມຄຳວ່າ recursion ແລ້ວ google ກໍຈະຖາມວ່າໝາຍເຖິງ recursion ຫຼືບໍ່ໄປເລື້ອຍໆ ເຖິງວ່າຈະກົດໄປຊ່ຳໃດກໍຕາມ (recursion ຄຳທີ່ໝາຍເຖິງການເອີ້ນໂຕເອງຊ້ຳໆ)

9. ຖ້າຢາກຟັງສຽງສັດຕ່າງໆບໍ່ຈຳເປັນຕ້ອງເຂົ້າ youtube ກະໄດ້ພຽງແຕ່ຄົ້ນຫາສຽງໂຕທີ່ຢາກຟັງດ້ວຍຄຳວ່າ what sound does a XXX make ແທນ xxx ດ້ວຍ dog, pig, duck ແລ້ວກໍຈະມີສຽງຂຶ້ນມາໃຫ້ຟັງກັນ

 

10. ຖ້າຢາກອ່ານເລື່ອງຄວາມຮູ້ຮອບໂຕຕ່າງໆ ແຕ່ບໍ່ຮູ້ວ່າຈະໄປອ່ານຢູ່ໃສ ພຽງພິມວ່າ fun facts ກໍຈະມີເລື່ອງຕະຫຼົກຕ່າງໆ ຂຶ້ນມາໃຫ້ອ່ານກັນເຊັ່ນ: ເຈົ້າສາມາດດັບໄຟດ້ວຍອ໋ອກຊີເຈນໄດ້ບໍ່? ເປັນຕົ້ນ 

 

11. ຫຼາຍຄົນທີ່ມີອາຍຸແດ່ອາດຈະມັກກັບຄວາມລັບນີ້ກັບ “google in 1998” ທີ່ຈະປ່ຽນໃຫ້ google ມີໜ້າຕາແບບໃນສະໄໝກ່ອນທີ່ຍັງເບິ່ງຂາວຮຽບນຽນຢູ່ຄືເກົ່າ. 

 

12. ຄວາມລັບອັນນີ້ໜ້າຈະຊ່ອຍໃຫ້ຫຼາຍຄົນຄຶດຮອດຕອນນ້ອຍຂຶ້ນມາກັບການຄົ້ນຫາດ້ວຍຄຳວ່າ “Super Mario Bros” ເຊິ່ງຈະມີປະຫວັດ Mario ຂຶ້ນມາໃຫ້ອ່ານແບບສັ້ນໆ ແຕ່ພັດມີກ່ອງຮູບ ? ມານຳ ຖ້າຫາກຄລິກໄປກໍຈະເຮັດໃຫ້ເກີດສຽງສຸດຄລາສສິກທີ່ຫຼາຍຄົນໜ້າຈະຈື່ກັນໄດ້ດີ. 

13. ແນ່ນອນວ່າແຟນໆເກມໂຕເໝັ້ນສີຟ້າກໍມີໃຫ້ຫຼິ້ນນຳຄື “Sonic the Hedgehog” ທີ່ເຮົາສາມາດກົດທີ່ໂຕ Sonic ດ້ານຂວາສຸດໄດ້ເຊິ່ງຖ້າຄລິກໄປເລື້ອຍໆກໍຈະແປງຮ່າງເປັນ Super Sonic 

14. ຄົນທີ່ຫຼິ້ນເກມ RTS ຕ້ອງຮູ້ຈັກກັບ starcraft ກັນແນ່ນອນ ໜຶ່ງໃນແທັກຕິກຊື່ດັງຄື “zerg rush” ຖ້ານຳໄປຄົ້ນຫາກໍຈະມີໂຕ O ມາແຊກຂໍ້ມູນເທິງຈໍກ່ອນທີ່ຈະຂຶ້ນວ່າ GG 

15. ປົກກະຕິນັ້ນການຈະໝຸນຈໍຂອງໜ້າ Google ຈະໃຊ້ຄຳວ່າ “do a barrel roll” ແຕ່ຖ້າພິມ “Z or R twice” ກໍຈະໄດ້ຜົນແບບດຽວກັນເຫດຜົນກໍມາຈາກນີ້ແມ່ນປຸ່ມທີ່ໃຊ້ໝຸນໂຕໃນເກມ Star Fox 64 

 

16. ເກມກິນຜີສຸດຄລາສສິກແບບ pacman ນັ້ນ google ກໍໄດ້ເຮັດມາໄວ້ໃຫ້ຫຼິ້ນກັນນຳ ພຽງແຕ່ພິມຄຳວ່າ “pacman” ກໍຈະຂຶ້ນມາໃຫ້ຫຼິ້ນກັນແລ້ວ. 

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...