ປັດຈຸບັນຜະລິດຕະພັນກະສິກຳສະອາດປອດ, ພວມໄດ້ຮັບຄວາມນິຍົມຢ່າງກວ້າງຂວາງຈາກຜູ້ບໍລິໂພກພາຍໃນ ແລະ ຕ່າງປະເທດດສະນ້ັນການມີມາດຕະຖານກະສິກຳສະອາດຈິ່ງເປັນທ່າສຳຄັນຂອງລາວໃຫ້ສາມາດແຂ່ງຂັນໃນເຂດການຄ້າເສລີ ຂອງອາຊຽນ ຫລື AFTA ເພື່ອກຽມຄວາມພ້ອມດັ່ງກ່າວ ສປປ ລາວ ພວມເລັ່ງສ້າງນິຕິກຳຫລາຍດ້ານ ເປັນຕົ້ນ: ການພັດ ທະນາລະບົບການຜະລິດກະສິ ກຳໃຫ້ມີມາດຕະຖານສະອາດປອດໄພ, ສ້າງຄວາມເຂັ້ມແຂງທາງດ້ານມາດຕະຖານ, ການກວດກາ ແລະ ການຢັ້ງຢືນໃຫ້ສອດຄ່ອງ ແລະ ເທົ່າທຽມກັບປະເທດໃນຂົງເຂດພາກພື້ນອາຊຽນ ແລະ ວຽກງານດັ່ງກ່າວພວມໄດ້ຮັບການຈັດຕັ້ງປະຕິບັດໃນໂຄງ ການ “ສ້າງຄວາມເຂ້ັມແຂງໃຫ້ແກ່ການຜະລິດກະສິກຳທີ່ດີ ຢູ່ ສປປ ລາວ” ຊຶ່ງເປັນໂຄງ ການທີ່ໄດ້ຮັບການສະນັບສະໜູນ ຈາກການຮ່ວມມື 3 ຝ່າຍຄື: ລັດຖະ ບານລາວ, ເຢຍລະມັນ ແລະ ລັດ ຖະບານໄທ ໂດຍເລີ່ມຈັດຕັ້ງປະ ຕິບັດມາແຕ່ປີ 2012, ສະນັ້ນ ເພື່ອຖອດຖອນບົດຮຽນໃນການປະ ຕິບັດໂຄງການດັ່ງກ່າວ ໃນວັນທີ 28 ພຶດ ສະພານີ້, ຢູ່ໂຮງແຮມລັດສະໝີພຣາຊາ ນະຄອນຫລວງວຽງຈັນ ໄດ້ມີສຳມະນາການຜະລິດ ແລະ ການຕະຫລາດກະສິກຳ
ທີ່ດີຂອງລາວຂຶ້ນ ໂດຍການເຂົ້າຮ່ວມຂອງທ່ານນາງ ດຣ ມົນທາທິບ ຈັນເພັງໄຊ ຫົວໜ້າກົມປູກຝັງກະຊວງກະສິກຳ ແລະ ປ່າໄມ້, ພ້ອມພະນັກງານວິຊາການຈາກພາກສ່ວນກ່ຽວຂ້ອງ, ຜູ້ຜະລິດ ແລະ ກະສິກອນ.
ໃນໂອກາດນີ້, ທ່ານຫົວໜ້າກົມປູກຝັງ ໄດ້ຍົກໃຫ້ເຫັນວ່າ: ການພັດທະນາກະສິກຳສະອາດ ແລະ ປອດໄພຢູ່ລາວ ພວມມີບາດກ້າວຂະຫຍາຍຕົວຫລາຍສົມຄວນ ໂດຍສະເພາະແມ່ນລະ ບົບນິຕິກຳທີ່ຮອງຮັບ ແລະ ພາກການຜະລິດກໍມີໜໍ່ແໜງຈຳ ນວນໜຶ່ງ ຊຶ່ງປັດຈຸບັນໄດ້ມີມາດຕະ ຖານ, ກາໝາຍ, ຂະບວນການກວດກາ ແລະ ການອອກໃບ ຢັ້ງຢືນ ພ້ອມດຽວກັນນີ້ ກໍໄດ້ສ້າງຟາມຕົວແບບດ້ານກະສິກຳທີ່ດີ, ມີສູນພັດທະນາກະສິກຳທີ່ສະອາດ ແລະ ມີກຸ່ມຜູ້ຜະລິດກະ ສິກຳທີ່ດີສະອາດ ແລະ ປອດສານພິດຈຳນວນໜຶ່ງ ຢູ່ນະຄອນ ຫລວງວຽງຈັນ ແລະ ແຂວງວຽງຈັນ. ການຈັດສຳມະນາຄັ້ງ ນີ້, ເພື່ອແນໃສ່ເຜີຍແຜ່ຂໍ້ມູນຂ່າວ ສານ ແລະ ຄວາມພ້ອມ ຂອງ ສປປ ລາວ ໃນການຜະລິດກະສິ ກຳທີ່ດີ ໃຫ້ຮູ້ຈັກກັນຢ່າງກວ້າງ ຂວາງ ລະຫວ່າງຜູ້ຜະລິດ, ຜູ້ປະກອບການ, ນັກທຸລະກິດ ແລະ ຜູ້ບໍລິໂພກ ໃຫ້ເຂົາເຈົ້າໄດ້ເຂົ້າໃຈກ່ຽວກັບຄວາມໝາຍສຳຄັນຂອງການຜະລິດກະສິກຳທີ່ສະອາດ ແລະ ທ່າແຮງໃນການເຂົ້າເຖິງຕະຫລາດສາກົນ ແລະ ພາກພື້ນ.
ທີ່ມາ http://laophatthananews.blogspot.com/2014/05/blog-post_9952.html