ກະຊວງຖະແລງຂ່າວ ວັດທະນາທຳແລະການທ້ອງທ່ຽວຂອງລາວລາຍງານວ່າ ຕະຫຼອດປີ 2013 ທີ່ຜ່ານມານີ້ມີນັກທ້ອງທ່ຽວຕ່າງປະເທດໃນລາວມີຈຳນວນທັ້ງໝົດ 3,779,490 ຄົນ ແລະນຳລາຍໃດ້ເຂົ້າສູ່ປະເທດກວ່າ 550 ລ້ານດອນລ່າ.
ຈຳນວນນັກທ້ອງທ່ຽວບໍ່ພຽງແຕ່ຈະເພີ່ມຂື້ນຈາກ 3 ລ້ານ 3 ແສນຄົນໃນປີ 2012 ເທົ່ານ້ນແຕ່ຍັງເປັນຈຳນວນນັກທ້ອງທ່ຽວທີ່ເຂົ້າມາໃນລາວເກີນກວ່າແຜນການໃນປີ 2013 ແລະເກີນກວ່າລະດັບຄາດໝາຍ ສຳລັບປີ 2015 ທີ່ວາງໄວ້ທີ່ 3,750,000 ຄົນ.
ສຳລັບຈຳນັກທ້ອງທ່ຽວດັ່ງກ່າວເປັນນັກທ້ອງທ່ຽວຈາກອາຊ່ຽນກວ່າ 3 ລ້ານ 4 ໝື່ນຄົນ ເຊິ່ງເພີ່ມຈາກ 2 ລ້ານ 7 ແສນຄົນ ໃນປີ 2012ທັ້ງຍັງຄິດເປັນສດສ່ວນທີ່ເພີ່ມຂື້ນຫຼາຍກ່າ 3 ເທົ່າເມື່ອທຽບກັບປີ 2006 ທີ່ມີນັກທ້ອງທ່ຽວຈາກອາຊ່ຽນພຽງ 9 ແສນຄົນ
ສ່ວນນັກທ້ອງທ່ຽວຈາກພູມມີພາກອື່ນໆກໍ່ເດີນທາງມາທ່ຽວໃນລາວເພີ່ມຂື້ນຢ່າງຕໍ່ເນື່ອງເຊັ່ນກັນ ໂດຍນກທ້ອງທ່ຽວຈາກຢຸໂລບເພີ່ມຂື້ນຈາກ 185,000 ໃນປີ 2012 ເປັນຫຼາຍກວ່າ 212,000 ຄົນໃນປີ 2012 ໃນຂະນະນັກທ້ອງທ່ຽວຈາກສະຫະລັດອາເມລິກາເພີ່ມຂື້ນຈາກ 75,800 ຄົນເປັນ 85,900 ຄົນ
ສ່ວນນັກທ້ອງທ່ຽວທີ່ມາທ່ຽວລາວຫຼາຍທີ່ສຸດກໍ່ຄື:ນັກທ້ອງທ່ຽວຈາກໄທເຊິ່ງມີຫຼາຍວ່າ 1.9 ລ້ານຄົນນັ້ນເອງ
ຣັດທະມົນຕີວ່າການກະຊວງຖະແລງຂ່າວວັດທະນາທຳແລະການທ້ອງທ່ຽວລາວເວົ້າວ່າເຫດທີ່ນັກທ້ອງທ່ຽວເຂົ້າມາທ່ຽວໃນລາວເພີ່ມຂື້ນດັ່ງກ່າວຄື: ການພັດທະນາແລະບໍລິການທ້ອງທ່ຽວໃນລາວກ້າວໄປສູ່ລະດັບມາດຕະຖານສາກົນຫຼາຍຂື້ນເລື້ອຍໆ ເຫັນໃດ້ຈາກການທີ່ລາວໃດ້ຮັບລາງວັນດ້ານການທ້ອງທ່ຽວລະດັບໂລກຫຼາຍລາຍການ ໂດຍລາງວັນລ່າສຸດເມື່ອຕົ້ນປີ 2013 ທີ່ສະພາການທ້ອງທ່ຽວແລະການຄ້າຢຸໂລບກໍ່ໃດມອບລາງວັນໃຫ້ລາວເປັນປະເທດທີ່ໜ້າທ່ຽວຫຼາຍທີ່ສຸດໃນໂລກ.