spot_img
Homeຂ່າວຕ່າງປະເທດWHO ຮອງຮັບວັກຊີນ “ໂຄວາຊີນ” ທີ່ຊ່ວຍປ້ອງກັນໂຄວິດ-19 ບໍ່ໃຫ້ເກີດມີອາການຮຸນແຮງ ຫຼື ເສຍຊີວິດ

WHO ຮອງຮັບວັກຊີນ “ໂຄວາຊີນ” ທີ່ຊ່ວຍປ້ອງກັນໂຄວິດ-19 ບໍ່ໃຫ້ເກີດມີອາການຮຸນແຮງ ຫຼື ເສຍຊີວິດ

Published on

ໃນວັນທີ 3 ພະຈິກ 2021 ທີ່ຜ່ານມາ ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ອົງການອະນາໄມໂລກ (WHO) ໄດ້ອະນຸຍາດໃຫ້ໃຊ້ວັກຊີນໂຄວາຊີນ ຂອງບໍລິສັດ ພາຣັດ ໄບໂອເທັກ ເປັນກໍລະນີສຸກເສີນ ໂດຍຄວາມກ້າວໜ້າໃນຄັ້ງນີ້ໄດ້ສ້າງຄວາມຍິນດີໃຫ້ກັບປະຊາຊົນຊາວອິນເດຍກວ່າຮ້ອຍລ້ານຄົນທີ່ໄດ້ຮັບວັກຊີນນີ້ ເຊິ່ງເປັນວັກຊີນໂຕທໍາອິດທີ່ຜະລິດພາຍໃນປະເທດ.

ການອະນຸມັດການໃຊ້ວັກຊີນໂຄວາຊີນ ມີຄວາມລ່າຊ້າ ເຮັດໃຫ້ຊາວອິນເດຍຫຼາຍພັນຄົນ ເຊິ່ງລວມໄປເຖິງນັກຮຽນນັກສຶກສາ, ຄົນເຮັດວຽກ ແລະ ຄອບຄົວ ຖືກແຍກອອກຈາກກັນ ແລະ ກໍມີອີກຫຼາຍລ້ານຄົນທີ່ລໍຖ້າໃຫ້ບັນດາປະເທດຕ່າງໆຍອມຮັບໃນການໃຊ້ວັກຊີນຊະນິດນີ້.

ກ່ອນທີ່ວັກຊີນ ໂຄວາຊີນ ໄດ້ຮັບການຮອງຮັບຈາກ WHO ຜູ້ທີ່ໄດ້ຮັບວັກຊີນຊະນິດນີ້ທີ່ວາງແຜນຈະເດີນທາງໄປຕ່າງປະເທດຈະຕ້ອງຖືກກັກໂຕເມື່ອເດີນທາງໄປຮອດຕ່າງປະເທດ ລວມເຖິງຕ້ອງມີຜົນກວດ RT-PCR ເປັນລົບ ຫຼື ຕ້ອງໄດ້ຮັບວັກຊີນຊະນິດອື່ນທີ່ປະເທດປາຍທາງກໍານົດ.

ໂດຍທົ່ວໄປແລ້ວ ວັກຊີນທີ່ WHO ອະນຸມັດໃຫ້ໃຊ້ເປັນກໍລະນີສຸກເສີນຖືເປັນວັກຊີນທີ່ໄດ້ຮັບອະນຸມັດຈາກປະເທດຕ່າງໆທົ່ວໂລກດ້ວຍ ຍົກເວັ້ນບາງປະເທດທີ່ມີໜ່ວຍງານກໍາກັບດູແລຂອງຕົນເອງ. ການອະນຸມັດຂອງ WHO ຄັ້ງນີ້ ຈະເລັ່ງເຮັດໃຫ້ຂະບວນການຕ່າງໆກ້າວໜ້າໄປໄດ້ວ່ອງໄວຂຶ້ນ ແລະ ປະເທດອື່ນໆກໍຈະມີຄວາມໝັ້ນໃນໃນວັກຊີນຫຼາຍຂຶ້ນ ບໍ່ວ່າຈະທາງດ້ານການຍອມຮັບ ແລະ ຄວາມປອດໄພໃນການເດີນທາງ.

ວັກຊີນຊະນິດນີ້ສາມາດໃຊ້ໄດ້ກັບກຸ່ມຄົນອາຍຸຕັ້ງແຕ່ 18 ປີຂຶ້ນໄປ ໂດຍຈະໄດ້ສັກວັກຊີນ 2 ເຂັມ ຫ່າງກັນ 4 ອາທິດ ເຖິງຢ່າງໃດກໍຕາມ WHO ໄດ້ລະບຸວ່າ ຍັງບໍ່ມີຄໍາແນະນໍາໃຫ້ໃຊ້ວັກຊີນໂຄວາຊິນກັບເດັກນ້ອຍ ແລະ ຂໍ້ມູນການໃຊ້ກັບແມ່ຍິງຖືພາທີ່ມີຢູ່ຕອນນີ້ກໍຍັງບໍ່ພຽງພໍທີ່ຈະປະເມີນຄວາມປອດໄພ ຫຼື ປະສິດທິພາບໄດ້.

ສື່ຂ່າວຕ່າງປະເທດຍັງໄດ້ລາຍງານເພີ່ມຕື່ມອີກວ່າ ມີບາງປະເທດເທົ່ານັ້ນທີ່ຍອມຮັບວັກຊີນໂຄວາຊີນ ແລະ ປະເທດອິນເດຍເອງຫວັງວ່າການຮອງຮັບຈາກ WHO ຈະເຮັດໃຫ້ເກີດມີການປ່ຽນແປງໃນເລື່ອງນີ້.

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...