spot_img
Homeຂ່າວພາຍ​ໃນໂຮງໝໍແມ່ ແລະ ເດັກສຳເລັດການຜ່າຕັດ ຊ່ວຍຊີວິດຍິງໄວ 62 ປີ ທີ່ມົດລູກອັກເສບ ແລະ ຕິດເຊື້ອຮຸນແຮງ

ໂຮງໝໍແມ່ ແລະ ເດັກສຳເລັດການຜ່າຕັດ ຊ່ວຍຊີວິດຍິງໄວ 62 ປີ ທີ່ມົດລູກອັກເສບ ແລະ ຕິດເຊື້ອຮຸນແຮງ

Published on

SONY DSC

ຮອງສາດສະດາຈານ ດຣ ບົວວັນ ແສນສະຖິດ ອຳນວຍການໂຮງໝໍແມ່ ແລະ ເດັກ ໄດ້ໃຫ້ສຳພາດຕໍ່ນັກຂ່າວພວກເຮົາວ່າ: ໃນຕົ້ນເດືອນມິຖຸນານີ້, ໂຮງໝໍຂອງຕົນ ໄດ້ຮັບເອົາຄົນ ເຈັບຍິງອາຍຸ 62 ປີ, ມີອາການມົດລູກຢ່ອນອັກ ເສບ ແລະ ຕິດ ເຊື້ອຮຸນແຮງເຂົ້າມາປິ່ນປົວ, ໂດຍໜ່ວຍງານແພດໄດ້ຮີບຮ້ອນຜ່າຕັດ ແລະ ໃຊ້ເວ ລາເຖິງ 5 ຊົ່ວໂມງຈຶ່ງສຳເລັດການຜ່າຕັດ,ເນື່ອງຈາກຄົນເຈັບມີອາຍຸສູງ, ສຸຂະ ພາບອ່ອນເພຍເຮັດໃຫ້ມີີຄວາມສ່ຽງຫຼາຍຢ່າງ, ແຕ່ດ້ວຍຄວາມຊຳນານໃນພະຍາດ ຍິງຂອງໜ່ວຍງານແພດ, ຈຶ່ງສາມາດຊ່ວຍເອົາຊີວິດຂອງຄົນເຈັບລາຍນີ້ໄວ້ໄດ້ຢ່າງປອດໄພ ແລະ ກະໂຕຄົນເຈັບເອງໄດ້ເລົ່າຕໍ່ ນັກຂ່າວພວກເຮົາວ່າ: ກ່ອນໜ້ານີ້ 6ເດືອນຕົນໄດ້ໄປປິ່ນປົວຢູ່ໂຮງໝໍແຫ່ງໜຶ່ງມາແລ້ວ, ແຕ່ບໍ່ຫາຍດີ, ພໍກັບໄປໂຮງໝໍແຫ່ງ ນັ້ນອີກແພດບອກວ່າບໍ່ເປັນຫຍັງໃຫ້ກັບໄປພັກຜ່ອນຢູ່ບ້ານ, ແຕ່ຕົນເອງພັດມີອາການເຈັບປວດຮຸນແຮງຂຶ້ນນັບມື້ຈົນທົນບໍ່ໄດ້ ແລະ ມີຫຼາຍຄົນແນະນຳໃຫ້ໄປປິ່ນປົວຢູ່ຕ່າງປະເທດ, ແຕ່ຍ້ອນຄວາມບໍ່ພ້ອມທາງດ້ານການເງິນຕົນຈຶ່ງຕັດສິນໃຈເຂົ້ າມາປົວປິ່ນຢູ່ໂຮງໝໍແມ່ ແລະ ເດັກຈົນຫາຍດີ, ພ້ອມນັ້ນຄົນເຈັບຍັງສະແດງຄວາມຂອບໃຈມາຍັງທີມແພດໂຮງໝໍແມ່ ແລະ ເດັກແຫ່ງນີ້ທີ່ສາມາດປິ່ນປົວດີໄດ້ ແລະ ຊ່ວຍໃຫ້ຕົນມີສຸຂະພາບແຂງແຮງດີຂຶ້ນ, ດັ່ງນັ້ນ ໃນໂອກາດນີ້ຈຶ່ງຂໍສະແດງຄວາມ ຂອບອົກຂອບໃຈຢ່າງສູງມາຍັງແພດໝໍໂຮງໝໍແມ່ ແລະ ເດັກທີ່ໄດ້ເສຍສະຫລະ ແລະ ສຸມສະຕິປັນຍາເພື່ອປິ່ນປົວຊ່ວຍຊີວິດ ຂອງຂ້າພະເຈົ້າເອົາໄວ້ຢ່າງພິດສະດານ.

ອຳນວຍການໂຮງໝໍແມ່ ແລະ ເດັກໃຫ້ຮູ້ອີກວ່າ: 6 ເດືອນຜ່ານມາມີຄົນເຈັບເຂົ້າມາກວດສຸຂະພາບຢູ່ໂຮງໝໍແມ່ ແລະ ເດັກຫຼາຍວ່າ 3ພັນຄົນ, ໃນນັ້ນເຂົ້ານອນປິ່ນປົວ ແລະ ເກີດລູກຫຼາຍກວ່າ 2.800 ຄົນ ແລະ ສາມາດຮັບປະກັນຄວາມປອດ ໄພໄດ້ 100% ແລະໂອກາດ ນີ້ທ່ານຍັງໄດ້ແຈ້ງມາວ່າ: ນັບແຕ່ວັນທີ 25 ມິຖຸຸນານີ້ເປັນຕົ້ນໄປໂຮງໝໍແມ່ ແລະ ເດັກຈະໄດ້ ປິດໃຫ້ບໍລິການເປັນການຊົ່ວຄາວເພື່ອຈະມີການຍົກຍ້າຍໂຮງໝໍໄປສູ່ຫຼັງໃໝ່ຕັ້ງຢູ່ບ້ານໜອງ ພະຍາ ເມືອງໄຊທານີ ນະຄອນຫຼວງວຽງຈັນ ຊຶ່ງເປັນໂຮງໝໍໃໝ່ທັນສະໄໝແລະ ຈະໃຫ້ ຄວາມສະດວກສະບາຍຫລາຍກວ່າຕໍ່ຜູ້ມາໃຊ້ບໍລິການ.

ຂ່າວລາວພັດທະນາ

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...