Homeມູມໄອທີລາວມາຕາມນັດ! Oppo ເປີດໂຕສະມາດໂຟນເຮືອທຸງລຸ້ນໃໝ່ R9s ແລະ R9s Plus ມາພ້ອມສະເປັກຈັດເຕັມກວ່າເກົ່າດ້ວຍ Snapdragon 653 

ມາຕາມນັດ! Oppo ເປີດໂຕສະມາດໂຟນເຮືອທຸງລຸ້ນໃໝ່ R9s ແລະ R9s Plus ມາພ້ອມສະເປັກຈັດເຕັມກວ່າເກົ່າດ້ວຍ Snapdragon 653 

ມູມໄອທີລາວ

Published on

By ÊnÖx
2147

​ຈາກຂ່າວກ່ອນໜ້ານີ້ທີ່ເຮົາໄດ້ສະເໜີໄປວ່າທາງບໍລິສັດ Oppo ໄດ້ສົ່ງບັດເຊີນຮ່ວມງານເປີດໂຕສະມາດໂຟນເຮືອທຸງລຸ້ນໃໝ່ໃນວັນທີ 19 ຫຼືມື້ນີ້ນັ້ນເອງ, ໂດຍຫຼ້າສຸດນີ້ທາງ OPPO ກໍໄດ້ປະກາດເປີດໂຕໂທລະສັບລຸ້ນດັ່ງກ່າວນີ້ແລ້ວນັ້ນກໍຄື: R9s ແລະ R9s Plus ທີ່ປະເທດຈີນ.

ສຳລັບຄວາມແຕກຕ່າງຂອງທັງ 2 ເຄື່ອງນີ້ທີ່ເຫັນໄດ້ຊັດເຈນເລີຍກໍຄື CPU ທີ່ໃຫ້ມາ ໂດຍທີ່ OPPO R9s ມາພ້ອມກັບ Snapdragon 625, ໃນຂະນະທີ່ລຸ້ນອ້າຍແບບ OPPO R9s Plus ນັ້ນມາພ້ອມ Snapdragon 653 ທີ່ຫາກ່ອນເປີດໂຕໄປເມື່ອບໍ່ດົນມານີ້. ນອກຈາກນີ້ແລ້ວທັງສອງເຄື່ອງກໍມາພ້ອມກັບເຊັນເຊີ້ກ້ອງ Sony IMX398 ລຸ້ນໃໝ່ຫຼ້າສຸດ (ມີພຽງ R9s Plus ຮອງຮັບ OIS) ແລະລະບົບສາກໄວ VOOC ອີກນຳ.

ສຳລັບສະເປັກຂອງ Oppo R9s ມີດັ່ງນີ້:


  • ສັດສ່ວນເຄື່ອງ: 153×74.3×6.58 ມມ
  • ນ້ຳໜັກ: 145 ກຣາມ
  • ໜ້າຈໍ: ຂະໜາດ 5.5 ນິ້ວ, FullHD (1080 x 1920 ພິກເຊວ), ຈໍໂຄ້ງ 2.5D ແລະມາພ້ອມ Corning Gorilla Glass 5
  • CPU: Octa-Core Snapdragon 625 2GHz 
  • GPU: Adreno 506 
  • RAM: 4GB
  • ROM: 64GB ເພີ່ມ microSD ໄດ້ 128GB 
  • ຊິມ: ຮອງຮັບ 2 ຊິມ ແບບ Hybrid Dual SIM (nano + nano/microSD)
  • ລະບົບ: Android 6.0.1 (Marshmallow) ພ້ອມ ColorOS 3.0
  • ກ້ອງຫຼັງ: 16MP ລ້ານພິກເຊວ ພ້ອມ f/1.7, ເລນ 6P, EIS, ແຟລັດ LED ແລະຖ່າຍວີດີໂອລະດັບ 4K 
  • ກ້ອງໜ້າ: 16 ລ້ານພິກເຊວ ພ້ອມ f/2.0 ແລະເລນ 5P 
  • ເຊັນເຊີ້: ສະແກນນິ້ວມື
  • ການເຊື່ອມຕໍ່: 4G VoLTE, WiFi 802.11 a/b/g/n (dual-band), Bluetooth 4.0, GPS
  • ແບັດເຕີຣີ: 3010mAh ພ້ອມຮອງຮັບ VOOC Flash Charge

    ສຳລັບສະເປັກຂອງ Oppo R9s Plus ມີດັ່ງນີ້:


    • ສັດສ່ວນເຄື່ອງ: 163.63×80.8×7.35 ມມ
    • ນ້ຳໜັກ: 185 ກຣາມ
    • ໜ້າຈໍ: ຂະໜາດ 6 ນິ້ວ, FullHD (1080 x 1920 ພິກເຊວ), ຈໍໂຄ້ງ 2.5D ແລະມາພ້ອມ Corning Gorilla Glass 5
    • CPU: Octa-Core Snapdragon 653 (Cortex A72 1.95GHz + A53 1.44GHz)
    • GPU: Adreno 510
    • RAM: 6GB
    • ROM: 64GB ເພີ່ມ microSD ໄດ້ 128GB 
    • ຊິມ: ຮອງຮັບ 2 ຊິມ ແບບ Hybrid Dual SIM (nano + nano/microSD)
    • ລະບົບ: Android 6.0.1 (Marshmallow) ພ້ອມ ColorOS 3.0
    • ກ້ອງຫຼັງ: 16MP ລ້ານພິກເຊວ ພ້ອມ f/1.7, ເລນ 6P, EIS, ແຟລັດຄູ່ໂທນ LED ແລະຖ່າຍວີດີໂອລະດັບ 4K 
    • ກ້ອງໜ້າ: 16 ລ້ານພິກເຊວ ພ້ອມ f/2.0 ແລະເລນ 5P 
    • ເຊັນເຊີ້: ສະແກນນິ້ວມື
    • ການເຊື່ອມຕໍ່: 4G VoLTE, WiFi 802.11 a/b/g/n (dual-band), Bluetooth 4.1, GPS
    • ແບັດເຕີຣີ: 4000mAh ພ້ອມຮອງຮັບ VOOC Flash Charge

    ສຳລັບທັງ OPPO R9s ແລະ R9s Plus ແມ່ນມີ 3 ສີໃຫ້ເລືອກຄື: ສີຄຳ, ສີຄຳກຸຫຼາບ ແລະສີດຳ. ສຳລັບລາຄາແມ່ນມີດັ່ງນີ້:

    • ໂທລະສັບ OPPO R9s ແມ່ນມີລາຄາຢູ່ທີ່ 2799 ຢວນ (3.385.000 ກີບ)
    • ໂທລະສັບ OPPO R9s Plus ແມ່ນມີລາຄາຢູ່ທີ່ 3499 ຢວນ (4.235.000 ກີບ)

    ຢ່າງໃດກໍຕາມສຳລັບ OPPO R9s ແມ່ນເລີ່ມເປີດໃຫ້ສັ່ງຈອງແລ້ວ ແລະຈະວາງຈຳໜ່າຍໃນວັນທີ 28 ຕຸລານີ້. ໃນສ່ວນຂອງ OPPO R9s Plus ຈະພ້ອມໃນຊ່ວງເດືອນທັນວາ (ຄົງຊ້າເພາະຊີພີຢູໂຕໃໝ່).

    ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

    ທີ່ມາ: fonearena

    ບົດຄວາມຫຼ້າສຸດ

    ຂ່າວພາຍ​ໃນ

    ລັດຖະບານຍີ່ປຸ່ນໃຫ້ການຊ່ວຍເຫຼືອເປັນມູນຄ່າປະມານ 40,570 ໂດລາສະຫະລັດ ໃນ “ໂຄງການກໍ່ສ້າງລະບົບນໍ້າລິນບ້ານນາປັນແຂວງຊຽງຂວາງ” ພາຍໃຕ້​ໂຄງ​ການ​ຊ່ວຍເຫຼືອລ້າ​ຂັ້ນ​ຮາກ​ຖານ (GGP).

    ພິທີເຊັນສັນຍາໃນຄັ້ງນີ້ແມ່ນການສະໜັບສະໜູນທຶນຮອນ ເພື່ອກໍ່ສ້າງລະບົບນໍ້າລິນທີ່ບ້ານນາປັນແຂວງຊຽງຂວາງ ໂດຍມີເປົ້າໝາຍເພື່ອປັບປຸງ ແລະ ຍົກລະດັບຊີວິດການເປັນຢູ່ຂອງປະຊາຊົນໃຫ້ສາມາດເຂົ້າເຖິງແຫຼ່ງນໍ້າທີ່ສະອາດ ແລະ ຖືກສຸຂະອະນາໄມ. ໃນພິທີເຊັນສັນຍາ ພະນະທ່ານ ໂຄອິຊຶມິ ຊຶໂຕະມຸ, ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ​...
    ຂ່າວພາຍ​ໃນ

    ມະຕິວ່າດ້ວຍການຕ້ານ ແລະ ແກ້ໄຂ ພະຍາດອາດຍາສິດ, ການສໍ້ລາດບັງຫຼວງ, ການຟູມເຟືອຍ

       
    ຂ່າວພາຍ​ໃນ

    ການເອົາຈວຍມາຕັ້ງຈອງບ່ອນຈອດລົດແຄມທາງ ຜິດກົດໝາຍຈະລາຈອນ ຖືກປັບໄໝ ແລະ ປິດກິດຈະການ.

    ຕາມກົດໝາຍຂອງ ສປປ ລາວ, ການກະທຳທຸກຮູບແບບທີ່ເປັນການ ຢຶດຄອງ, ນຳໃຊ້ ຫຼື ວາງສິ່ງກີດຂວາງ ຢູ່ເທິງທາງຫຼວງ ແລະ ເຂດສະຫງວນທາງຫຼວງ (ລວມທັງໜ້າທາງ, ທາງຍ່າງ, ແລະ...
    ຂ່າວພາຍ​ໃນ

    ອັດຕະປື ພົບຜູ້ປະລະການຮຽນ 5,000 ກວ່າຄົນ ພ້ອມເລັ່ງຊຸກຍູ້ສູ່ຕະຫຼາດແຮງງານ

    ພະແນກແຮງງານ ແລະ ສະຫວັດດີການສັງຄົມ (ຮສສ) ແຂວງອັດຕະປື ໄດ້ຈັດກອງປະຊຸມສະຫລຸບວຽກງານຈຸດບໍລິການຈັດຫາງານພາຍໃນ ແລະ ແກ້ໄຂບັນຫາຂາດແຮງງານຂອງແຂວງອັດຕະປື 6 ເດືອນຕົ້ນປີ 2026 ແລະ ແຜນສືບແກ້ໄຂບັນຫາການຂາດແຄນແຮງງານ ແລະ...