ນະປັດຈຸບັນນີ້ແອັບພຼີເຄຊັ້ນທີ່ອັບໂລດທາງມືຖືແບບ ແອນດຼອຍ ນັ້ນເປັນທີ່ນິຍົມກັນຢ່າງແພ່ຫລາຍ ບໍ່ວ່າເສຍຄ່າ ຫລື ບໍ່ເສຍຄ່າ ແຕ່ທີ່ສຳຄັນນັ້ນແມ່ນເຮົາຄົນລາວຍັງບໍ່ມີ ແອັບ ທີ່ເປັນສັນຊາດລາວ ເຮົາເທື່ອ, ສະນັ້ນ ບໍລິສັດໄທ ຊຳຊຸງ ເອເລັກໂທຼນິກ ຈຳກັດ ໄດ້ຮ່ວມມືກັນກັບ ຄະນະວິສະວະກຳສາດ ທີ່ເປັນຕົວແທນໃຫ້ກັບ ມະຫາວິທະຍາໄລແຫ່ງຊາດລາວ ( ມ.ຊ) ໄດ້ສ້າງໂຄງການ “ເທັກ ອິນສະທິຈຸທ໌ Tech Institute” ໃນຫົວຂໍ້ “ ແອນດຼອຍ ແອັບ ອາຄາເດມີ Android App Academe ”
ຕອນທຽງຂອງວັນຈັນທີ 6 ມັງກອນ 2014 ນີ້ຢູ່ທີ່ ຕຶກຮຽນ ໄອທີ ຂອງ ຄ.ວ.ສ (ມ.ຊ) ໄດ້ມີການຈັດງານໂຄງການ “ເທັກ ອິນສະທິຈຸທ໌” ຂຶ້ນໃນຫົວຂໍ້ “ແອນດຼອຍ ແອັບ ອາຄາເດມີ” ນັ້ນກໍເພື່ອພັດທະນາທັດສະ ທາງດ້ານການສ້າງ ແອັບ ໃຫ້ກັບນັກ ໄອທີ ຫລື ນັກຮຽນລຸ້ນໃໝ່ໃຫ້ ເທົ່າທຽມກັນກັບສາກົນຄຽງຄູ່ກັນກັບເພື່ອໃຫ້ຄົນລາວເຮົາໄດ້ໃຊ້ປະໂຫຍກ ຈາກແອັບທີ່ຕົນເອງສ້າງຂຶ້ນ.
ໃນງານເປັນເຈົ້າພາບຮ່ວມລົງນາມໃນການເຊັ່ນສັນຍາຮ່ວມຝ່າຍລາວ ແມ່ນ ທ່ານ ສຈ. ດຣ ບົວລິນ ສ້ອຍສຸວັນ ຄະນະບໍດີຄະນະວິສະວະກຳສາດ ຂອງ ມະຫາວິທະຍາໄລແຫ່ງຊາດແລະທ່ານປຣະພາ ຣັດຕະນະພາດ ຜູ້ຈັດການ ບໍລິສັດໄທ ເອເລັກໂທຼນິກ ຈຳກັດ ແຫ່ງປະເທດລາວ ນອກນັ້ນ ຍັງມີ ຄະນະກະຊວງ, ວິທະຍາໄລ ທີ່ເຂົ້າຮ່ວມໂຄງການ, ນັກຮຽນ ແລະ ສື່ມວນຊົນ ເຂົ້າຮ່ວມຢ່າງຕັ້ງໜ້າ.
ການຝຶກອົບຮົມຈະເລີ່ມໃນວັນທີ 8 ມັງກອນ 2014ນີ້ ໂດຍຈະມີ ນັກຮຽນທີ່ຖືກຄັດເລືອກຈາກ5ສະຖາບັນເຂົ້າຮ່ວມນຳໄດ້ແກ່ ວິທະຍາໄລແຫ່ງຊາດ, ວິທະຍາໄລ ສຸດສະກະ, ວິທະຍາໄລ ເຄວສ໌, ວິທະຍາໄລ ສອນພິທັກລາວ, ສະຖາບັນເທັກໂນໂລຊີວຽງຈັນ, ເຊິ່ງໄລຍະເວລາ ທັງໝົດໃນການອົບຮົມແມ່ນ 12 ອາທິດ ຢູ່ທີ່ ຄ.ວ.ສ (ມ.ຊ).
ຂໍ້ມູນຈາກ: Mahason Magazine