spot_img
Homeຂ່າວການສຶກສາສປ ຈີນ ມອບອຸປະກອນການຮຽນ-ການສອນ ໃຫ້ໂຮງຮຽນປະຖົມສົມບູນ ລາວ-ຈີນ ບ້ານໜອງປີງ

ສປ ຈີນ ມອບອຸປະກອນການຮຽນ-ການສອນ ໃຫ້ໂຮງຮຽນປະຖົມສົມບູນ ລາວ-ຈີນ ບ້ານໜອງປີງ

Published on

 ໂຮງຮຽນປະຖົມສົມບູນ ລາວ-ຈີນ ບ້ານໜອງປີງ ເມືອງຈັນທະບູລີ ນະຄອນຫລວງວຽງຈັນ ໄດ້ຮັບອຸ ປະກອນ ການຮຽນ-ການສອນ, ອຸປະກອນກິລາ, ເຄື່ອງດົນຕີ ແລະ ເຄື່ອງອຸປະກອນອື່ນໆ ລວມມູນຄ່າ 20.358 ໂດລາ ສະຫະລັດ ຫລື ປະມານ 162,8 ລ້ານກວ່າກີບ ຈາກກອງທຶນຈີນເພື່ອສັນຕິພາບ ແລະ ການພັດທະນາ ເພື່ອນຳໃຊ້ເຂົ້າໃນ ກິດຈະກຳ ການຮຽນ-ການສອນ ຢ່າງມີປະສິດທິຜົນ.

ພິທີມອບ-ຮັບເຄື່ອງຊ່ວຍເຫລືອດັ່ງກ່າວ ໄດ້ຈັດຂຶ້ນໃນຕອນເຊົ້າວັນທີ 14 ມັງກອນ 2014 ທີ່ ໂຮງຮຽນປະຖົມ ສົມບູນ ລາວ-ຈີນ ບ້ານໜອງປີງ ໂດຍແມ່ນທ່ານ ກ່ວນ ຮົວ ປີງ (Guan Huabing) ເອກອັກຄະລັດຖະທູດ ວິສາມັນຜູ້ມີ ອຳນາດເຕັມ ແຫ່ງ ສາທາລະນະລັດ ປະຊາຊົນຈີນ ປະຈຳ ສປປ ລາວ ໄດ້ຕາງໜ້າກອງທຶນຈີນເພື່ອສັນຕິພາບ ແລະ ການພັດທະນາ ເປັນຜູ້ກ່າວມອບ ແລະ ກ່າວຮັບໂດຍທ່ານນາງ ເພັດມະນີ ສຸດທະວີໄລ ອຳນວຍການໂຮງຮຽນປະຖົມ ສົມບູນ ລາວ-ຈີນ ບ້ານໜອງປີງ ແລະ ມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມເປັນສັກຂີພິຍານ.
ທ່ານຜູ້ອຳນວຍການໂຮງຮຽນດັ່ງກ່າວ ໄດ້ຕາງໜ້າໃຫ້ບັນດາ ຄູ-ອາຈານ ແລະ ນ້ອງນັກຮຽນ ກ່າວສະແດງ ຄວາມຂອບອົກຂອບໃຈມາຍັງທ່ານທູດ ແລະ ຜ່ານທ່ານທູດໄປຍັງ ພັກ-ລັດຖະບານ  ແລະ ປະຊາຊົນ ສປ ຈີນ ກໍຄື ກອງ ທຶນຈີນເພື່ອສັນຕິພາບ ແລະ ການພັດທະນາ ທີ່ໄດ້ໃຫ້ການສະໜັບສະໜູນຊ່ວຍເຫລືອ ໃນດ້ານການສຶກສາ ແກ່ໂຮງຮຽນ ພວກຂ້າພະເຈົ້າ ພ້ອມທັງໄດ້ສະແດງຄວາມຢືນຢັນວ່າ ຈະນຳໄປແຈກຢາຍໃຫ້ນ້ອງນັກຮຽນຢ່າງທົ່ວເຖິງ ແລະ ຈະໄດ້ ຄຸ້ມຄອງ, ນຳໃຊ້ອຸປະກອນຕ່າງໆ ເຂົ້າໃນກິດຈະກຳ ການຮຽນ-ການສອນ ໃຫ້ເກີດປະໂຫຍດ ແລະ ມີປະສິດທິຜົນ.
ໂຮງຮຽນປະຖົມສົມບູນ ລາວ-ຈີນ ບ້ານໜອງປີງ ເມືອງຈັນທະບູລີ ນະຄອນຫລວງວຽງຈັນ ໄດ້ຮັບການສ້າງ ຕັ້ງພາຍໃຕ້ການຮ່ວມມື ລະຫວ່າງ ຄະນະສັນຕິພາບ ແລະ ສາມັກຄີຂອງລາວ ແລະ ກອງທຶນຈີນເພື່ອສັນຕິພາບ ແລະ ການພັດທະນາ ໃນມູນຄ່າ 420.000 ໂດລາສະຫະລັດ ຫລື ປະມານ 3 ຕື້ກວ່າກີບ ໂດຍແມ່ນກອງທຶນຈີນເພື່ອສັນຕິພາບ ແລະ ການພັດທະນາ  ເປັນຜູ້ໃຫ້ທຶນໃນການກໍ່ສ້າງ ຊຶ່ງໄດ້ລົງມືກໍ່ສ້າງມາແຕ່ເດືອນຕຸລາ 2012 ເປັນອາຄານຮຽນສອງ ຊັ້ນ, ລວມມີ 8 ຫ້ອງ ປະກອບດ້ວຍສິ່ງອຳນວຍຄວາມສະດວກຄົບຊຸດ ໂດຍໄດ້ເລີ່ມເປີດນຳໃຊ້ໃນເດືອນມິຖຸນາ 2013 ເປັນຕົ້ນມາ ແລະ ສາມາດຮອງຮັບນັກຮຽນໄດ້ 300-400 ຄົນ

ທີ່ມາ http://www.kpl.net.la/lao/news/dnl%205.htm

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...