ສຳນັກຂ່າວຕ່າງປະເທດລາຍງານ ເມື່ອວັນທີ 30 ມັງກອນ 2019 ວ່າ ປະທານາທິບໍດີ ໂດນັລ ທຣໍ້າ ທະວິດຂໍ້ຄວາມເມື່ອວັນພຸດທີ່ຜ່ານມາ ວ່າໜ່ວຍງານຂ່າວກອງສະຫະລັດເປັນກຸ່ມຄົນ “ຂີ້ຄ້ານ ແລະ ອ່ອນຕໍ່ໂລກ” ເມື່ອເວົ້າເຖິງປະເດັນອິຣານ ເຊິ່ງຕອນນີ້ຖືເປັນປະເທດທີ່ເປັນອັນຕະລາຍຫຼາຍ ຄືກັບສະຖານະການໃນຊີຣີ ທີ່ກອງທັບສະຫະລັດ “ປະສົບຄວາມສຳເລັດ” ໃນການກວດລ້າງກຸ່ມໄອເອສ (ISIS) ໂດຍສະເພາະໃນໄລຍະ 5 ອາທິດທີ່ຜ່່ານມາ, ຄືກັບການເຈລະຈາກັບອາຟະການິສະຖານເພື່ອຢຸດຕິສົງຄາມທີ່ມີຄວາມຄືບໜ້າຢ່າງຕໍ່ເນື່ອງ.
ຂະນະດຽວກັນທຣໍ້າ ໄດ້ກ່າວເຖິງຄວາມສຳພັນລະຫວ່າງສະຫະລັດ ກັບ ເກົາຫຼີເໜືອໃນປັດຈຸບັນແມ່ນປ່ຽນໄປໃນທິດທາງທີ່ດີຂຶ້ນຫຼາຍ ແລະ ເຂົາກຳລັງຈະໄດ້ພົບປະຫາລືກັບທ່ານ ຄິມ ຈອງ ອຶນ ຜູ້ນຳສູງສຸດຂອງເກົາລີເໜືອອີກດ້ວຍ ຜູ້ນຳສະຫະລັດກ່າວວ່າບັນດາເຈົ້າໜ້າທີ່ໜ່ວຍງານຂ່າວກອງສະຫະລັດ “ຄວນກັບໄປຮຽນໜັງສືຄືນໃໝ່”.
….Fighting continues but the people of Afghanistan want peace in this never ending war. We will soon see if talks will be successful? North Korea relationship is best it has ever been with U.S. No testing, getting remains, hostages returned. Decent chance of Denuclearization…
— Donald J. Trump (@realDonaldTrump) January 30, 2019
ຄວາມເຄື່ອນໄຫວຂອງຜູ້ນຳສະຫະລັດມີຂຶ້ນພາຍຫຼັງຜູ້ອຳນວຍການສຳນັກຂ່າວກອງແຫ່ງຊາດສະຫະລັດ ນຳຫົວໜ້າໜ່ວຍງານຂ່າວກອງແຫ່ງຊາດ ລວມເຖິງຜູ້ອຳນວຍການສຳນັກຂ່າວກອງກາງ ແລະ ຜູ້ອຳນວຍການສຳນັກງານສອບສວນກາງ ເຂົ້າພົບຄະນະກຳມະທິການຂ່າວກອງວຸດທິສະພາ ເພື່ອສະເໜີລາຍງານວິເຄາະປະຈຳປີກ່ຽວກັບ “ໄພຄຸກຄາມທີ່ຮ້າຍແຮງຕໍ່ໂລກ” ເມື່ອວັນອັງຄານທີ 29 ມັງກອນ 2019 ທີ່ຜ່ານມາ.
During an open Senate hearing, U.S. Intel Chief Dan Coats contradicted Pres. Trump on a number of issues including North Korea, ISIS and Iran. https://t.co/aYIcGo5zvO pic.twitter.com/6jfXATLhZ0
— CBS News (@CBSNews) January 29, 2019
ໂດຍທ່ານ ແດນ ໂຄດ ຜູ້ອຳນວຍການສຳນັກຂ່າວກອງແຫ່ງຊາດສະຫະລັດກ່າວວ່າ ຂໍ້ມູນດ້ານຂ່າວສານປັດຈຸບັນບົ່ງບອກວ່າບໍ່ມີຄວາມເປັນໄປໄດ້ທີ່ເກົາຫຼີເໜືອຈະປົດອາວຸດນິວເຄຣຍຢ່າງຖາວອນ ແຕ່ລັດຖະບານເກົາຫຼີເໜືອຍັງຄົງສະແຫວງຫາໂອກາດສ້າງອາວຸດອະນຸພາບທຳລາຍລ້າງສູງ, ການຖອນທະຫານອອກຈາກຊີຣີໃນຕອນນີ້ຍັງບໍ່ແມ່ນເວລາທີ່ສົມຄວນເຮັດ ເພາະກຸ່ມໄອເອສ (ISIS) ຍັງມີອິດທິພົນຢູ່ ແລະ ການເຈລະຈາສັນຕິພາບກັບກຸ່ມຕາລີບັນ ຍັງຕ້ອງໃຊ້ເວລາອີກດົນ ແມ່ນແຕ່ອິຣານກໍ່ຍັງຄົງເປັນໄພຄຸກຄາມຕໍ່ສະຫະລັດ ຄືກັນກັບຣັດເຊຍ, ຈີນ ແລະ ເກົາຫຼີເໜືອ ແຕ່ຍັງບໍ່ມີຂໍ້ມູນທາງດ້ານຂ່າວກອງທີ່ຢືນຢັນວ່າລັດຖະບານເຕຫະຣານ (ອິຣານ) “ລະເມີດ” ຂໍ້ຕົກລົງນິວເຄຣຍສະບັບປີ 2015.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews