spot_img
Homeຂ່າວຕ່າງປະເທດເອກອັກຄະລັດຖະທູດ ສປປ ລາວ ປະຈຳຣັດເຊຍ ຫາລືກັບຕາງໜ້າບໍລິສັດນ້ຳມັນ ຄວາມເປັນໄປໄດ້ໃນການສົ່ງນ້ຳມັນໃຫ້ແກ່ ສປປ ລາວ

ເອກອັກຄະລັດຖະທູດ ສປປ ລາວ ປະຈຳຣັດເຊຍ ຫາລືກັບຕາງໜ້າບໍລິສັດນ້ຳມັນ ຄວາມເປັນໄປໄດ້ໃນການສົ່ງນ້ຳມັນໃຫ້ແກ່ ສປປ ລາວ

Published on

ລະຫວ່າງວັນທີ 15-18 ມິຖຸນາ 2022 ຜ່ານມານີ້, ທ່ານ ນາງ ວິລາວັນ ເຍ່ຍປໍເຮີ່ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ປ ລາວ ປະຈຳ ສະຫະພັນຣັດເຊຍ ພ້ອມດ້ວຍຄະນະ ໄດ້ເດີນທາງຮ່ວມກອງປະຊຸມເສດຖະກິດສາກົນທີ່ນະຄອນເຊັນປີເຕີສະເບີກ ສ ຣັດເຊຍ ຄັ້ງທີ 25 (25th Edition of SPIEF to Take Place in 2022)ເຊິ່ງກອງປະຊຸມດັ່ງກ່າວນີ້ຈັດຂຶ້ນທຸກໆປີ ແລະ ມີບັນດາທູດປະປະເທດ ອາຊຽນ, ອາຊີ, ອາຟຣິກາ ແລະ ອາເມຣິກາລາຕິນ ລວມທັງຜູ້ຕາງໜ້າຈາກອົງການຈັດຕັ້ງສາກົນ ທີ່ມີສຳນັກງານຕັ້ງຢູ່ສະຫະພັນຣັດເຊຍ ເຂົ້ຮ່ວມ 135 ປະເທດ.

ກອງປະຊຸມຄັ້ງນີ້ພາຍໃຕ້ຫົວຂໍ້ “ໂອກາດໃໝ່ໃນໂລກໃໝ່” ແລະ ກວມເອົາ 5 ບັນຫາຕົ້ນຕໍຄື ການສົ່ງເສີມທຸລະກິດຂະໜາດກາງ ແລະ ຂະໜາດນ້ອຍ (SME Forum), ການສົ່ງເສີມທຸລະກິດໃໝ່ (Creative Business Forum) ແລະ ສັບປະດາແຫ່ງກິລາ (Sport team) ເຊິ່ງມີຫຼາຍກວ່າ 50 ຂໍ້ຍ່ອຍ. ສັບລັບທູດ ສປປ ລາວ ໄດ້ເລືອກເອົາຫົວຂໍ້ສຳຄັນ ເຊິ່ງໄດ້ລົງເລິກການຮ່ວມມື ດ້ານເສດຖະກິດ-ການຄ້າ, ການລົງທຶນເພື່ອພັດທະນະ ແລະ ຫົວຂໍ້ອື່ນໆ.

ມື້ສຸດທ້າຍກອງປະຊຸມ ທ່ານ ນາງ ວິລາວັນ ເຍ່ຍປໍເຮີ່ ເຂົ້າຮ່ວມກອງປະຊຸມປະຖົມມະເລີກໂດຍການເປັນປະທານຂອງ ທ່ານ ວະລາດີເມຍ ປູຕິນ ປະທານາທິບໍດີແຫ່ງສະຫະພັນຣັດເຊຍ ແລະ ມີປະທານາທິບໍດີແຫ່ງ ສາທາລະນະລັດກາຊັກສະຖານ ເຂົ້າຮ່ວມດ້ວຍ.

ໂອກາດເຂົ້າຮ່ວມນີ້, ເອກອັກຄະລັດຖະທູດແຫ່ງ ສປປ ລາວ ປະຈຳຣັດເຊຍ ພ້ອມດ້ວຍຄະນະ ໄດ້ພົບປະສອງຝ່າຍກັບຄະນະກຳມາທິການຕ່າງປະເທດ ນະຄອນເຊັນປີເຕີສິເບີກ ເພື່ອສືບຕໍ່ປຶກສາຫາລື ແລະ ເສີມຂະຫຍາຍພົວພັນຮ່ວມມືໃຫ້ປະກົດຜົນເປັນຈິງ, ຂະນະດຽວກັນກໍໄດ້ພົບປະກັບບໍລິສັດຈຳນວນໜຶ່ງ ເພື່ອເສີມຂະຫຍາຍການພົວພັນເສດຖະກິດ-ການຄ້າລະຫວ່າງປະເທດລາວ ແລະ ຣັດເຊຍ ເປັນຕົ້ນແມ່ນພົບກັບຜູ້ຕາງໜ້າບໍລິສັດນ້ຳມັນ (Gasprom Neft) ເພື່ອປຶກສາຫາລືຄວາມເປັນໄປໄດ້ໃນການສົ່ງນ້ຳມັນໃຫ້ແກ່ ສປປ ລາວ.

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...