spot_img
Homeຂ່າວເຫດການມີການຮົ່ວໄຫລບໍ່ໜ້ອຍໃນຂະແໜງພາສີ!

ມີການຮົ່ວໄຫລບໍ່ໜ້ອຍໃນຂະແໜງພາສີ!

Published on

DSC01693

 

ຂະແໜງພາສີ ແມ່ນໜ່ວຍງານສຳຄັນໜຶ່ງຂອງລັດຖະບານ ເຮັດໜ້າທີ່ການຈັດເກັບລາຍຮັບເຂົ້າງົບປະມານ,

ຊຶ່ງຫລາຍສົກປີຜ່ານມາ ການຈັດເກັບລາຍຮັບຂອງຂະແໜງການດັ່ງກ່າວ ແມ່ນບັນລຸຕາມແຜນທີ່ລັດຖະບານ

ຕັ້ງເປົ້າໝາຍໄວ້, ອັນເຮັດໃຫ້ລະບົບງົບປະມານຂອງລັດມີສະພາບຄ່ອງຕົວດີ, ເສດຖະກິດມີການຂະຫຍາຍຕົວ

ຕາມຈັງຫວະເທື່ອລະກ້າວ, ແຕ່ຕົກມາໃນໄລຍະສອງສາມປີມານີ້ ເຫັນວ່າສະພາບການຈັດເກັບລາຍຮັບງົບປະ

ມານຍັງບໍ່ສາມາດປະຕິບັດໄດ້ຕາມແຜນການ, ໂດຍສະເພາະແມ່ນຂະແໜງພາສີ, ຂະນະທີ່ການສົ່ງອອກ ແລະ

ນຳເຂົ້າສິນຄ້າໃນທົ່ວປະເທດ ພັດມີຕົວເລກເພີ່ມຂຶ້ນທຸກປີ.

 

ແຕ່ສາເຫດທີ່ບໍ່ສາມາດຈັດເກັບໄດ້ນັ້ນກໍມີທັງປັດໃຈໃນຕົວ ແລະ ນອກຕົວ, ແຕ່ໜຶ່ງໃນນັ້ນ ກໍແມ່ນຈາກສະ

ພາບການຮົ່ວໄຫລ ແລະ ນະໂຍບາຍຍົກເວັ້ນພາສີຕໍ່ສີນຄ້າທີ່ເປັນແຫລ່ງລາຍຮັບໃຫຍ່ກໍມີຈຳນວນເພີ່ມຂຶ້ນຄື

ດັ່ງຢູ່ພາສີເຂດ V ເຫັນວ່າສົກປີ 2013-2014 ນີ້, ມີສະພາບຮົ່ວໄຫລຂອງລາຍຮັບພາສີຫລາຍສົມຄວນ, ເຊິ່ງເກີດ

ຈາກຫລາຍບັນຫາເຊັ່ນ: ການແຈ້ງເສຍຄ່າພາສີຕ່ຳ, ມີການຍົກເວັ້ນການນຳເຂົ້ານ້ຳມັນ ແລະ ພາຫະນະ ເປັນຈຳ

ນວນຫລາຍ, ການຄຸ້ມຄອງລາຍຮັບຈາກການສົ່ງອອກໄມ້, ແຮ່ທາດຍັງບໍ່ຮັດກຸມເທົ່າທີ່ຄວນ ເຮັດໃຫ້ມີການຮົ່ວ

ໄຫລດ້ານລາຍຮັບພາສີ, ເກີດການສວຍໂອກາດຂອງບໍລິສັດຜູ້ນຳເຂົ້າ ໂດຍການແອບອ້າງວ່ານຳເຂົ້າພາຫະນະ

ກົນຈັກເພື່ອໄປຮັບໃຊ້ໂຄງການ ແຕ່ແລ້ວກໍເອົາມາຂາຍກໍມີ, ລົດທີ່ບໍ່ໄດ້ເຂົ້າສາງຜ່ານອອກເລີຍມີຫລາຍກວ່າ

ລົດເຂົ້າສາງເຫລົ່ານີ້ເປັນຕົ້ນ, ຈາກສະພາບດັ່ງກ່າວພາສີເຂດ V ຈຶ່ງຈັດເກັບລາຍຮັບໄດ້ພຽງ 2.464 ຕື້ກວ່າກີບ,

ເທົ່າກັບ 88% ຂອງແຜນການ ແລະ ໂອກາດ ໂອ້ລົມຕໍ່ກອງປະຊຸມການເງິນທົ່ວປະເທດປະຈຳສົກປີ 2013- 2014

ຂອງທ່ານນາຍົກລັດຖະມົນຕີ ທອງສິງ ທຳມະວົງ ເມື່ອທ້າຍເດືອນຕຸລານີ້ເພີ່ນກໍເນັ້ນໃຫ້ກະຊວງການເງິນ ຕ້ອງ

ເພີ່ມທະວີເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານລັດຖະກອນໃຫ້ຫລາຍກວ່າເກົ່າ ເພື່ອຍົກ

ສູງຄວາມຮັບພິຊອບທາງດ້ານການເມືອງ, ໜ້າທີ່ວຽກງານ ແລະ ຕີຖອຍປາກົດການຫຍໍ້ທໍ້ທີ່ເກີດຂຶ້ນເຊັ່ນ: ການ

ສໍ້ລາດບັງຫລວງ ແລະ ສວຍໃຊ້ອຳນາດໜ້າທີ່ຂອງພະນັກງານໃນທາງທີ່ຜິດ, ອັດຊ່ອງຫວ່າງການຮົ່ວໄຫລງົບປະ

ມານໃຫ້ໄດ້ຢ່າງຈະແຈ້ງ ແລະ ເປັນຮູບປະທຳກວ່າເກົ່າ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...