spot_img
Homeຂ່າວທ້ອງຖິ່ນລະວັງແອັບ ຟິນໂກ ທຸລະກິດແຊລູກໂຊ້ແບບໃໝ່ ທີ່ຈະເຮັດໃຫ້ສັງຄົມຕົກເປັນເຫຍື່ອ.

ລະວັງແອັບ ຟິນໂກ ທຸລະກິດແຊລູກໂຊ້ແບບໃໝ່ ທີ່ຈະເຮັດໃຫ້ສັງຄົມຕົກເປັນເຫຍື່ອ.

Published on

ກົມສື່ມວນຊົນ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໃຫ້ຮູ້ວ່າ: ເລີ່ມແຕ່ຕົ້ນເດືອນມີນາ 2020 ໄດ້ມີການສ້າງເພສ Shopping online By Fingo ຂື້ນເພື່ອໂຄສະນາໃຫ້ປະຊາຊົນທີ່ຕ້ອງການລາຍຮັບເສີມແບບງ່າຍໆ ສະເລ່ຍລາຍຮັບສາມແສນ ຫາ ຫ້າແສນກີບ ຕໍ່ມື້ ສາມາດເຮັດວຽກໄດ້ທຸກເພດ-ທຸກໄວ; ເຮັດວຽກໄດ້ທຸກສະຖານທີ່-ທຸກເວລາ ພຽງແຕ່ມີສັນຍານອິນເຕີເນັດ. ພາຍຫລັງທີ່ມີຜູ້ສົນໃຈສະໝັກເຂົ້າກຸ່ມແລ້ວ ແມ່ນໄດ້ມີການສອນການຂາຍໃນລະບົບອອນລາຍ ຜ່ານກຸ່ມສະເພາະ ໂດຍສະມາຊິກທຸກຄົນຕ້ອງອັບເກດຕົນເອງ ມາຊື້ສິນຄ້າ 1.599 ບາດ (ປະມານ 5 ແສນກີບ) ແລະ ຊັກຊວນໝູ່ເພື່ອນທີ່ຮູ້ຈັກມາສະໝັກສະມາຊິກ ແລະ ຊື້ສິນຄ້າຕໍ່ຜ່ານແອັບຂອງຕົນທີ່ດາວໂຫຼດໄວ້ແລ້ວນັ້ນ ຈຶ່ງຈະສາມາດສ້າງລາຍຮັບໃຫ້ຕົນເອງໄດ້, ຕໍ່ມາໄດ້ມີ ເພຈ ຮັບສະໝັກພະນັກງານເຂົ້າເຮັດວຽກ. 

ປະເທດລາວ ແລະ ມີຜູ້ໃຊ້ເຟສບຸກຈໍານວນໜຶ່ງ ໄດ້ໂພສຂ່າວ ແລະ ຮູບພາບການສົນທະນາ ລະຫວ່າງ ສະມາຊິກຄົນໜຶ່ງ ທີ່ສົ່ງຂໍ້ຄວາມມາຊັກຊວນໃຫ້ເຂົ້າຮ່ວມກຸ່ມດັ່ງກ່າວ ເພື່ອເຕືອນສະຕິໃຫ້ແກ່ຜູ້ທີ່ພວມຕັດສິນໃຈເຂົ້າຮ່ວມກຸ່ມ ໂດຍບອກວ່າ ນີ້ຄືທຸລະກິດແຊລູກໂສ້ ທີ່ພວມເປັນຄະດີຄວາມ ແລະ ມີການຮ້ອງຟ້ອງກັນຫຼາຍໃນໄລຍະຜ່ານມາ, ເຊິ່ງລັກສະນະດັ່ງກ່າວແມ່ນເປັນທຸລະກິດແຊລູກໂຊ້ແບບໃໝ່ໂດຍບໍ່ມີການຈົດທະບຽນວິສາຫະກິດທີ່ຖຶກຕ້ອງຕາມກົດໝາຍ, ອາດເປັນບັນຫາສັງຄົມ-ປະກົດການຫຍໍ້ທໍ້ໃນຕໍ່ໜ້າ. ສະນັ້ນ ຈຶ່ງເຕືອນປະຊາຊົນຢ່າງຫຼົງເຊື່ອ ແລະ ເຂົ້າຮ່ວມທຸລະກິດນີ້ ຢ່າງເດັດຂາດ, ໂດຍ ປັດຈຸບັນ ພາກສ່ວນກ່ຽວຂ້ອງ ພວມຕິດຕາມ ແລະ ຈັບຕົວຜູ້ຢູ່ເບື້ອງຫຼັງເຄືອຂ່າຍທຸລະກິດມາດຳເນີນຄະດີ.

