ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen Thi Tuyet Chinh) ອາຍຸ 40 ປີ, ເຈົ້າຂອງຄລີນິກທັນຕະແພດ “Tuyet Chinh”, ໃນຂໍ້ຫາ ທຳຮ້າຍຮ່າງກາຍ ແລະ ທໍາລາຍຊັບສິນຜຸ້ອື່ນ.
ໂດຍເຫດການດັ່ງກ່າວເກີດຂຶ້ນເມື່ອວັນທີ 3 ກັນຍາ 2025 ທີ່ຜ່ານມາ, ເຊິ່ງຜູ້ເສຍຫາຍຊື່ ນາງ ຫວຽນ ຖິ ຕຽນ ເທົາ (31 ປີ) ໄດ້ເດີນທາງມາທີ່ຄລີນິກເພື່ອຮ້ອງຮຽນບັນຫາຫຼັງງຈາກການດັດແຂ້ວ, ແຕ່ໄດ້ມີການໂຕ້ຖຽງກັນຢ່າງຮຸນແຮງ, ຜູ້ເສຍຫາຍຈຶ່ງໄດ້ຈົກໂທລະສັບຂຶ້ນມາ ເພື່ອບັນທຶກເຫດການໄວ້ ແຕ່ເຈົ້າຂອງຄລີນິກບໍ່ພໍໃຈ ຈຶ່ງໄດ້ຈັບເອົາໂທລະສັບຂອງຜູ້ເສຍຫາຍດຶກຖິ້ມ ແລ້ວຂົ່ມຂູ່ດ້ວຍໄມ້ກັນເທົ້າພ້ອມທັງທຳຮ້າຍຮ່າງກາຍເຮັດໃຫ້ຜູ້ເສຍຫາຍຕ້ອງເຂົ້າຮັບການປິ່ນປົວຢູ່ໂຮງໝໍ ໂດຍມີອາການເຈັບຄໍ, ບ່າ, ແຂນ ແລະ ຫົວ.
ເຈົ້າໜ້າທີ່ໄດ້ເຂົ້າກັກໂຕໂຕ ເຈົ້າຂອງຄລີນິກ ເມື່ອວັນທີ 11 ກັນຍາ 2025 ເພື່ອດຳເນີນຄະດີໃນຂໍ້ຫາ ກໍ່ຄວາມວຸ້ນວາຍຕໍ່ສາທາລະນະ. ນອກຈາກນີ້, ກະຊວງສາທາລະນະສຸກຫວຽດນາມ ໄດ້ສັ່ງກວດສອບຄລີນິກທັນຕະແພດດັ່ງກ່າວ ແລະ ພົບເຫັນຂໍ້ຜິດພາດຫຼາຍຢ່າງເຊັ່ນ: ເຄື່ອງມືອຸປະກອນບໍ່ໄດ້ມາດຕະຖານ, ພະນັກງານໃນຄລິນິກບໍ່ມີໃບອະນຸຍາດຄົບຖ້ວນ ແລະ ມີການໂຄສະນາເກີນຈິງ. ເບື້ອງຕົ້ນ, ຄລີນິກດັ່ງກ່າວຖືກ ສັ່ງປິດຊົ່ວຄາວ ໃນຂະນະລໍຖ້າການສືບສວນ.
ແຫຼ່ງຂໍ້ມູນ: VietnamNet.vn