spot_img
Homeຂ່າວທ້ອງຖິ່ນຂີ່ລົດແຂ່ງກັນ-ລ່ວງໄຟແດງ, ຮຽງກັນເປັນໜ້າກະດານ ແລະ ບໍ່ເຄົາລົບສິດຂອງຜູ້ອື່ນຈະເສຍຄ່າປັບເທົ່າໃດ?

ຂີ່ລົດແຂ່ງກັນ-ລ່ວງໄຟແດງ, ຮຽງກັນເປັນໜ້າກະດານ ແລະ ບໍ່ເຄົາລົບສິດຂອງຜູ້ອື່ນຈະເສຍຄ່າປັບເທົ່າໃດ?

Published on

ອາທິດທີ່ແລ້ວ ພວກເຮົາໄດ້ນໍາສະເໜີໄປແດ່ແລ້ວ ກ່ຽວກັບການກໍານົດອັດຕາປັບໃໝຜູ້ລະເມີດລະບຽບກົດໝາຍກ່ຽວກັບການຈະລາຈອນທາງບົກ ແຕ່ເປັນພຽງບາງມາດຕາເທົ່ານັ້ນ. ດັ່ງນັ້ນ, ພວກເຮົາຈຶ່ງໄດ້ນໍາເອົາຂໍ້ມູນທີ່ເຫຼືອມາເຜີຍແຜ່ໃຫ້ທ່ານຜູ້ອ່ານທັງຫຼາຍໄດ້ຮູ້ກັນ ເພື່ອໃຫ້ຜູ້ຂັບຂີ່ລົດທຸກປະເພດ ກໍຄືຜູ້ໃຊ້ຖະໜົນໃຫ້ມີສະຕິຕື່ນຕົວຕໍ່ລະບຽບກົດໝາຍ ເຮັດໃຫ້ການຈະລາຈອນທາງບົກມີຄວາມເປັນລະບຽບຮຽບຮ້ອຍ, ມີຄວາມສະດວກ, ປອດໄພ ແລະ ເປັນເອກະພາບກັນທົ່ວປະເທດ.

ອີງຕາມລໍາລັດວ່າດ້ວຍການປັປໃໝ ແລະ ມາດຕະການຕ່າງໆ ຜູ້ລະເມີດລະບຽບກົດໝາຍກ່ຽວກັບການຈະລາຈອນທາງບົກ, ການຂົນສົ່ງທາງບົກ ແລະ ການປົກປັກຮັກສາທາງຫຼວງ ເລກທີ 188/ນຍ:

ມາດຕາ 8 ການຂີ່ລົດແຂ່ງກັນ ໂດຍບໍ່ໄດ້ຮັບອະນຸຍາດ: ຜູ້ຂັບຂີ່ນັບແຕ່ສອງຄົນຂຶ້ນໄປ ຫາກໄດ້ຂັບລົດແຂ່ງກັນຢູ່ຕາມເສັ້ນທາງຈະລາຈອນ ໂດຍບໍ່ໄດ້ຮັບອະນຸຍາດ ຈະຖືກປັບໃໝ ຕາມປະເພດລົດຄື: ລົດຖີບ 10.000 ກີບ; ລົດຈັກ, ລົດ 3 ລໍ້ຕິດເຄື່ອງຈັກ  100.000 ກີບ; ລົດເບົາ (ເກັງ, ກະບະ, ຈິບ, ຕູ້) 500.000 ກີບ; ລົດໂດຍສານ 4 ລໍ້ ແລະ ລົດບັນທຸກ 6 ລໍ້ 600.000 ກີບ; ລົດບັນທຸກ 10 ລໍ້ຂຶ້ນໄປ ແລະ ລົດເມໂດຍສານ 700.000 ກີບ.