ກົມສື່ມວນຊົນ ໄດ້ເປີດເຜີຍລາຍລະອຽດ ຂອງແອັບ ຟິນໂກ ໃຫ້ຮູ້ວ່າ: Fingo App ເປັນແອັບຊື້-ຂາຍເຄື່ອງແບບອອນລາຍ ໂດຍການຊັກຊວນກັນເຂົ້າກຸ່ມ ດາວໂຫຼດແອັບ ເພື່ອຊື້-ຂາຍເຄື່ອງຢູ່ໃນແອັບ ດ້ວຍວິທີການສະໝັກສະມາຊິກ ໂດຍການດາວໂຫຼດ Applications ແລະ ຊື້ສິນຄ້າຜ່ານແອັບເລີ່ມຕົ້ນ ປະມານ 280.000ກີບ ຕໍ່ 1 ຄົນ ເພື່ອເຂົ້າເປັນສະມາຊິກຊື້ເຄື່ອງໃນລາຄາໂຮງງານ. ແຕ່ຖ້າຢາກອັບເກຣດ ເປັນຜູ້ຂາຍ ແລະ ມີລາຍຮັບຈາກການຊື້ ຂອງສະມາຊິກຕໍ່ໄປຈະຕ້ອງຊື້ເຄື່ອງ ປະມານ 450.000 ກີບ ໂດຍຈະໄດ້ຮັບລາຍໄດ້ຈາກການສະໝັກສະມາຊິກຂອງລູກຄ້າທີ່ເຮົາຊັກຊວນເຂົ້າກຸ່ມ 112.500 ກີບ ຕໍ່ 1 ຄົນ ແລະ ຖ້າມີລູກຄ້າຊື້ເຄື່ອງຜ່ານແອັບທີ່ຕົນເອງດາວໂຫຼດ ກໍ່ຈະໄດ້ 10-15% ຕໍ່ 1 ບິນ. ໂດຍລວມແລ້ວ ສາມາດເອີ້ນໄດ້ວ່າເປັນທຸລະກິດແຊລູກໂສ້.

Fingo App ເລີ່ມມີການໂຄສະນາ ຊັກຊວນກັນຫຼາຍໃນປະເທດໄທ ໂດຍໃຊ້ຊື່ວ່າ Fingo Thailand ໂດຍເລີ່ມສ້າງເພຈດັ່ງກ່າວຂື້ນໃນປີ 2013 ຕໍ່ມາໄດ້ມີການສ້າງເພຈໂຄສະນາໃນ ສປປ ລາວ ແລະ ເລີ່ມໂຄສະນາໃຫ້ປະຊາຊົນລາວ ເຂົ້າຮ່ວມກຸ່ມໃນຕົ້ນເດືອນ ມີນາ 2020 ພາຍໃຕ້ຊື່ Shopping online By Fingo. ໂດຍຈະມີການຊັກຊວນເຂົ້າກຸ່ມລັບ ເພື່ອສອນການຂາຍໃຫ້ສະມາຊິກທີ່ເຂົ້າກຸ່ມໃໝ່ ໃນເວລາ 18:00 ຂອງທຸກມື້ ຜ່ານກຸ່ມສະເພາະ ສອນໂດຍແອດມິນກຸ່ມໃນປະເທດໄທ ເຮັດໃຫ້ມີປະຊາຊົນຫຼົງເຊື່ອ ແລະ ມີຄົນຕົກເປັນເຫຍື່ອຈຳນວນຫຼາຍ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...