ທ່ານ ພົນເອກ ປະຍຸດ ຈັນໂອຊາ ຫົວໜ້າຄະນະຮັກສາຄວາມສະຫງົບແຫ່ງຊາດ ໄດ້ຮັບການແຕ່ງຕັ້ງຈາກສະພາ

ໃຫ້ດຳລົງຕຳແໜ່ງນາຍົກລັດຖະມົນຕີຄົນໃໝ່ ຄົນທີ 29 ຂອງປະເທດໄທ ຕອນເຊົ້າຂອງມື້ນີ້ (21 ສິງຫາ)

ສຳນັກຂ່າວຕ່າງປະເທດລາຍງານວ່າ ສະມາຊິກສະພານິຕິບັນຍັດແຫ່ງຊາດຂອງໄທ ໄດ້ລົງມະຕິແຕ່ງຕັ້ງດ້ວຍຄະ

ແນນສຽງເຫັນດີ 191 ສຽງ ແລະ ງົດອອກສຽງພຽງ 3 ສຽງ ໃຫ້ແກ່ ທ່ານ ພົນເອກ ປະຍຸດ ຈັນໂອຊາ ຫົວໜ້າຄະນະ

ຮັກສາຄວາມສະຫງົບແຫ່ງຊາດ ເປັນລັດຖະມົນຕີຄົນໃໝ່ ແລະ ເປັນຄົນທີ 29 ຂອງປະເທດໄທ ແບບໄຮ້ຂູ່ແຂ່ງ

ໃນຕອນເຊົ້າຂອງວັນທີ 21 ສິງຫາ 2014 ນີ້.

ທັງນີ້ ທ່ານ ພົນເອກ ປະຍຸດ ຈັນໂອຊາ ໄດ້ນຳກອງກຳລັງທະຫານ ເຂົ້າຍຶດອຳນາດຈາກລັດຖະບານຂອງ ທ່ານ ນາງ

ຍິ່ງລັກ ຊິນນະວັດ ເມື່ອວັນທີ 22 ພຶດສະພາ 2014 ທີ່ຜ່ານມາ ແລະ ບໍລິຫານປະເທດພາຍໃຕ້ອຳນາດຂອງທະຫານ

ກ່ອນທີ່ຈະມີການແຕ່ງຕັ້ງສະພານິຕິບັນຍັດແຫ່ງຊາດຂຶ້ນ ເພື່ອເລືອກເອົານາຍົກລັດຖະມົນຕີ ກໍຄືລັດຖະບານ

ຊຸດໃໝ່ ຂຶ້ນມາບໍລິຫານປະເທດແທນ ເຊິ່ງທ່ານ ປະຍຸດ ເອງ ກໍໄດ້ຖືກເລືອກໃຫ້ນັ່ງຕັ່ງອີ້ນາຍົກລັດຖະມົນຕີຜູ້ໃໝ່

ຕາມການຄາດໝາຍຂອງຫຼາຍຝ່າຍ.

ການແຕ່ງຕັ້ງ ນາຍົກລັດຖະມົນຕີຄົນໃໝ່ຂອງໄທ ໃນຄັ້ງນີ້ ແມ່ນເພື່ອເປັນການປູທາງໄປສູ່ການຈັດຕັ້ງລັດຖະບານ

ຊົ່ວຄາວຂຶ້ນ ໃນອີກ 2 – 3 ອາທິດຂ້າງໜ້າ, ເຖິງແນວໃດກໍຕາມ ອຳນາດໃນການບໍລິຫານປະເທດ ກໍຍັງຄົງຢູ່ໃນກຳ

ມືຂອງກອງທັບ ນັບຕັ້ງແຕ່ມື້ເຂົ້າຍຶດອຳນາດເປັນຕົ້ນມາ.

ທ່ານ ພົນເອກ ປະຍຸດ ຈັນໂອຊາ ໄດ້ປະກາດວ່າ ເຂົາມີແຜນທີ່ຈະໃຊ້ເວລາສຳລັບການປະຕິຮູບການເມືອງໃນປະທດ

1 ປີ ກ່ອນທີ່ຈະຈັດໃຫ້ມີການເລືອກຕັ້ງຄັ້ງໃໝ່ ພາຍໃນທ້າຍປີ 2015.