ມາດຕາທີ 9 ການຂັບຂີ່ລົດຮຽງກັນ: ຜູ້ຂັບຂີ່ລົດທຸກຊະນິດຕາມເສັ້ນທາງຫຼວງທີ່ມີແຕ່ສອງຊ່ອງທາງຕ້ອງຂັບຂີ່ເປັນແຖວດຽວ, ຍົກເວັ້ນໃນເວລາແຊງກັນຂຶ້ນໜ້າ ຖ້າຫາກຂັບຂີ່ລົດຮຽງກັນເປັນໜ້າກະດານເກີນ 2 ຄັນຂຶ້ນໄປຈະປັບໃໝຕາມປະເພດລົດຄື: ລົດຖີບ 10.000 ກີບ; ລົດຈັກ 50.000 ກີບ; ລົດ 3 ລໍ້ຕິດເຄື່ອງຈັກ ແລະ ລົດໄຖນາເດີນຕາມ 70.000 ກີບ.

ມາດຕາທີ 10 ການຂັບຂີ່ລົດລ່ວງໄຟອໍານາດ, ປ້າຍຫ້າມ, ປ້າຍບອກຢຸດ: ຖ້າຜູ້ຂັບຂີ່ລົດຄັນໃດລ່ວງໄຟແດງ, ປ້າຍຫ້າມຜ່ານ ຫຼື ປ້າຍບອກຢຸດ ຈະຖືກປັບໃໝຄື: ລົດຖີບ 15.000 ກີບ; ລົດຈັກ, ລົດ 3 ລໍ້ຕິດເຄື່ອງຈັກ  50.000 ກີບ; ລົດເບົາ (ເກັງ, ກະບະ, ຈິບ, ຕູ້) 70.000 ກີບ; ລົດໂດຍສານ 4 ລໍ້ 100.000 ກີບ; ບັນທຸກ 6 ລໍ້ 150.000 ກີບ; ລົດບັນທຸກ 10 ລໍ້ຂຶ້ນໄປ ແລະ ລົດເມໂດຍສານ 200.000 ກີບ.

ມາດຕາທີ 11 ການຂັບຂີ່ລົດໂດຍບໍ່ເຄົາລົບສິດຂອງຜູ້ອື່ນ: ຜູ້ຂັບຂີ່ລົດໃດຫາກຂັບລົດ ໂດຍບໍ່ເຄົາລົບສິດທິຂອງຜູ້ອື່ນເຊັ່ນ: ເມື່ອເຂົ້າສູ່ທາງຄົບ ຫຼື ທາງແຍກທີ່ສະເໝີກັນ ແລ້ວບໍ່ປ່ອຍທາງໃຫ້ຜູ້ທີ່ຢູ່ເບື້ອງຂວາມືໄປກ່ອນ ຫຼື ເມື່ອເຂົ້າສູ່ທາງວົງວຽນກໍບໍ່ປ່ອຍທາງໃຫ້ລົດຢູ່ໃນວົງວຽນໄປກ່ອນ ຈະຖືກປັບໃໝ່ຕາມປະເພດລົດຄື: ລົດຈັກ, ລົດ 3 ລໍ້ຕິດເຄື່ອງຈັກ 30.000 ກີບ; ລົດເບົາ (ເກັງ, ກະບະ, ຈິບ, ຕູ້) 70.000 ກີບ; ລົດໂດຍສານ 4 ລໍ້ 100.000 ກີບ; ບັນທຸກ 6 ລໍ້ 150.000 ກີບ; ລົດບັນທຸກ 10 ລໍ້ຂຶ້ນໄປ ແລະ ລົດເມໂດຍສານ 200.000 ກີບ.

ທ່ານສາມາດຕິດຕາມມາດຕາອື່ນໆ ກ່ຽວກັບການກໍານົດອັດຕາປັບໃໝ ແລະ ມາດຕະການຕ່າງໆ ຕໍ່ຜູ້ລະເມີດລະບຽບກົດໝາຍກ່ຽວກັານການຈະລາຈອນທາງບົກ, ການຂົນສົ່ງທາງບົກ ແລະ ການປົກປັກຮັກສາທາງຫຼວງ ໃນມື້ຕໍ່ໄປໄດ້ທີ່ https://laopost.com/.

 

 

 

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ສໍານັກງານນາຍົກລັດຖະມົນຕີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...