spot_img
Homeຂ່າວພາຍ​ໃນເມືອງໜອງແຮດ ແຂວງຊຽງຂວາງ ສະກັດກັ້ນ ແລະ ຂ້າທຳລາຍລຸກໝູທີ່ລັກລອບນຳເຂົ້າຈາກ ສສ ຫວຽດນາມ

ເມືອງໜອງແຮດ ແຂວງຊຽງຂວາງ ສະກັດກັ້ນ ແລະ ຂ້າທຳລາຍລຸກໝູທີ່ລັກລອບນຳເຂົ້າຈາກ ສສ ຫວຽດນາມ

Published on

ໃນວັນທີ 23 ເມສາ 2023 ນີ້ເຈົ້າໜ້າທີ່ສັດຕະວະແພດ ຫ້ອງການກະສິກຳ ແລະ ປ່າໄມ້ເມືອງໜອງແຮດ ແລະ ເຈົ້າໜ້າທີ່ ປກສ ເມືອງໜອງແຮດ ແຂວງຊຽງຂວາງ ໄດ້ກວດພົບເຫັນແມ່ຄ້າຈຳນວນໜື່ງທີ່ລັກລອບນຳເຂົ້າລູກໝູ ຈາກ ສສ ຫວຽດນາມຈຳນວນ 205 ໂຕ ແລະ ໄດ້ຢຶດໝູຈຳນວນດັ່ງກ່າວໄວ້.

อาจเป็นรูปภาพของ 1 คน

ຫ້ອງການກະສິກຳ ແລະ ປ່າໄມ້ເມືອງໜອງແຮດ ຈື່ງໄດ້ສົມທົບກັບພະແນກກະສິກຳ ແລະ ປ່າໄມ້ແຂວງຊຽງຂວາງ ເກັບເອົາຕົວຢ່າງໝູສົ່ງໄປສູນວິໄຈພະຍາດຢູ່ກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້, ຜົນຂອງການວິໄຈດ້ວຍ ເຕັກນິກ Real Time PCR ໂດຍສູນວິໄຈພະຍາດສັດ ໄດ້ຢັ້ງຢືນຜົນການວິໄຈແມ່ນພົບເຊື້ອພະຍາດອະຫິວາໝູອາຟຣິກາຈຳນວນ 10 ຕົວຢ່າງທີ່ສົ່ງໄປວິໄຈນັ້ນ ເພື່ອຕອບໂຕ້ບໍ່ໃຫ້ພະຍາດແຜ່ອອກໄປສູ່ວົງກວ້າງ ຫ້ອງການກະສິກຳ ແລະ ປ່າໄມ້ເມືອງໜອງແຮດ ແຂວງຊຽງຂວາງ ໄດ້ສົມທົບກັບພາກສ່ວນທີ່ກ່ຽວຂ້ອງຂັ້ນແຂວງ ແລະ ຂັ້ນເມືອງ ຮີບຮ້ອນດຳເນີນການທາງດ້ານວິຊາການ ໃນການປ້ອງກັນພະຍາດອະຫິວາໝູອາຟຣິກາຢ່າງເຂັ້ມງວດ.

อาจเป็นรูปภาพของ 2 คน

ດັ່ງນັ້ນມາໃນວັນທີ 26 ເມສາ 2023 ນີ້ທ່ານ ຫົງທອງ ພີມມະສອນ ຫົວໜ້າຂະແໜງລ້ຽງສັດ ແລະ ການປະມົງ ພະແນກກະສິກຳ ແລະ ປ່າໄມ້ແຂວງຊຽງຂວາງ, ທ່ານ ໄທຢ່າງ ໄຊຈູ ຫົວໜ້າຫ້ອງການກະສິກຳ ແລະ ປ່າໄມ້ເມືອງໜອງແຮດ ໄດ້ນຳພາທີມງານ ແລະ ເຈົ້າໜ້າທີ່ໆກ່ຽວຂ້ອງນຳເອົາໝູຈຳນວນດັ່ງກ່າວໄປຂ້າທຳລາຍຖີ້ມ ດ້ວຍການໃຊ້ລົດຈົກຂຸດຂຸມເລິກ 5 ແມັດ ກວ້າງ 4 ແມັດ ເພື່ອຝັງໝູຈຳນວນດັ່ງກ່າວ ຢູ່ສະຖານທີ່ຖິ້ມຂີ້ເຫຍື້ອຂອງເມືອງໜອງແຮດ ແຂວງຊຽງຂວາງ ພ້ອມທັງໃຊ້ແປ້ງຂ້າເຊື້ອ, ສີດຢາຂ້າເຊື້ອໃສ່ບ່ອນຝັງໝູ ແລະ ໃສ່ລົດທີ່ບັນທຸກໝູ ເພື່ອປ້ອງກັນບໍ່ໃຫ້ເກີດມີເຊື້ອພະຍາດອະຫິວາໝູອາຟຣິກາ ແຜ່ລາມໄປສະຖານທີ່ອື່ນໆ.

ທີ່ມາ Media Lao

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...